أيها الأحبـة الأعزّاء في هذا الصرح الأدبي الشامخ
يشرفني أن أطرح بين ذائقتكم قصيدتي الأولى والتي
فازت بالمركز الخامس في مسابقة مجلس الشعر الشعبي العماني

من علمك يالريح كسر المجاديف؟=من علمك ياليل خنق الربابه؟!
لوّ الشتا يشره على غيبة الصيف=كان اشتكى الراعي نحول الذيابه
ماللحقيقه ذنب في عثرة الزيف=عمر الدوا والداء ماقد تشابه
مرّي صباح الحلم وآمر بك طيف=دام احتراق العمر شرٍ نهابه
جيتك مداين وجد لمعانق الريف=جيت أمتطي للجدب صهوة سحابه
شفتي البحر عرضه من السيف للسيف=جيت أذبح غيابك وانا امخر عبابه
لـ تمرمرين العشق وترددي كيف=يحكم دهاء الليث مليون غابه
من قال هذا الحب كذب وتخاريف=لـ يلبّسك إبليس رثة ثيابه
واللي سعى بالعذل بين المواليف=مثل الكفيف يتوه لامرّ بابه
تشبع عواء الضبع كومة غضاريف=والسبع بعد الموت تُفزع نيابه
ياغايبه يكفي وانا داخلٍ ضيف=عرف الدخيل إن ضاع حق القرابه!
وان صار هم الريح وأد المجاديف=منهو يلوم الليل خنـق الريايه!!