اقتباس:
|
- أوصف لنا طفولتك " بالتفصيل " .؟
|
طفولتي!
انا خير مني أتذكر وش صار أمس عاد أتذكر بالتفصيل طفولتي؟خخخ بس بقول الي أتذكر وبثثث
و الله طفولتي امممممممممممم من كان عمري سالب 9 أشهر الى سالب يوم واحد و أنا صدقوني ما أتذكر شي الا أني كنت أنا و ألوان نتضارب فبطن أمي > حلفي خخخ
سالب ثانية من الزمن :
ولدت الآنسة مرح في يوم جميل رائع أكيد و أظن فيه رشات مطر>ع كيفها هع
أول ماشفت الحياة كنت أضحك بانتصار
لأني هزمت ألوان المنكوبة الي طلعت قبلها من بطن أمي
واااو شعور جميل ، ألوان آسفة خليتك فهذاك المكان المظلم وحدك وأنت متعودة ع وجودي الجميل الي أكيد له نكهة خاصة خخ ، بس حمدي ربك ماحصلتي حد يضاربك ع الأكل ، وآسفة لأني الأقوى حتى من ولدونا >شررررررررردة
وُلدتُ طفلة مدللة محبوبة من الجميع ،الكل يحرص ع مراقبة الطفلتين – التوأمين- و الكل يتضارب عشان يلاعبهن!
بس كنا مشاكسات!
من كنا أطفال كنا نكوّن الأحزاب و العصابات و نلعب شرطة حرامي و بالونات ماي فكل أرجاء بيوت منطقتنا
كان لنا فرن خاص نصنع فيه طبخاتنا العجيبة – الطينية طبعاً!
و كنا نحب نلاحق العقارب فالمزرعة > مستجنيين خخخ و نقفز من سطوح البيوت هع
و كانت هوايتنا الغريبة نشار – نستتفز- الكلاب و نخليها تلحقنا فكل المنطقة
و تتقطع أنفاسنا من الركض خخخ
غريبة لأن نقطة ضعفي و أكثر شي أكرهه و أخافه فالحياة هو "الكلب"!
و بعد كانت هوايتنا ندور الجن على قولتنا عند البيوت القديمة هع
و نسكر الليتات و نقص قصصهم الي أظن 3 أرباعهن من عقلنا الخصب خخخخخخخخخخخ
امممممممممم بعد أتذكر من كنت طفلة كنت شريييييييييييرة لأبعد مستوى
كان يفرقوا بيني و بين أختي أني شريرة و مربوشة و هي طيبة و حبوبة 
وايد كنت أعذّب ألوان "تو بتقول للحين هع" كنا وايد نتضارب
بس أكيد تعلمت الحياة مني و من ضرابتي > ترقع هع
اتذكر بنت خالتي مرة شافتنا نتخانق وراحت تركض لأختي الكبيرة تقول أخواتك يتقاتلن و طبعاً أختي الكبيرة عااااااااااااادي قالت لها جلسي ريحي عمرك> متعوده الأخت هع و طبعا بعد 5 دقايق من القتال الشرس بكل براءة ولا كن صاير شي : ألوااان ممكن قلم!؟ ولا هي تطلب مني طبعا^^
بس كنا وايد قريبات من بعض
من كان عمرنا سنتين قاااعدة معنا اذا دخلنا مطعم لازم نطلع فوق الطاولة و نرمي الاشواك ونصارخ خخخخخخخخخخخخ
و بعد اذا ركبنا الطيارة كان يمسكونا الأجانب يلاعبونا ، عاجبهم شايفين وجهين نفس الشكل خخخ و أمي تقول و الله ريحوني من غثتكن خخخ
مدري شي يدعوا للتشويق و الاثارة و لا شسالفة
للحين الناس ما تصدق تشوف توأم ما تخلينا فحالنا 
> ما كني أكثر وحدة منكم معبرة فهالموضوع ؟ 
اقتباس:
|
2- هل تتمنى أن تعود طفلا.؟ ولماذا .؟
|
أتمنى و ما أتمنى،
الطفولة برااءة من قلب تعيش حياتك و ما تثيرك هموم الدنيا
بس ما أظن شي طفولة هالايام >حسب شوفتي للأطفال اللحين ماشي و ما يعرفوه ماكنهم أطفال
لذلك خلوني مثل ما أنا
أعيش كل مرحلة من حياتي بكل ما فيها =|
فوق ما تتصوروا!
