>>
>>
>>زينب : ما عندي شي ,,, بس لا تقولين عنه هاموور
>>
>>مريم: ويش تبغيني اقوول شعري لو صافي ؟
>>
>>زينب : لا على الاقل قولي سمج زينه ,,, مع انه احلى من الزينه بكبرها
>>
>>مريم : صدق قليلة ادب
>>
>>زينب : اني قليلة ادب ؟
>>
>>مريم : صبري باقووول الى ابويي ها
>>
>>زينب : مريم حبيبتي تعالي بقول لش شي
>>
>>مريم : ماني
>>
>>زينب : ها عمري اخذي مجلتي اقرأيها
>>
>>مريم : ما ابغى اقرأ
>>
>>زينب : انتين ويش تبغين اي شي تبغينه بعطيش اياه
>>
>>مريم : ابغي الهتفوون مالش
>>
>>زينب : ههههه غالي والطلب رخيص تفضلي اخذيه بس بشرط
>>
>>مريم : ادري ويش هوو ,, لا تخافين ما بقوول هع
>>
>>زينب : عفيا عليش يا الشاطره
>>
>>راحت مريم وبت زينب بروحها صوب الشجره تطالع في محمد
>>
>>التفت ليها محمد
>>
>>محمد :
>>
>>زينب :
>>
>>محمد :
>>
>>و هي شغلتهم
>>
>>تالي عقب وااااااااجد جزة حزت الغذااا هع
>>
>>قاموا يفرشووون السماطات كل شي وحاله
>>
>>
>>قام محمد عن يا زعم ينجب الغذا و يجهز
>>
>>الام : زينب قومي يا خلف جبدي اعطي محمد هل الصينيه يحط لينا وداام
>>قومي
>>
>>زينب : ان شاء الله
>>
>>راحت زينب و محمد مسكين انهكه التعب و نجب الغذا <<< مسكين كل عشان
>>يقولون عنه سبع
>>
>>و يووم تروح زينب كان ما في احد صوب محمد
>>
>>زينب : لو سمحت حط لينا ودام
>>
>>محمد : من عيوووني
>>
>>زينب :
>>
>>ام محمد : وي على افادي يا محمد ما اكل شي
>>
>>الام : صدق ؟ عجل خلي له هل الودام اذا ما اكل
>>
>>محمد : لا اماه فيه ودام واجد انتون اكلوو
>>
>>ام محمد : انزين يا حبيبي ,, انت الحين رووح كل
>>
>>محمد يستحي اذا امه تدلعه <<< خبركم الصبيان كلهم جذي هع
>>
>>محمد :
>>
>>تالي خلصوا اكل و جت العصر و قعدوا يشربون جاي ويفسفسوون حب هههه وهيك
>>يعني
>>
>>زينب : مريم امشي نروح نبع خوخ
>>
>>مريم : ايي صحي امشي
>>
>>و راحو يبعون خوخ و عنب و تفااااح و مستانسين
>>
>>محمد : مريم ويش تسوين في كل
>>هل الفواكه ؟ حشى
>>
>>مريم: هذا مو كله ليي هو انت مخرف؟
>>
>>زينب تطالع في مريم : <<< مستحمقه لانها تزبر على حمود
>>
>>محمد :يعني ههه احسب لش بس
>>
>>مريم: مره فانيه لا تحسب
>>
>>زينب : مريم بلا سخافه واجد ها
>>
>>محمد : ايييي صيري شوي مثل اختش خجوووله و مؤدبه
>>
>>زينب :
>>
>>مريم : ويييي مااالت
>>
>>و راحت
>>
>>محمد : ههههههههه سكتناها ها
>>
>>زينب: ايييي هههه
>>
>>قام محمد عطس
>>
>>زينب : رحمك الله
>>
>>و رد عطس
>>
>>زينب : خلاك الله
>>
>>محمد : هههه الضاهر بمرض
>>
>>زينب : شرعنك
>>
>>محمد : تخافين عليي ؟
>>
>>زينب : ايي
>>
>>و مشت
>>
>>محمد :
>>
>>راحت زينب تقعد صوب امها
>>
>>الام : زينب من وين جايه ؟
>>
>>زينب : رايحه اتمشى صووب الاشجار
>>
>>الام : اييي
>>
>>تالي جا راعي الحمله و وياه هدايا و حاله
>>
>>الام : هههههه اخذي هل الحاله
>>
>>مريم : الااااي هدايا
>>
>>راعي الحمله : بنسوي ليكم مسابقان
>>هني لا
>>
>>مريم : صدق ؟ اني بشترك عجل
>>
>>راعي الحمله : كل الجهال يلعبوون
>>
>>زينب : جيفه اللعبه ؟
>>
>>راعي الحمله : نسأل اسئله او نقول الغاز و سباق او الي يقوول احلى
>>نكته ,, هه يعني مساابقاات
>>
>>تالي بدأو فعاليات المسابقات والالعاااب
>>
>>و مريم ما ليها حال يمكن فازت بفلاف هدايا وبعد تبغي تلعب
>>
>>ايمان : بااال هذيلين الهدايا كلهم لش؟
>>
>>مريم : ايي
>>
>>زينب : مريم جيبي الهدايا مالش بشوفهم
>>
>>مريم : هاش خشيهم برووح العب بعد
>>
>>راحت ايمان الى محمد اخوها
>>
>>ايمان : محمد رووح العب عني
>>
>>محمد : روحي انتين لا ,, شوفي مريم هكي مي مسويه سوايه تلعب
>>
>>ايمان : ماني اخاف
>>
>>محمد : انتين طول عمرش تخافين
>>
>>ايمان : عاد روح العب عني
>>
>>محمد : العب عنش وي
>>
>>ايمان : اي شي بس ابغي هديه
>>
>>محمد: انزين
>>
>>راح محمد يبغي يشترك في الالعاب
>>
>>راعي الباص :ها محمد ناوي تلعب ؟
>>
>>محمد : هههه اي
>>
>>راعي الباص
>>: تبغي تلعب في اي لعبه سباق الخياش او تطلع الحلاوه الي في الطحين ؟
>>
>>محمد : هع ابغي اطلع حلاوة
>>
>>مريم : زينب شوفي محمدووه مشترك في سباق الحلاوه
>>
>>زينب : بتشوفين هو الي بيغلب وهذا ويهي اذا ما غلب
>>
>>مريم : بنشوووف
>>
>>تالي بدأ السباق
>>
>>و محمد حط راس بكبره في الطحين عشان يحصل الحلاوه
>>
>>و لو تشوفون وجهه حالته حاله مترووس طحين
