أنا عمري معه ليلة ..
قصيدة (( انا عمري معه ليله ,, )) اتمنى ان تنال الرضا واستحسان الجميع ..
************************************************** ***********
على هونك .. ياشمس الصبح توه مابداء المشراق = على هونك وخليها .. تكمـّـــل في ظلايمها
لان الليل مظلم فيه .. ماندري .. من السـرّ اق ..؟ = أنا راضي على قلبي .. مـــاعده من جرايمها
اعرف اني انا المطعون بحب ٍ مـا عرف يشتاق = ولان الصبح لامنه بداء شافوا .. غنايمها
كذا ياشمس يدري بي .. وانا ادري انه البواق = جميع الناس ون لا موه .. أنا مــاني بلايمها
يحق لمثلها تاطأ على قلبي بدون اشواق = يحق لمثلها .. تذبح تميمه !! من تمايمها
بلا ياشمس ماتدرين .. ولا شفتي نعيم دقاق = وكيف انه تثنى العود ون هبت نسايمها
والا ياشمس ما شفتي بياض وكنه البراق = ليا منه لمع .. كنه يوصف في قسايمها
ولا ياشمس ما شفتي جديل(ن) تنسفه مطراق = سواد الليل هايم به وشفته كيف .. هايمها
ولا ياشمس وش باقي نسوقه كان به ينساق = اسوق المال .. والا الحال .. انا ماني بشايمها
والا يا شمس لا تبدين مره مانبي المشراق = انا عمري معه ليله وابقضي العمر قايمهاا ..
|
العرض الشجري
المواضيع المتشابهه
