رسـالة إلى معـالي الوزيـر - منتديات حصن عمان

تبليغ عن مشاركة بواسطة alaa_eg (اخر مشاركة : alaa_eg - عددالردود : 1 - عددالزوار : 2 ) » تبليغ عن مشاركة بواسطة alaa_eg (اخر مشاركة : alaa_eg - عددالردود : 0 - عددالزوار : 1 ) » تبليغ عن مشاركة بواسطة alaa_eg (اخر مشاركة : alaa_eg - عددالردود : 0 - عددالزوار : 1 ) » [ رَسَائِل ..إلَى مَا لانِهَايَة..] ! (اخر مشاركة : البريء - عددالردود : 705 - عددالزوار : 104738 ) » دعونا نـ ـلون جدراننـ ـا بضجيج أقـ ـلامنــا (اخر مشاركة : البريء - عددالردود : 2080 - عددالزوار : 171021 ) » سجل دخولك للقسم العام بـحـكـمـتـك لهذا اليوم (اخر مشاركة : البريء - عددالردود : 618 - عددالزوار : 93827 ) » ســجـل حـضــورك بالصـلاة علـى النبي (اخر مشاركة : البريء - عددالردود : 72 - عددالزوار : 24508 ) » سجل دخولك وخروجك بالاستغفار (اخر مشاركة : البريء - عددالردود : 81 - عددالزوار : 34126 ) » همسات قبل حلول شهر رمضآن المبارك .. (اخر مشاركة : البريء - عددالردود : 9 - عددالزوار : 18969 ) » عندك مشكلة..تفضل مع دكتوره دبدوبــ،،ــهـ (اخر مشاركة : البريء - عددالردود : 166 - عددالزوار : 59024 ) »


		منتديات حصن عمان

		منتديات حصن عمان > أسرة حصن عمان > برج ترويح القلوب وترفيه النفس > برج النكت والمواقف الطريفة
رسـالة إلى معـالي الوزيـر

أدوات الموضوع

رسـالة إلى معـالي الوزيـر

24-05-2006

بَذرةُ جُنون..!

مؤهلاتك بالحصن

عدد نقاط تميزك بالحصن : 21187

المستوى :

عدد زياراتك للحصن:

عدد المرفقات :

الحالة :

!.. رسائلي ..!

سـَ أكونُ هُنا ,,لأكــون ..وأنسى ..أنني لم أكن هُنا :: يوماً :: لأكـــون

من مواضيعي

0 مُذكِراتْ سَجينْ ..!
0 مُجلة أرواحُ الحُصن - تَرى النُور- !
0 لمن يبحث عن الكنز ..
0 100 جملة من أهم الجمل التي ستتعامل معها في خلال حياتك
0 ذئـــابٌ بشرية ،،، هـــل أنت منهــم ؟

الاوسمة

تميز وإبداع في الإدارة والإشراف للفعاليات

مجموع الاوسمة: 8

رسـالة إلى معـالي الوزيـر

رسالة الى معالي الوزير

السلام عليكم ورحمة الله وبركاته .. ‏وبعد ،

صبحك الله بالخير معالي الوزير .. ‏موووه أخبارك .. ‏وموووه علومك .. ‏من صوبنا ماشي علوم وماشي خبار

معالي الوزير الموقر ..
‏أتقدم بطلبي هذا وأرجو من الله العلي القدير أن تشوفوا عليه شوفه غاويه إنزين معاليكم .. ‏تراه الحكايه وما فيها إني من زمان عوين باغي أبني بيت وأول ما إشتغلت قدمت في بنك الإسكان