>>
>>مريم :
>>
>>زينب : يلا محمد يلا
>>
>>تالي
>>
>>
>>راعي الباص : حصلتها ؟
>>
>>محمد : اييي
>>
>>راعي الباص : الفايز هووو محمد يستاهل الهديه
>>
>>زينب :
>>
>>محمد :
>>
>>شاف محمد زينب جيفه تشجعه و تصفق اله ... ونسى انه تسابق عشان اخته
>>
>>راح يبغي يخش الهديه حضرته يبغي يعطيها زينب
>>
>>ما شاف الا ايمان جايه تركض
>>
>>ايمان : جيبها
>>
>>محمد : اجيب وي ؟
>>
>>ايمان : الهديه له
>>
>>محمد : اييي انزين اخذيها
>>
>>و هناك مريم و زينب يتهاوشون
>>
>>زينب : ما قلت لش انه بيغلب ؟
>>
>>
>>مريم : لانه غشاش
>>
>>زينب : كل من يرى الناس بعين طبعه يمكن انتين الي قعدتين تغشين في
>>الالعاب تقولين هو
>>
>>مريم : اوووه فكينا زين
>>
>>------------------------------
>>يوم فاني
>>
>>مريم : حليو كان هناك ,, خساره خلص اليوم
>>
>>زينب : هههههه بعد بنرووح اماكن فانيه يا الهبله
>>
>>مريم : ايي صحي نسيت خخخخ
>>
>>زينب : شفتين امس ايمان اخت محمد يا علي دليعه الله يعينهم عليها
>>
>>مريم : اي دلووعه عدل
>>
>>ما شافت زينب الا تلفوونها يرن
>>
>>زينب : الووو
>>
>>علي : هلا زينب شخبارش
>>
>>زينب : هلاا عليييي اني زينه انت شخباارك و شخبار ساره
>>
>>علي : انا زين ,, ساره امس اتصلت ليي من ايران تقول هي مستانسه هناك
>>
>>الام : هذا علي ؟
>>
>>زينب : ايي
>>
>>الام : جيبي باجالمه
>>
>>علي: الووو اماه
>>
>>الام : امايي , شحوالك يا خلف جبدي
>>
>>علي : حياش الله
>>
>>و قعدوا يسولفوون و يهرهروون
>>
>>زينب : خلصت البطاقه بس
>>
>>الام : يلا
>>مع السلامه ,, اتحمل برووحك يا حبيبي
>>
>>وسكرو التلفوون
>>
>>و راحت زينب حجرتها تنبش في اغراضها
>>
>>مريم : ويش فيش جنش قطو ينبش في خمام
>>
>>زينب : انتين ما تقولين جلمه عدله ,, هبله
>>
>>لمحت مريم شي في كبت زينب مخشوش
>>
>>مريم :
>>
>>زينب : ويش فيش تبققين عويناتش ؟
>>
>>مريم :هذا قوطي الايس تي الي هداك اليوم خشيتينه ؟
>>
>>زينب : ايي
>>
>>مريم : ويش تبغين فيه خاشتنه ؟
>>
>>زينب :الحين بتشووفين ,, بس ابغي منش طلب
>>
>>مريم : ويش ؟
>>
>>زينب : روحي اشتري جلاده و شلوشن (( ستاكيب ))
>>
>>مرمي : و لويش كل هذا ؟
>>
>>زينب : انتين روحي وبتشوفين
>>
>>نفذت مريم الاوامر وراحت كل عشان تشوف ويش ناويه ختها تسوي
>>
>>مريم : هاش جبتهم
>>
>>زينب : عفيا يلا راقبيني
>>
>>قامت زينب قصت القوطي من فوووق و اخذت جلاده وجلدته
>>
>>زينب : هذي كل السالفه
>>
>>مريم :صدق فاضيه ,, و ويش بتحطين فيه يا حظي
>>
>>زينب : بحط فيه اقلام
>>
>>مريم : انزين
>>لويش كل هذا ؟ في المكتبه يبيعون جذي ما يحتاج تسوين
>>
>>زينب : لان هذا القوطي غالي
>>
>>مريم : بم ؟
>>
>>زين : ههههههه قصدي غاليي عليي
>>
>>مريم : لويش غالي عليش ؟
>>
>>زينب : بس , يلا بسش اسئله مللتيني
>>
>>مريم : ربي يخلف عليش بعقل
>>
>>ما سمعوا الا الباب يطق
>>
>>الام : نعم ؟
>>
>>ام محمد : شحوالكم
>>
>>الام : حياش الله ,, حيا الله ام محمد تفضلي
>>
>>ام محمد : زاد فضلش
>>
>>الام: شحوالش و شحوال الجهال
>>
>>ام محمد : هداني ما ليي حال
>>
>>الام : عسى ما شر ويش صاير؟
>>
>>ام محمد : الشر ما يجيش ,, بس ولدي محمد من جينا امس من الزبداني و
>>نام ما صبح الا راسه جنه ضو ,, و وجهه جنه كركم
>>
>>الام : يوووو ,, ما يشووف شر ,,و تلاقينه جاي من برى و دش في الايسي و
>>صادته لفحه
>>
>>ام محمد : ايي اني قلت جدي و قلت يمكن من هل البرجه الي تسبح فيها
>>
>>الام : اييي حتى ولدي علي اذا يرووح هل البر الشره لازم يمرض
>>
>>ام محمد : ايي ,, واني طبيعتي اذا
>>واحد يمرض من ولادي اخاف عليه واجد حتى لو المرض عاادي ما ادري لويش
>>يصيدني هوس ,, حتى بناتي يقولون جان زين نمرض عشان يدلعوونا
>>
>>الام : ما يشووف شر ,, بس انتين وديتينه الدختر ؟
>>
>>ام محمد : ايي اليوم الصبح يوم قعدت وشفته يون خفت وقمت بلا راي و رحت
>>وياه العياده و عطووه دوا
>>
>>و قعدوا يسولفوون ,, تعرفوون سوالف النسوان ما تخلص
>>
>>تالي طلعت ام محمد
>>
>>زينب : مهلت واجد ,, ويش قاعدين تهدرون كل هل المده ؟
>>
>>الام : مسكينه , ولدها مريض
>>
>>زينب : اي ولد منهم ؟
>>
>>الام : العوود ,, الي اسمه محمد
>>
>>زينب :
>>
>>الام : مسكين مريض فيه صخوونه و ماله حاال
>>
>>زينبو يوم سمعت الخبر لا ارادي راحت تركض الحجره وقفلتها عليها
>>
