قصيدة ابكي على الحال.....!!!
هذه قصيده معبره عن معظم احوال الفتى الحزين ..............!!!!!!!!!!!!
ابكي على الحال مدري الحال يبكينـي
والله مـدري ولكـن وضعنـا مـزري
عقب المعاميـل هوجاسـي يراكينـي
ماغير اعدد جروح الوقت في صـدري
ذكرى على الشارع الخلفـي تودينـي
وذكرى تمثل روايه والبطـل صبـري
وذكرى مع الدم تمشي فـي شرايينـي
وانا مـع الذكريـات آهيـم واهـذري
ياعازف الناي خذنـي لـك وغنينـي
واذا تقطعـت بالاوتـار مـن عـذري
ماقول (اشوف) الليالي سود في عينـي
دامي (اعيش) الليالي السود من صغري
مدري متى ياحيـاة الضيـم تعطينـي
يكفي قتلتي جميع الضحك فـي ثغـري
ياللـي تحبيـن حبيـنـي ورديـنـي
ياكيف اخاويك والوجهه علـى قبـري
اقـري حياتـي اذا يمديـك تقريـنـي
يمكن تحسين بـالآلآم مـن يـدري؟؟
ولاتحكمين بضميـرك مـن عناوينـي
اقري خفايه بوسط الحرف وبسطـري
اذا توديـن شـوف الضيـم شوفينـي
الضيم اصـلا كتبـه الله مـن حبـري
واذا تودين شـوف الشمـس جافينـي
النور عتمه ترى ماهو علـى خبـري
ابحـرت ضايـع دخيـل الله تبكينـي
يكفيني ابكي من اول يوم فـي عمـري
|
العرض الشجري
المواضيع المتشابهه
