هل تفعلينها لوطلبها منك ليلة الدخله
قصــة قرأتها في أحـد المنتديات وأعجبتني فحبيت أن تقرأوها
"قصة واقعية حصلت في ليلة الدخله" ربما ..
اول شي انا أدرجت هذه القصه
لأعرف ردودكم على مافعله هذا الرجل بعروسه
إليكم القصه ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم صاحبنا يرد على المتصل
ويدور الحوار التالي :
بعد ما شغـّـل السماعة الخارجية
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين
المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين البلاد
((طبعاً بلادهم تبعد حوالي 279 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : ثمانية
الزوج : اقولك عشاكم الليلة عندي وإذا ما جيتو بطلقها
المتصل : يا ابن الحلال مايصير انت عريس جديد و.. و..
((المهم مافيه فايده الزوج مصر انهم يتعشون عنده))
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعة رجع الزوج ومعه اغراض العشاء
قالت الزوجه وش ذا ؟
قال الله يسلمك قومي سوي العشاء لزملائي في العمل جايين من بعيد وعلين تو ما تعشيوا
،،،وفي أثناء الحوار،،، والا الباب يدق
قال هم ذولا وصلوا يالله وراح عند ربعه يقهويهم....
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
ماذا ستفعلين لو كنتي مكانها يا تـُــرى ؟
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
يدخل زوجها عليها ويرمي لها (4000) ريال هذا حقك قالت وشوا حقه قال الرهان اللي بيني وبين زملائي الثمانية على كل واحد
(500) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين
.......
......
.....
....
...
..
.
|
أكذب عليك إن قلت بعدك شئ عادي
أضحك و أنا من جور الأيام مجروح
جرح توسط في حنايا فؤادي
وليت الجروح ضيوف يومين وتروح
بعثر ورقنا هالزمان الرمادي
وأصعب شئ على الإنسان غربة الروح |
|
العرض الشجري
المواضيع المتشابهه