>>الام : زينب تعالي ويش فيش ؟
>>
>>و زينب راحت على السرير و اخذت قوطي الايس تي الي سوته و العطر الي
>>عاطاه اياها و حضنتهم وقعدت تصيح <<< حنونه
>>
>>الام : زينب بطلي الباب الحين الحين
>>
>>سمعت زين صووت امها وعرفت انها
>>شكت فيها قامت مسحت دموعها و غسلت وجهها و طلعت تبطل الباب
>>
>>زينب: نعم
>>
>>الام : ويش فيش قعدتين تصيحين وتقفلين عليش الباب ؟
>>
>>زينب : ما فيي شي بس يعني عور افادي مسكين الصبي توني شايفتنه امس
>>يلعب و مستانس والحين ما له حال
>>
>>الام : اييي مسكين ما يستاهل ,, هو واجد طيب
>>
>>زينب : اي
>>
>>الام : انزين ما له داعي تصيحين ,, هو اختش يوم مرضت ما صحتين
>>
>>زينب : انزين
>>
>>الام : ابغي اسويي شوربه جان تودين ليهم , لان الشوربه زينه للي فيهم
>>صخونه
>>
>>زينب: ايي سوي و اني بوديها
>>
>>قامت الام و قعدت تسوي الشوربه و خلصت منها
>>
>>مريم : الاااااي ريحتها خنينه حطي ليي بشرب
>>
>>الام : هذي الى بيت ام محمد ولدها مريض بنودي ليه
>>
>>مريم : محمد ؟
>>
>>الام : اييي , ها روحي وديه ليهم
>>
>>زينب : اماه اني قلت باوديه
>>
>>الام : انزين هاش
>>
>>راحت زينب تودي الشوربه
>>
>>زينب : طق طق طق
>>
>>ام محمد : من ؟
>>
>>زينب : اني زينب
>>
>>ام محمد
>>: تفضلي حبيبتي دخلي
>>
>>زينب : هذي شوربه من عند امي تقول الى محمد
>>
>>ام محمد : الله يغنيكم ,, دخلي له
>>
>>دخلت زينب و هناك محمد مسكين منبطح و لو تشوووفوونه مسكين
>>
>>ويش اقوول ليكم ,, يعني وجهه اصفر و يون و يحن
>>
>>شافت زينب محمد
>>
>>زينب :
>>
>>محمد :
>>
>>الام : تعالي زينب دخلي الحجره
>>
>>و راحت زينب ودخلت ومحمد مسكين و هو بمرضه وهو يطالع فيها << ما
>>يستاهل
>>
>>
>>دخلت زينب الحجره
>>
>>ام محمد : سامحينا بيتنا عفسه ,, ويش اسويي منشغله بمحمد مريض
>>
>>زينب : عاادي
>>
>>محمد : اماااااااه
>>
>>ام محمد : يا عليييي ,, كل شي تاكله ترجعه ما بيدخل مصارينك شي
>>
>>محمد :
>>
>>جت الام الى زينب
>>
>>ام محمد : هذا هوو من ياكل شي يرجعه
>>
>>زينب : الله يشافيه ولا يشووف شر
>>
>>ام محمد : اقدعي له
>>
>>قدعت زينب و هي ضايق خلقه على محمد
>>
>>زينب : يلا مع السلامه
>>
>>ام محمد : ويش عاجلنش
>>
>>زينب : بقووم
>>
>>ام محمد
>>: سلمي على امش و الله يغنيكم
>>
>>طلعت زينب من البيت و وجه مو مفارقنها و هو مريض
>>
>>دخلت الشقه
>>
>>الام : عطيتينهم الشوربه ؟
>>
>>ينب: اي
>>
>>راحت زينب الحجره وقعدت حزينه وهي تكتب على الاوراق
>>
>>m + Z = , وتكتب اشعار, و عيون تطيح منها دمعه و هل الاشياء يعني هههه
>>
>>
>>شافت مريم هل الاشياء المرسوومه
>>
>>مريم : زينب ويش قصدش بــــ M + Z = ؟
>>
>>زينب : ما يهمش ويلا فجي عني لا يجيش كف
>>
>>مريم : ويش في معصبه عليي ؟ لو تحطين حرة غيري فيي اني ؟
>>
>>زينب : اووووووهوووووو ولاخير ,و تدرين اطلعي برا
>>
>>مريم : ماني
>>
>>تالي قام الضرب والصراخ
>>
>>الام : دوااااااهي
>>
>>مريم :
>>
>>زينب :
>>
>>الام : زينب ويش سويتين في اختش ؟
>>
>>زينب : ما ادري انتون سكتوا عني , مللتوني
>>
>>مريم :
>>
>>و الام مي مصدقه ان زينب طاحت ضرب في مريم
>>
>>
>>جا الابو وخبرته الام ان زينب طاحت ضرب في مريم
>>
>>الابو : زينب لويش ضاربه اختش
>>؟
>>
>>مريم : كل على حساب اقول ليها ويش قصدش بـــ Z + M = ?
>>
>>الابو : زينب
>>
>>زينب : ابويي ويش عليك منها اني يوم اكتب Z + M = قصدي اني و مريم نحب
>>بعض للأبد ,, لان احنا كل وي بعض و نحب بعض
>>
>>مريم : يعني انتين كان قصدش اني ؟
>>
>>زينب : اي له بس انتون كل تشكوون فيي وتحسبووني اقصد شي ثاني
>>
>>الابو : انزين انزين بس خلاص لا تصيحين ,, ويلا ستسمحي من اختش
>>
>>زينب : انزين
>>
>>تالي قامو سامحوا بعض
>>
>>راحت زينب الحجره وقعدت تصيح على محمد
>>
>>مريم : زينب قومي تغذي
>>
>>زينب : انزين الحين بجي
>>
>>تالي على الغذا كلهم ياكلوون بس زينب تسويي روحها تاكل << مي مشتهيه
>>تاكل
>>
>>الابو : زينب ويش فيش ما تاكلين ؟ اكلي لا
>>
>>زينب : بس الحمد لله شبعت
>>
>>الام : تعالي تعالي
>>
>>زينب : ها
>>
>>الام : ادري عنش ما اكلتين .. امشي اكلي
>>
>>زينب : ما ابغي مو مشتهيه ,, وسكتوا عني لا تمللووني
>>
>>الام : هذي ويش فيها ,,
>>
>>راحت الام الى
>>زينب وقعدت وياها في الحجره
>>
>>الا م : زينب ويش فيش يا حبيبتي ؟
>>
>>زينب : ما فيي شي
