السلام عليكم ورحمة الله وبركاته ،،
كيف الحال جميعا ؟!
اليوم جبت لكم طبق حلو اسمه عش العصفور >> عاد ما اسم 
،،
ان شاء الله يعجبكم لأنه سهل التحضير و طعمه في قمة الروعة ،،
تابعوني واحكموا بنفسكم ،،
أولا نبدء بالمقادير ،،
1- علبة زبادي أو روب عادي مال 100 بيسة
بعدين نفرغ الزبادي في الخلاط ونغسل العلبة علشان نقيس فيها بقية المقادير ،،
2- علبة سكر
3 - علبة طحين ابيض ( دقيق )
4 - علبة زيت
( مثل ما خبرتكم القياس يكون بعلبة الزبادي )
5 - ملعقة بكينج بودر
6 - ثلاث بيضات
7- كيس شعرية أحمد أو ما اعرف ايش تسموها هي نفسها الي نسويها للكنافة بروايكم صورتها ،،
8 - قوطي حليب مركز أبو قوس أو نستله
لاتشوفوا عدد المقادير كبير لأن كل شي تقريبا متوفر في البيت ،،
أنا بس رحت اشتري زبادي لأن كان مخلص من الثلاجة 
أما الشعرية فكان باقيات كيستين من العيد ،،
الموهيييم هذه صورة للمقادير ،،
:
ثانيا نجي للخطوات سهلة جدا وما تحتاج شغل ،،
نخلط المقادير التالية مع بعض في الخلاط ونخلطهم بشكل جيد ( يفضل انكم تخلطوا البيكنج
بودر مع الطحين مع بعض بعدين تضيفوهم لبقية المقادير في الخلاط )
وبكذا نكون خلصنا النص 
نصب الخليط في صينية الفرن وهذه صورة ،،
:
بعدين عاد نكسر الشعرية تكسير 
ونضيفها فوق الخليط ،، يعني نسوي طبقة ثانية من الشعرية فوق الخليط
هذه الصورة لعملية نثر الشعرية فوق الخليط 
وهذه صورة ثانية بعد ما خلصت حاطة الشعرية على الوجه كامل
:
بعدين عاد ندخلها الفرن لحد ما تنضج من تحت وتحمر شوية من فوق ،،
وهذا شكلها بعد ما طلعتها من الفرن 
:
بعد ما نطلعها بالسلامة ، نصب عليها الحليب المركز
وندخلها الثلاجة علشان يجمد العش بالحليب المركز 
وبعدها نطلع من الثلاجة وتقطعها قطع صغيرة ،،
طريقة التقديم اختيارية ،، ممكن تقدموها في صحن وخلاص
أو ممكن توزعوا القطع في ورق الكب الكيك الصغيرة وتقدموها 
زي كدا ،،
أنا استخدم هذه الطريقة لأن ما شاء الله عندنا العدد الكبار خاصة الأطفال 
:
ممكن تعكسوا الخطوات يعني بعد ما تصبوا الحليب المركز ، تقطعوا القطع وتوزعوهم على الورق وبعدين تحطوهم في الثلاجة ،، 
وبالعافية على قلوبكم ،،
الأهل الله يحفظهم يشربوا قهوة بعد ما ياكلوا منه
لأن نسبة السكر عالية بسبب الحليب المركز ، 
|عـــــش العصفـــور بالصور | تطبيق orient
العرض الشجري
