الحمدلله والصلاة والسلام على رسول الله وعلى آله وصحبه أجمعين
وفاة شاب في عمر ما يقارب 15 سنة في مستشقى قابوس بسبب وصفة خاطئة ..
وحسب المصادر الي اعلمت فيها انه الشاب كان يعاني من الكحه وتم اعطاء الشاب وصفة طبية خاطئةوكانت عبارة عن دواء للشرب ومن ثم تدهورت حالة الشاب الي الاسوء يعني شخص يروح للمستشفى لانه فيه كحة بسيطة بعد نص ساعة تتدهور حالتهالله يرحمه ويسكنه فسيح جناته ..
يعني لا زال مسلسل الاخطاء مستمر في مستشفيات عمان كلها من شرقها لغربها والظاهر ماشي فايده فيهم الله يكون في عون المواطن العماني الصبر زين ..
الشي هذا يتحمله المسؤولين في وزارة الصحة وفي الحكومة .. وهم اصلا اذا فيهم شي ما يتعالجون في المستشفيات هذي اذا واحد منهم فيه جرح ولا خدش صغير يسافر اليوم الثاني للخارج للعلاج
والمجازر والمذابح هذي لنا نحنا المواطنين ..
وعلى فكرة حبيت اضيف شي لاني تذكرت اشخاص من مرتادي مستشفى قابوس بصلالة حبيت بس اضيف نقطة هذي لانه الشي هذا قريب من ايام ..وراح اضيف سالفة لشخص اعرفه
السالفة وما فيها انه شخص كان يعاني من الم اسفل البطن ويطلع دم من فمه المهم مستشفى قابوس ما قصرو عملو تحاليل الازمه وكل شي وايش اخر التحاليل هذي قالو انه الشخص هذا يعاني من تلف في الكبد يعني خلاص لا حولة ولا قوة الا بالله وسبب الاشياء الي فيه نتيجة ورم موجود في الكبد والكبد صار تالف .. المهم ايش صار للشخص هذا ..
الشخص هذا سافر خارج السلطنة وتم تشخيص الحالة مرة ثانية خارج عمان اخر شي طلع انه يعاني من تقرحات بسيطة في المعده وانه يحتاج للعلاج فقط وعلاج لفترة معينة ولا شي طلع كبد تالف مجرد تقرحات بسيطة والحين بخير وهو وبصحة عالية جدأ ومرتاح ومستانس وهذا بفظل ربي ..
يعني كم روح راحت بسبب الاخطاء الله يستر وينجينا منهم ..
التعديل الأخير تم بواسطة COMANDER ; 17-11-2008 الساعة 07:51 PM.
|
العرض الشجري