>>
>>الام : لا فيش شي منتين على بعضش اليوم
>>
>>زينب : لا بس اتذكرت ساره وعلي وصار افادي فيهم
>>
>>الام : هكو توه متصل اخوووش صوبه صار افادش فيه
>>
>>زينب : م هذا الي ذكرني بهم
>>
>>الام : بس كلها جم يوم واحنا راجعين ولا تصيحين
>>
>>زينب : انزين
>>
>>يوم فاني العصر
>>
>>الام : زينب هداني بارووح بيت ام محمد شوي وبرد اجي مو تتهاوشين وي
>>اختش
>>
>>زينب : اماه باجي وياش
>>
>>الام : واختش تقعد بروحها
>>
>>زينب : هههه هكو ابويي وياها له
>>
>>الام : زين امشي
>>
>>و راحوا
>>
>>طق طق طق
>>
>>ام محمد : نعم ؟
>>
>>الام : شحوالش
>>
>>ام محمد : حياش اله والنبي ؟,, تفضلووو
>>
>>الام : شحوال محمد ان شاء الله اشوى
>>
>>ام محمد : الحمد لله صار اشوى عن امس .. تفضلو
>>
>>دخلوا داخل
>>
>>الام : الحمد لله
>>
>>ام محمد : وي على عمري البارحه ما نام من وجع الراس
>>
>>
>>الام : اييي الصخوونه بلوى ,, هو وينهي باسلم عليه
>>
>>ام محمد : لحضه ,, محمد محمد
>>
>>محمد : ها اماه
>>
>>ام محمد : قوم يا حبيبي ام علي تبغي تسلم عليك
>>
>>محمد : انزين
>>
>>طلع محمد مسكين
>>
>>ام علي: شحوالك محمد ان شاء الله اشوى
>>
>>محمد : الحمد لله اشوى
>>
>>ام علي : الحمد لله,, بس لا تدخل الايسي مره وحده وانت حران تالي تمرض
>>
>>محمد : ان شاء الله
>>
>>زينب : <<< مستانسه انه برى
>>
>>ام محمد : قدوعووا تفضلوا
>>
>>الام : الا بقوول , يقول ابو علي ان الليله المولد
>>
>>ام محمد : اي له مولد الامام محمد الباقر
>>
>>لام : ايييي ,, عجل بشتري حلاوه عشان اوزع الليله في صحن السيده
>>
>>ام محمد : اي اني بعد نادره على محمد اذا برى بشتري حلاوه و بوزعه
>>
>>الام : ايي ,, عجل الليله بنطلع وي بعض للصلاه
>>
>>ام محمد : ان شاء الله
>>
>>جت المغرب وراحوا يصلوون في صحن السيده
>>
>>و خلصوا الاوادم الصلاه وقعدوا كل مجموعه تخلص صلاه
>>تقعد تصفق و تقرأ مولد وتنفر حلاوه
>>
>>مريم : اماه الااااااي باروووح اصفق وياهم
>>
>>الام : صبري بتخلص ام محمد من الصلاه وبنرووح كلنا وياهم نصفق
>>
>>خلصت ام محمد وراحوا يصفقوون ويقرون المولد و يوزعوون حلاوه
>>
>>و مريم ما ليها حال تتقمز وتصفق وتصرخ وتجمع حلاوه الدنيا و ما حولت
>>
>>زينب : الااااي حلو هذا الحلاوه عطيني واحد
>>
>>مريم : ماني
>>
>>زينب : صدق برصه ,, انزين وين يوزعوووونه ؟
>>
>>مريم : هداك الصوووب روحي الحقي عليه
>>
>>زينب : روحي انتين اخذ ليي واحد
>>
>>مريم : روحي متفرغه لش
>>
>>زينب : كريــــــــهه
>>
>>راحت زينب قعدت صوب الناس الي يصفقوون ما شافت الا مره تدووور
>>
>>المره : بدك تعرفي شو مستقبلك ؟
>>
>>زينب : جيفه ؟
>>
>>المره : اقرأ لك كفك
>>
>>زينب : اييي ابغي ,, بجم
>>
>>المره : بــــ ..... ,, بدك ؟
>>
>>زينب : اييي
>>
>>قامت المره تقرا ايد زينب
>>
>>المره : عندك احد بتحبيه كتير كتير
>>
>>زينب: اييييي
>>
>>
>>المره : صحيح ؟
>>
>>زينب : ايي ,, و بعد قولي اشياء
>>
>>المره : انت عصبيه شوي , ولا بتحبي احد يتكلم عن الي بتحبيه
>>
>>زينب : هههه اي وبعد
>>
>>المره : عندك احد بتغاري منووو كتييير ,, انت كنتي بتحبيه بس هلأ ما
>>بتحبيه ,, اسموو يبدأ بحرف النون و هو يقرب لك
>>
>>زينب : من ؟
>>
>>المره : ههههه ما بعرف بس اسمو يبدأ بحرف النون
>>
>>زينب : اييييييي عرفتها هي ندى بنت خالتي
>>
>>المره : ههههههه ,, الي بتحبيه هو كمان بحبك و دايم بفكر فيك ,و بس هو
>>هلأ في وعكه صحيه
>>
>>زينب : اييي ,, انتين ساحره ؟
>>
>>المره : لا مني ساحره بس اشووف الي مكتووب في ايدك ههههههههه
>>
>>زينب : انزين كملي
>>
>>المره : انتي بتكزبي على بيتك كتير بس ما بعرف شو السبب
>>
>>زينب :
>>
>>و قعدت تقوول ليها اشياء واجد وتطلع صح
>>
>>و اخيرا قالت ليها
>>
>>
>>
>>المره : حبيت اقول لك خبر مؤسف بدك تسمعيه ؟
>>
>>زينب : ايي قولي
>>
>>المره : الي بحبك ,, هو صدق يحبك بس ما بتتمكنوا من انكم تاخذو بعض
>>للأسف
>>
>>زينب :
>>
>>المره :
>>زينب : لا لا مستحيل انتين جذابه
>>
>>المره : انا شو بهمني الي مكتووب بيدك
>>
>>زينب : جذابه
>>
>>المره : بكيفيك .. بس انا هلأ بدي فلووسي
>>
>>زينب : هاش اخذيهم
>>
>>راحت المره و زينب مي راضيه تصدق و كل ما تذكر كلام المره تزيد صياح
>>
>>الام : يوو زينب ويش فيش تصيحين
>>
>>و زينب مي راضيه تنطق جلمه
>>
>>الام : من ضربش ؟ ويش صاير ؟