و ما أدراك ما آخر العنقود خخخ
آخر العنقود و توأم لا و بنتين
و الله كل أخواني عرفوا الغيرة بسببنا هع
اي شي نقول لأبوي يقول سمعاً و طاعة
بس بالتالي كنا ننحرم من أي رحلة مافيها أمي و ابوي*_*
اقتباس:
|
4- هل مريت بصعوبات خلال فترة طفولتك .؟
|
اممممممم أمي مرضت شهر من ولدتنا و مُنعت تشوفنا فهالشهر ، لذلك أختي الكبيرة ربتنا هالفترة..
عشت طفولتي كلها ع الحليب الصناعي ، لذلك كنت دبة لين قايلة بس-برميل! خخخ
أصلاً من ولدونا لين وصلنا صف أول اعدادي و نحن أغلب أوقاتنا في المستشفى
كنت أعاني من الربو ووايد متعبني
الحمدلله رآح عني ^_^
اقتباس:
|
5-هل كنت طفلا هادئا أمخجولا أم مشاغبا .؟
|
الـ 3
ع حسب الحالة و الزمان و المكان هع
اقتباس:
|
6- أذكرلنا حـادثا مر بكـ خلال طفولتكـ ولم تنساه للأن .؟
|
اممممم وااايد
منها من كان عمري سنتين
ففرنسا
كان حاطني أخوي فعربتي و رايح يشوف شي قريب
ونط كلب أسوووووووود كبيييييييييير يخرع بلد عند عربتي و قام ينبح ع وجهي ، لا صاحبه ولا أهلي قدروا يوقفوه!
و لكم تخيل حالة مرح داخل عربتها!
و لكم تخيل ليش أكره الكلاب و أخافها الى يومنا هذا!
اقتباس:
|
7- اين كنت تقضي معضم وقتك .؟
|
اممممممممممم مع باقي الأطفال
أكثر شي فالبلااااد "مزرعة جدي مدري ليش كذا مسمينها!"
شرطة حرامي و كوك –مديسوه- وعرايس، وبيضة -الصياد-
اقتباس:
|
9- هل كنت طفلا اجتماعياأم انطوائي ولا تحب اللعب والمخالطه .؟
|
اجتمآآعــي الحمدلله
اقتباس:
|
10- لديك أصحاب من الطفوله .؟ وهل بقيت معهم أم باعدتكم الأقـدار .؟
|
يس ، أصدقائي أكثر كانوا شي أولاد أخواني وعيال أعمامي ، و خوالي ، الله لا يفرق بيننا ان شاء الله ،
باقيين البنات طبعاً لوول
بس بنات الجيران كانوا وايد معنا ، وايد يجووو بيتنا
واللحين ما نشوفهم الا فرمضان بس!
كبروا البنات ما يحبوا يجووا بيتنا مثل أول : )
اقتباس:
|
11- هل كنت تحب أفلامالكرتون .؟ وما هو كارتونك المفضل .؟
|
شي طفل ما يحب الكرتووووون؟
ليدي و سالي و هايدي و صاحب الظل الطويل وساندي بل ورعد العملاق وكل كرتون ينعرض!
أتذكر من كنا صغار نحن وولاد أخواني نغني "رعد العملاق جاء ،جاء ليحمييينا "
وتعصب زوجة أخوي و تنازعنا تقول ربكم الي يحميكم ما رعد العملاق خخخخ
و صرنا حريصين نغنيها بدون حضورها هع
اقتباس:
|
12- كيف كانت علاقتك مع أخوانك .؟
|
كانوا يشوفونا آخر العنقود المدللات
لذلك كانوا يحبونا و يدلعونا وايد ^_^
أتذكر واحد من أخواني كان يحط يده رافع أثقال يد لي و يد لأختي هع
هئ هئ اشتقت لهذيك الأيام حد يعطيك وجه هع
و طبعاً علاقتي بأختي التوأم كانت كـ علاقة أي توأمين لا يفترقان عن بعضهما لحظة!
