إشتقتْ لك ،

أكثر من أي مرة قلتلك فيها بأني إشتقتْ لك !

مشتاقة لك حَد التَعبْ
حد العتبْ
حد البُكاء بلا سببْ !

إشتقتْ لك ،

حد الوهنْ
حد المَسافه بيننا وَ حد الزمنْ !

و اللي خلقنا إشتقتْ لك ..

***

مِتخيّل اني من سنهْ ما قلتلك .. مشتاقهْ لك !
هذي أنا ألحيِن ، كنّي من سَنه مشتاقهْ لك
و إحنا يا دُوب أسبُوع فارقنا بعضْ ،،

عييّت أبفهم كيف لو إنا بِلحظهْ بَنفترق .. و إلى الأبدْ !

وش هو الشُعور ؟
و لأي مَدى بيصير كل جسمي لهبْ ؟
و مدري إذا مَا بحْترِق كلّي أو إني بنْطفي بلحْظة غضبْ !

لحظة عضبْ !

و ليش الغضبْ ؟

لأنك قَدرت تَفارق و تبعِد بعد ما بحتْ لك كل هالتعبْ !

لا __ لا تشيل الهم و إبعدْ و اغتربْ

و برضى انا باللي أراده ربّي و باللي انكتبْ

و إن صَادَفِتْ لحظة حنين.. ما بين سين (س) و بين جيم (ج) ،

خلك طبيعي و قول: اهي اللي رضت
ما كان ودي نفترق ،، لكنها رغما أبت "

علل جميع الاسئلة بـ بـها و [كلّه مِنّها] ..

ما ودي أعرفْ انك بيومِ تكدرتْ و تعبتْ ،

و من الأسفْ مدري النّدمْ .. شقّيت في رِسغك جَرحْ !

و من النّزفْ مدري الألمْ .. نِسيت كل لَحظة فرحْ ..

نسيت انك لَازِلتْ تسكن ضُلوعي للأخير ،

و انك على رغم الألمْ بتظل في عُيونِي أَميـر ..

و انك ،

و اني ،

و إنّنا ..

لا يُمكن إنا نفترقْ ،
محـــآل إنا نفترق .