>>
>>زينب : ما ضربني احد
>>
>>الام : عجل ويش فيش؟
>>
>>زينب : ما فيي شي افففففف اني بروح البيت
>>
>>راحت زينب تركض الشقه
>>
>>و في دخلتها العماره كان هناك محمد مسكين توه قايم من فراشه يبغي شوي
>>يطلع عن الحكره
>>
>>زينب :
>>
>>محمد : زينب
>>
>>زينب :
>>ومشت راحت داخل الحجره
>>
>>محمد : ويش فيها زينب جايه بروحها الشقه
>>
>>
>>راح محمد يطقطق الباب مال شقتهم لان شقتهم ما فيها احد وهو يخاف عليها
>>بروحها في الشقه
>>
>>محمد : طق طق
>>
>>زينب : من ؟
>>
>>محمد : انا
>>
>>زينب : ويش تبغي اهيء اهيء
>>
>>محمد : ليش راجعه البيت بروحش وانتين تصيحين
>>
>>زينب : كيفي ,, ابغي اقعد بروحي في الشقه
>>
>>محمد : انزين كيفش بس قفلي الباب عليش
>>
>>زينب : وانتي ويش لك خص
>>
>>محمد : انزين انزين خلااص ,, بس انتين لويش تصيحين ؟
>>
>>زينب : ما يهمك
>>
>>محمد : زين زين بااااي
>>
>>راح محمد مسكين و هو محبط و لا يدري ويش صاير
>>
>>قام رد رجع قال ما بيطلع يخاف يخلي زينب بروحها في شقه
>>
>>قام قعد قبال شقة زينب << شوف الشهامه
>>
>>تالي جو بيت محمد و بيت زينب
>>
>>ام محمد : محمد ؟ ويش مقعدنك هني مو انت مريض
>>
>>محمد : لاعت جبدي من القعده في الفراش قلت اقوووم
>>
>>الام : ما شفت زينب ماره هني ؟
>>
>>محمد : بلى دخلت الشقه وهي تصيح
>>
>>ام علي : باروح شوفها جان مو احد متعلف
>>بها
>>
>>راحت ام علي و دخلت الشقه وهناك زينب ميته من الصياح
>>
>>الام : زينب ويش فيش ما قعدتين ويانا هناك
>>
>>زينب :
>>
>>الام : ها
>>
>>و زينب مي راضيه توقف من الصياح الدمووع اربع اربع
>>
>>الام : ردي عليي
>>
>>قامت زينب ما شافووها
>>
>>
>>الا
>>
>>
>>
>>طايحه دوره
>>
>>زينب :
>>
>>الام : يا علي دواااااااااااااهي,, حريقه حرقتني ,,
>>
>>م محمد : يووو ويش صاير
>>
>>الام :بتي ماتت
>>
>>سمع محمد الام تصارخ
>>
>>محمد : زينب
>>
>>راح محمد دخل الشقه وشاف زينب طايحه و فاقده وعيها
>>
>>و امه ترش عليها ماي والام تصيح وترن
>>
>>محمد : زينب
>>
>>قام محمد على طووول يركض يبغي يرووح الى الدختر
>>
>>وفي نزلته من علي الدرج الجده ومريم جايين وقوم يدعم في الجده وتطيح
>>من فوووق تتدحلب الى تحت من على الدرج
>>مريم : محمد قتلت جدتي
>>
>>محمد: << صارت عليه بلوى فانيه
>>
>>
>>=======================
>>
>>
>>صار محمد ديك الحزه في موقف محرج
>>
>>ويش يسوي مسكين الحين هو يبغي يوقف تكسي جان ينقلون الي طاحت دوره لو
>>يرووح يعابل الي تدحلبت ؟
>>
>>و الله مشكله
>>
>>قام مسكين قال الى مريم
>>
>>محمد : مريم الحين انتين قومي شوفيها ,, اسأليها يمكن تعورت
>>
>>مريم : انزين ,, جدتي يعورش شي ؟
>>
>>الجده : آآآآآآآآآه ويلي
>>
>>محمد : انكسر منها شي ؟
>>
>>مريم : الضاهر ,, كل منك
>>
>>قام مسكين محمد و حل المشكله
>>
>>محمد : انتين الحين قوميها و امشي وياها بلعدال
>>
>>مريم : انزين ,, جدتي قومي بامشيش
>>
>>الجده : يا علي اخ ماني قادره
>>
>>مريم : وين يعورش ؟
>>
>>الجده : ما ادري ,, طاح حظه هو اعمى ملطس ؟
>>
>>قام محمد راح يخبر بيت زينب عن الي صار في الجده
>>
>>الام : ويش هل الصاقعه ؟ من بلوى الى بلوى فانيه
>>
>>محمد : الحين زينب ,, بتودونها المستشفى لو ما يحتاج
>>
>>ام محمد : هي اوتعت ,, بس تالي
>>بنوديها بنشووف ويش فيها له
>>
>>الام : الحين وينهي عمتي ؟
>>
>>محمد : هكي تحت
>>
>>تالي قاموا راحوا كلهم
>>
>>الام : عمتي ,,بسم الله عليش تعالي
>>
>>تالي قامو كلهم مشووها الى الشقه
>>
>>والجده مي قادره تمشي مسكينه
>>
>>الام : جان مو تكسرت عظامتها
>>
>>ام محمد : لازم نوديهم عجل ثنينهم الدختر
>>
>>محمد : اوقف تكسي ليهم عشان يوديهم ؟
>>
>>ام محمد : ايي روح
>>
>>راح محمد وقف تكسي
>>
>>و راحوا شالوا المرضى هههههههه يا دافع البلا
>>
>>و ركبوهم السياره و محمد راح وياهم <<< نعم الجار
>>
>>وتالي راحو الدختر و فحصوا على الجده هل المسكينه الفقيره وشافوا ان
>>فيها كسر ههههه الله رحمهابعد اشوى ما ماتت
>>
>>الام: يوووو يا علييييييي ,, كسر في وينه من حاله ؟
>>
>>محمد :
>>
>>الدكتور : كسر في اليد ,, شو كان السبب لهذا الكسر ؟
>>
>>الام : ما تدري و انزلقت من فوق الدرج
>>
>>الدكتور : اها
>>
>>راح الدكتور وي الجده عشان يشوفون علاجها
>>
>>
>>تالي قاموا راحو لدكتور فاني عشان يشوف المريضه الفانيه
>>