ولا يتوقفان عن الضرابة لحظة هع
اقتباس:
|
13- ماهو أصعب موقف حدث لك في طفولتك ولم تستطيعنسيانه .؟
|
هذا ما مثل سؤال الحادث!؟
صراحة أبداً ماقدر أنسى أن أمي مرضت شهر من ولدتنا و شاب شعرها بسبب ولادتنا !
يااااااااه نعتذر جداً يا أمي ، لأنك عانيتي الكثير بسبب ولادتنا
اقتباس:
|
14- هل هناك إنسان معين غرت منه في طفولتك .. ولماذا .؟
|
ولد أخوي "العباس" ههههههههههههههه أتذكر أول ما يجوووا أروح عند باب البيت و أركض لأمه أقولها تبووو تجوووا بيتنا تعالوا بس لا تجيبوا هذا و نأشر عليه
كان يعذبنا يشد شعرنا هئ هئ محد يقدر يلومنا لأنه كان "شيطان باختصار لووول"
كنا نغار لأن أمي وايد تحبه و تدلعه
كنا دوم نروح لأمي نقولها من تحبي أكثر نحن ولا العباس؟ تقول كلكم اولادي وأحبكم و نعصبببببب نقولها بس نحن بناتك لازم تحبينا أكثر هع
اقتباس:
|
15- صف لنا موقفك أول يوم دخولك للمدرسه .؟
|
سامحوني ما أتذكر ، ما أظن صحت لأني كنت داخلة أنا و أختي وولد أخوي فنفس المدرسة و نفس الصف و متحمسين من قلب هع
بس أتذكر باقي الأيام كنت دوووم أتخبى ورا سريري الطفولي "كان ع شكل سيارة فراري حمرا خخخخ" لا عرفت انه موعد المدرسة هع و كل يوم منازع يدورونا هع و الله كنت أسوي هالحركة لين صف السادس هع
اقتباس:
|
16- شيء كنت تتمناه بطفولتك ولم تحصل عليه .؟
|
ما أتذكر
ما قصّر أبوي الله يخليه لنا ان شاء الله
اقتباس:
|
17- حلم الطفوله ماهو .؟ وهل حققته .؟
|
حلم الطفولة كان أني أكبر 
اقتباس:
|
18- ماهي الكلمات التي كنت ترددهاا في طفولتك .؟
|
أقوووووو أقوووو ماما بابا و وااااااااااااااااااااااااااااااااااااااع هع
اقتباس:
|
19- هل كنت مطيع لوالديك .؟
|
نعم الحمد لله
بس لا بد من مشاكسات الطفولة و العنادات
اقتباس:
|
20 - كلمه آخــيره ودكتقولها .؟
|
أقول لكل طفل استمتع بأيام طفولتك لأنها ما بتنعآآآآد
و أقول لكل أب و أم خلوا أطفالكم يستمتعوا بطفولتكم قد ما يقدرروا
خلوهم يتسبحوا فبررركة طين و ماي لو يبوووا خلوهم يوسخوا ملابسهمو يتعوروا عادي الطيحات تعلمهم أكثر يستمتعوا عادي الملابس تتغسل و تجي غيرها والجروح و الاصابات تروووح لا تبالغوا فقلقكم عليهم ، لا تبالغوا فرسم حواجز لهم من حق كل طفل يمارس طفولته مثل باقي الاطفال ، تذكروا وش سويتوا فطفولتكم من مشاكسات و جرايم
>كني جمعية حقوق الطفل خخخخخخخخخخخخخخ
آآسفة وايد ع التأخير و ان شاء الله ما أكون طولت عليكم ..
و أختار بعدي :
كحل العين!
العرض الشجري