كان ذيك اليوم الفايده بس 2% ‏وكنت أحرص دوري أحر من شربة الشعير .. ‏وبعد كمين سنه جاتني رساله منكم وقلت وا بختي جات الموافقه .. ‏لكن يا معالي الوزير .. ‏ما توقعت وما كنت أتوقع اللي مكتوب في الرساله عوين مكتوب (‏نفيدكم بعدم الموافقه إلا للمتزوجين وإنته بعدك عزابي ) ‏شربي العمقات من عقب محلش .. ‏ولو جيت تشوف حالتي يا معالي الوزير كان بتدمع عيونك صدقني .. ‏لكن موووه أسوي ضغط على عمري .. ‏وقلت عندي كمين بيسه أحسلي أروح أتزوجبهن .. ‏وتزوجت والحمد لله.. ‏وبغيت أقدم مره ثانية في وزارة الإسكان .. ‏تفاجأت يا معالي الوزير بأنهم قالولي هناك إنه الفايده عوين توصل 6% .. ‏المهم شليت شلولي وكل أوراقي وإنسحبت وفي فوادي كلام .. ‏أحسن لي ما أقوله يا معالي الوزير .

‏إنزين يا معالي الوزير .. ‏تسمع مني ..
‏ذيك اليوم سمعت عن جمعيه عوين فيها قانون إنه ما يمر عليك سنتين إلا وإنته ماخذ المبلغ مال عشر سنين .. ‏قلنا زين يا إنسان هوه هذا بو كنت تدوره .. ‏وبالمره وبدون تردد ولا مشوره دخلت الجمعيه وأنا مغمض .. ‏وجلست أدفع وأدفع وأدفع .. ‏علين وصلن السنتين .. ‏ويوم رحت أخذ غوازيي .. ‏قالي رئيس الجمعيه عوين الجمعية تعاني من إنسحابات وإنته لازم تحرصنا بعدك شويه .. ‏قلت له علين مته أنا أحرصك قولي .. ‏علين يخلصوا اللي دافعين قبلك .. ‏قلت له إنزين مته يخلصوا بو قبلي .. ‏قال الله أعلم .. ‏قلت له إنزين هات فلوسي أنا ما أبغى أكمل معكم .. ‏قالي إنزين لكن لازم نقسط لك إياهم عوين .. ‏تو مووه هذي الحاله .. ‏هين أشتكيبه هذا الآدمي .. ‏المهم لعنت بليس ووكلت أمري للواحد الأحد .. ‏وصبرت علين إستلمت فلوسي كلهن .

‏المهم يا معالي الوزير .. ‏تسمع مني .. ‏وله ما تسمع .. ‏قول شيه
في النهاية ضولت كمين بيسه مع هذيلاك الغوازي بو ردولي إياهن من الجمعيه .. ‏وقلت أتوكل أروح أبني لي بيت صغير .. ‏ورحت أدور مقاول عشان نشوف بكم يوقف البيت اللي باغي أبنيه واللي يتكون من 3 ‏غرف ومجلس ومطبخ .. ‏رد عليي المقاول بعد الفحص والتحري والمعاينات .. ‏وقال لي إنه يوصل سعر البيت اللي باغي تبنيه تقريباً 3 ‏أضعاف المبلغ اللي عندك ..

لأنه جونية السميت اللي كانت بثمان مية بيسه زيد فوقها ريال .. ‏وصيخ الحديد زيد فوقه كمين ريال نوبه .. ‏يطلع لك هذا المبلغ بو قدام عيونك مكتوب تو .

‏مووووه أسوي يا معالي الوزير تسمع مني .. ‏شور عليي .. ‏كيف أتصرف .. ‏صابني دوار راس .. ‏وصولان رجول .. ‏وليه ومسيار .. ‏ولوعان كباد يوم سمعت المقاول يقول لي كذاك .

‏معالي الوزير .. ‏تجمل فيي الشيمه سعفني .. ‏موووه أسوي .. ‏خبرني شيه .. ‏جعلك الله ذخراً للوطن.
‏

مقدم الطلب : ‏إنسان .. ‏من هذا الزمان

المرفقات : ‏جوازات الصغيرين .

هههه مـلاكـ

مواقع النشر (المفضلة)

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 10:22 PM.