>>الدكتور : بنتك عندا صدمه اثرت على نفسيتا
>>
>>الام : يووو ,, جيفه يعني ماني فاهمه
>>
>>الدكتور : يعني بنتك من كتر الصدمه صار عندا هبوط في الدم و من هيدا
>>الشي طاحت مغشي عليها
>>
>>الام : اييي ويش سبب هل الصدمه من حريقه ؟
>>
>>الدكتور : ما بعرف ,,
>>
>>الام: يوووو ويش اسويي الحين اني
>>
>>الدكتور : راح اعطيها دوا لازم تاخدو بأنتظام
>>
>>الام : يا علي ويش هل المصايب ,, يعني هي الحين حالتها خطيره ؟
>>
>>الدكتور : لا ما شاء الله عليها هي هلأ بصحه ممتازه ,, بس بدا حدا
>>يتكلم معا لان هي بتكتم كتير اشيا في ألبا
>>
>>الا: انزين ,, امرنا الى الله ,, اني باقول الى ابوها وباشووف
>>
>>و محمد طول ما الدكتور يتكلم و هو ساكت و لانطق ولا بجلمه <<<< عجل
>>جاي لويش ؟
>>
>>تالي راحو بيمشوون بس دكروا الجده و راحوا مره فانيه الى الدكتور
>>مالها
>>
>>محمد يقول الى الدكتور : لو سمحت الحين هي تحتاج انها
>>تقعد هني لو ترجع ويانا ؟
>>
>>الدكتور : لا بس مهلوا عليها 10 دقائق و راح ترجع معاكم ,, بس بعد
>>اسبوع حاولوا انكن تجيبوها مره تانيه
>>
>>محمد : انزين
>>
>>عقب ما خلصوا من الجده قامو راحو البيت
>>
>>ما راحاو البيت الا الابو هناك قاعد على اعصابه ومستحمق على حده
>>
>>الابو : ويش صاير ؟ ويش صار في زينب بتي ؟ و ويش في امي ؟
>>
>>قاموا قالوا له السالفه من الالف الي الياء
>>
>>الابو : ويش هل الحاله ,,, و زينبالصدمه الي فيها ما قالوا ليكم من
>>ويش ؟
>>
>>الام : انت اسكت ,, الحين خلها ترتاح اذا سمعتك بترد تطيح دوره
>>
>>الابو : انزين
>>
>>يووم فاني
>>
>>قعدت زينب من النوم الا امها جايبه ليها الريوق
>>
>>
>>الام : صباح الخير
>>
>>زينب : صباح النور
>>
>>الام: جبت لش الريووق ,, قعدي اكلي
>>
>>زينب : ما ابغي اكل
>>
>>الام : لا الدكتور قال لازم تاكلين
>>
>>زينب :
>>
>>الام : يلا اكلي له
>>
>>تالي قامت زينب تاكل ,, وقامت الام و قعدت تسأل
>>فيها
>>
>>
>>الام: زينب ,, قال لينا الدكتور انش طحتين دوره من سبب صدمه
>>
>>زينب : من ويش ؟
>>
>>الام : و هو ويش دراه من ويش الصدمه ,, انتين الي تقولين لينا
>>المفرووض
>>
>>زينب : ها ,, مو صدمه بس امس يعني كنت داير راسي بس
>>
>>الام : زينب اني امش واعرفش عدل ,, ادري انش تجدبين عليي من عيونش
>>مبين , قولي
>>
>>زينب : يعني اني جدابه ؟
>>
>>الام : شوفي الدكتور قال لينا لازم وياها احد يتحجى وياها عن الي في
>>خاطرها والا اذا قعدتين تكتمينه في قلبش بتستجنين
>>
>>زينب : اووه انتون المجانين مو اني
>>
>>الام : ويش هل المر ,, عجل كل يوم بتطيحين دوره
>>
>>زينب :
>>
>>تالي قامت الام وطلعت برا وطلعت وراها زينب
>>
>>الابو : زينب ,, ان شاء الله صرتين اشوى ؟
>>
>>زينب : اي
>>
>>ما سمعوا الا الباب ينطق
>>
>>الام : من ؟
>>
>>ام محمد : شحوالكم
>>
>>الام : حياش الله دخلي
>>
>>ام محمد : شحوال زينب و ام ناصر
>>
>>الام : زينين الحمد لله
>>
>>و قعدوا يسولفوون
>>
>>عقب يومين صارت زينب زينه جنها غزاله تناطط و محمد بعد صار جنه حصان
>>يركض
>>
>>عاد وقامت زينب تبغي تروح تشتري ليها وت
>>
>>انزين عاد هي طلعت راحت تشتري وكل شي
>>
>>تالي عقب مده جو بنوتات دلوعات هم فلاف و كان محمد واقف هناك
>>
>>وحده من المادليع : لو سمحت بغيت اسئلك
>>
>>محمد : تفضلي
>>
>>الدلوعه : امممم هذي العماره فيها عائلة كذا كذا ؟
>>
>>محمد : ها ... لا مو في هذي الحمله بس انا اعرف هم وين عمارتهم
>>
>>وحده ثانيه : اها ,, ممكن تشرح لينا اذا ما عليك امر
>>
>>محمد : اوكي ,, تعرفين شارع التين
>>
>>البنيه بصووت ناعم وهي تتدلع على محمد : هههههههه اكيد في احد ما
>>يعرفه ,, الله يهداك بس
>>
>>محمد : هههه ايي هي العماره صايره في بداية الشارع
>>
>>وحده ثانيه : وييي احنا نخاف نتغوى هنااك
>>
>>و قاموا يفتحون سوالف وي محمد و يدلعون عليه لان هو ما شاء الله عليه
>>واجد وسيم وكشخه
>>
>>الا زينب جايه وشافت محمد شلون يبتسم و يسولف وياهم
>>
>>زينب :
>>
>>محمد
>>:
>>
>>قاموا البنات يوم شافت محمد يطالع وراهم دارو
>>
>>شافوا زينب الهم يطالعونها بنظرات استحقار
>>
>>زينب :
>>
>>قام محمد تخزب يبغي يروح الى زينب بس البنات مو هادينه في حال سبيله
>>
>>الدولووعه : ويش فيك ههههههه يلا تعال دلنا
>>
>>محمد : هاا ,, ما يحتاج هي العماره معرووفه
>>
>>بنيه فانيه : يلا خذ مو انت توك تقول بتدلينا
>>
>>محمد : اه ,, انتون روحوا امشو وبتشوفون العماره متكوووب عليها اسم
>>الحمله وخلاص افففف
>>
>>الدلووعه : وييييي شفيك تتأفأف ؟ لا يكون مللناك
>>
>>محمد :اي,, عن اذنكم
>>
>>راح محمد يبغي يراضي زنوووب لان هو من زمان ما شافاها مسكين ويش يسوي
>>في عمره بعد الظروووف ما ترحم
>>
>>راح الا من زمان زينب دخلت الشقه
>>
>>محمد : الحين انا ويش اسويي ؟ ما ليي الا اطقطق الباب
>>
>>قام طقطقه
>>
>>طلعت زينب
>>
>>زينب :
>>
>>محمد : ويش فيش زنوب ؟
>>
>>
>>زينب : انت رووح قبل لا احد يجي و يشوفك
>>
>>محمد : خلهم يشوفون
>>
>>زينب :
>>
>>
>>محمد : قولي ويش فيش لا
>>
>>زينب : انت مجنون اقول لك هني
>>
>>محمد : انزين انا الحين برووح بس مره فانيه قولي ليي لانش شكلش زعلانه
>>من يوم الي طحتين دوره
>>
>>زينب:
>>
>>تالي راح محمد البيت
>>
>>الام : محمد ,, تعال شوف اختك
>>
>>محمد: ويش تبغي بعد هي
>>
>>الام : تبغينا نرووح الارض السعيده مكان اللعوب
>>
>>محمد : الحين ؟
>>
>>ايمان : لا باجر
>>
>>محمد : باشوف
>>
>>ايمان : عاد محمد ودني اني وفاطمه وحسين
>>
>>محمد : قلت لش باشوووف
>>
>>الام : ما ادري اقول الى بيت ام علي جان تجيب جهالها وياكم يروحون ؟
>>
>>محمد: اي خوش فكره
>>
>>الام : تروح بتهم مريم بس له ؟
>>
>>محمد : لا ,, حتى زينب
>>
>>الام : يوو زينب كبيره على اللعب
>>
>>محمد : هي غير اكبر من اختي بسنه
>>
>>الام : انزين عجل بقول ليها
>>
>>محمد : روحي الحين
>>
>>الام : يوو الحين ؟ تالي برووح
>>
>>محمد : ويش فرق بين الحين تالي .. روحي الحين
>>
>>تالي قامت ام محمد راحت
>>بيت ام علي تزورهم و مره وحده تقول ليهم اذا بروحون
>>
>>دخلت داخل وقعدو يهدروون
>>
>>تالي قامت ام محمد تقول الى ام علي
>>
>>ام محمد : هاكم جهالي بروحون مكان اللعوب اذا تبغين بتش مريم و زينب
>>يروحون وياهم
>>
>>ام علي : مكان لعووب ؟ قدصش هديك الي سمها الارض السعيده ؟
>>
>>ام محمد : هههههه اي
>>
>>ام علي : ايييي مريم من يوم احنا في البحرين هي تحن عليي تبغى ترووح
>>,, عاد ما ادري بزينب تبغي تروح لو لا
>>
>>ام محمد : قولي ليهم
>>
>>راحت الام تقول ليهم
>>
>>مريم : صدق بارووح اني
>>
>>الام : اني بعد بروووح
>>
>>ام علي : هكم موافقين ,, بس على الاقل بنخلي وياهم ابوهم
>>
>>ام محمد : ايي ما عليي كلهم خلهم ياخدون ليهم باص ويروحون
>>
>>ام علي: انزين
>>
>>تالي طلعت ام محمد و خبرت محمد بالشي
>>
>>محمد : بجون
>>
>>ايمان : الااااااي بتجي وايي مريوووم
>>
>>و كلهم مستانسين
>>
>>عاد ابو علي جا وقالت له الام
>>
>>الابو :
>>
>>الام : روح وياهم مساكين عن
>>قعدتهم في البيت
>>
>>الابو : هم متى بروحون ؟
>>
>>الام : كأن باجر
>>
>>الابو : انزين ,, عجل باروح اتفق وي ولدهم وبشووف
>>
>>زينب :
>>
>>و قعدوا متشوقين لليوم الثاني
>>
>>
>>
>>
>>طلع الابو عشان يتفق وي محمد الا محمد موقف كالعاده هي مهنته >> الله
>>يسلمكم ناطوور العماره
>>
>>الابو : محمد ,, اشوى انك هني ,, على سالفة الارض السعيده الحين احنا
>>لازم نحجز باص لا
>>
>>محمد : ها ,, ايي لازم نحجز
>>
>>الابو : بنحجز باص و بندفع انت نص وانا نص زين ؟
>>
>>محمد : اي لا ,, واجد تمام
>>
>>تالي قاموا طلعوا وي بعض عشان يروحون يدبروون الباص له ,, صادوا ليهم
>>راعي باص
>>
>>الابو يقول للسوري : لو بغينا نحجز باص عشان تودينا الارض السعيده بجم
>>؟
>>
>>السوري : اي تكرم عينك ,, بــــ.....
>>
>>الابو :ها ,, لا واجد غالي ,,لهدرجه الباص واجد كشخه ؟
>>
>>محمد : ويش عليك منه ابو علي خلنا نشوف لينا واحد فاني احسن
>>
>>راحو و لقطوا ليهم واحد فاني
>>
>>محمد : هي انت بجم اذا نحجز لباجر وتودينا الارض السعيده ؟
>>
>>السوري : الارض السعيده ؟
>>
>>محمد : اي
>>
>>السوري : عشانك انت بس بــــــ....
>>
>>الابو : اي هذا زين
>>
>>تالي
>>قاموا اتفقوا وياه وين يمر عليهم والساعه جم و هل الاشياء يعني هههه
>>
>>و رجع الابو البيت و محمد راح ,,, راح هناك البليارد >>> خبركم
>>هالصبيان مووووووووتهم هل اللعبه هع
>>
>>راح الابو البيت
>>
>>زينب: ابويي ,, عطني بيزات عشان اشتري ليي اكل
>>
>>مريم : اي اني بعد
>>
>>الابو : لباجر ؟
>>
>>زينب : ايي له
>>
>>الابو : باجر بجي الباص صوب العماره ها ,, الساعه 9الصبح
>>
>>الام : وبجم ؟
>>
>>الابو : مو غالي بس بــــ...
>>
>>الام : قص عليك هل الطايح الحظ ,, جان خليته يخفضك
>>
>>الابو : الي صار صار بس خلاص
>>
>>زينب : الاااااي هناك حليو ,,كشخه
>>
>>تالي راحو يشتروون
>>
>>والدكان الي كانوا رايحينه صوب الباليارد << يا محاسن الصدف خخخخ
>>
>>و كان محمد يلعب بمهاره و بدقه و بتركيز تام
>>
>>من شاف زينب طايفه يقوم يهد الي عنده << بل سويناها ملاك
>>
>>واحد هناك : ويش فيك يا الحمد ؟
>>
>>محمد : ههه ويش ؟
>>
>>الصبي : ويش ؟ كمل اللعب
>>
>>
>>محمد : ههههههه ايي
>>
>>و مريم ميته من الضحك عليه
>>
>>مريم : محمد مجنون من شافني قام هد اللعب
>>
>>زينب في قلبها : صدق مخرخشه
>>
>>راحو الدكان
>>
>>مريم : ابغي غرشة بيبسي
>>
>>السوري : تكرم عينيك
>>
>>راح حضرته بطلها و عطاها اياها
>>
>>مريم : من امرك تبطلها ؟ اني قلت ابغي بس اففف
>>
>>السوري : هههه اي شربيها
>>
>>مريم : لا بعد حاره و جان زين بارده
>>
>>زينب :ههههههه بعد ويش بتسوين بها الحين اشربيها
>>
>>
>>تالي قاموا عطوه البيزات
>>
>>مريم : عطنا خرده
>>
>>السوري : بدك خردل ؟
>>
>>مريم : اي << تحسب يقول ليها خرده
>>
>>السوري : انا ما ابيع خردل روحي البراده هونيك
>>
>>زينب: مو خردل ههههههههههه
>>
>>مريم : يووو اني قلت خردل ؟
>>
>>السوري :
>>
>>زينب : ههههههههههه قصدها عندك فكه ؟
>>
>>السوري : اهاااا, اي اكيد تفضلي
>>
>>اخذت زينب الخرده وهي ميته من الضحك
>>
>>و مريم منقهر ههههه
>>
>>تالي رجعوا البيت
>>
>>
>>الابو : الله الله ,, لويش كل هل الاكل ؟هههههه
>>
>>مريم : عشان نبلع
>>
>>الابو : ههههههه عليكم بالعافيه
>>
>>زينب : ولو تشوفون ويش صار هناك جان تجودون بطنكم وتضحكون
>>
>>الام : يؤ ويش صار
>>
>>قالت ليهم زينب السالفه تالي الا كلهم قعدوا يضحكوون هع
>>
>>مريم : اووه بسكم ضحك تالي تموتون
>>
>>الام : وي شرعنا ,,
>>
>>*نرجع الى بيت محمد *
>>
>>الام: يوو من طلع وي ابو علي للحين ما رجع
>>
>>فاطمه : يعني انتين للحين ما تعرفين ولدش ؟ و للحين تخافين عليه كانه
>>جاهل
>>
>>الام : يلا سكتي انتين
>>
>>تالي جا محمد
>>
>>فاطمه : ها هاكو جا
>>
>>الام : وي حجزتون باص ؟
>>
>>محمد : اي
>>
>>و قال ليهم التفاصيل كلها
>>
>>تالي قاموا الاوادم نامو و اشرقت شمس الصباح لبزوغ يوم جديد مملوء
>>بالمرح والوناسه << الاخت تتكلم لغه عربيه فصحه
>>
>>الجده : قعدوا يا الخايبين صلاتكم الحين باطله ,, ما منها فايده ,,
>>احنا قعدنا الفجر وصلينا وتسمعنا وانتون بنومكم يا
>>المساديح
>>
>>الام : الحين الساعه جم ؟
>>
>>الابو : وينهم ما جهزوا ؟ الحين 8 ونص
>>
>>الام : ده ,, قعدوا ما باقي شي و يجي الباص
>>
>>زينب بكل برود : ود مورنين
>>
>>الجده : ها ؟
>>
>>زينب : والله حاله ويش فهمهم
>>
>>قامت زينب وغسلة وجهها وصلت وجهزت و نفس الشي مريم
>>
>>الابو : يلا مشينا
>>
>>طلعوا من الشقه وهم محملين بالاكل و البيزات
>>
>>و نزلوا تحت الا عائلة محمد واقفه هناك
>>
>>الابو : ها ؟ جا الباص ؟
>>
>>محمد : لا
>>
>>الابو : لا ؟ الحين تسع وعشر .. يا الله لازم تأخير
>>
>>و شوي و يجي الباص
>>
>>ديديد
>>
>>ايمان : هاكو الباص جا
>>
>>تالي قاموا كلهم ركبوا و هم طايرين من الفرح
>>
>>مريم : يلا ايمان وحسين امشوا نصفق و نقول اناشيد
>>
>>زينب : لا لا تقولون شي ,, بعدين راسي يألمني << تدلع
>>
>>مريم : ويييي , عاد طاحت دووره قامت تتدلع
>>
>>الابو : مريم سكتي
>>
>>مريم : يوو اني ويش قلت غير ابغي اقول نشيده
>>
>>الابو :
>>انزين قولي
>>
>>محمد :
>>
>>تالي قاموا الجهال يقولون اناشيد سبيستون هههههه
>>
>>و طول ما الباص يمشي هم ينشدوون ولا بعد يتعاييون على الاناشيد ,,
>>جهال ويش نسوي
>>
>>و فاطمه قاعده وي زينب في كرسي ويهدروون
>>
>>و تابع البااص وقام يمشي و يمشي و يمشي << بس له
>>
>>انزين عاد و صلوا المكان المحدد الهو الارض السعيده
>>
>>مريـــــم : الااااااااااااااي حليوين الالعااااب باروح العب
>>
>>وتقوم تركض ركيض وتشبق لعبه
>>
>>زينب : يوو قولي ليها تحارس
>>
>>تالي الابو نادى عليها الملقووفه
>>
>>مريم : وي ابغي العب له
>>
>>الابو : انتين ويش فيش ؟ صبري بنروح وي بعض عشان ندخل ببطاقه
>>
>>مريم : انزين
>>
>>تالي قاموا يتمشوون و اتفقوا على لعبه يركبونها كلهم
>>
>>فاطمه : زينب بتركبين هل اللعبه ؟
>>
>>زينب : ههه انتين بتركبين ههههه ؟
>>
>>تالي قاموا كلهم الجهال و زينب وفاطمه ركبوا لعبـــــــــة
>>
>>اي لعبه تتوقعون ؟
>>
>>
>>
>>^^
>>
>>
>>
>>
>>
>>
>>
>>
>>^^
>>
>>
>>
>>
>>لــــــــــــــعبة بيــــــــــــــت الوحـــــــــــــــووووش
>>ههههههاااااااي
>>
>>و ركبت زينب و فاطمه في كرسي ,,, و ايمان مريم في كرسي ,,, ومحمد و
>>حسين في كرسي ,,,, بس صار محمد و حسين ورى فاطمه و زينب
>>
>>هههههههههه دار راسكم ؟ ما عليه
>>
>>و زينب مجوده فاطمه من عبايتها
>>
>>فاطمه : انتين خايفه ؟
>>
>>زينب : حدي
>>
>>بعــــــــــــــدين بــــــــدأت الـــلــــــــــــعبه
>>
>>و دخلوا هداك المكان المظلم ,, هناك كل هياكل عظميه و وحوووش و تماثيل
>>تخرع و رسمات مرعبه
>>
>>و شافت زينب جدي و تقوووووم تصرخ صرااخ يبط الادون
>>
>>فاطمه : يماااااااااا
>>
>>تعرفوون صراخنا احنا البنوتات هههههه احم
>>
>>و مريم قالعه المكان من الروان
>>
>>يعني حالتهم حاله
>>
>>و محمد ميت من الضحك على صراخهم يدور ورى يشوفهم يصرخوون ,, و يدور
>>قدام يشوفهم يشبقون بعض ويرنون
>>
>>محمد :
>>
>>حسين : محمد انا خايف
>>
>>محمد :
>>صدق ؟ تعال حبيبي شبقني
>>
>>حسين : انزين
>>
>>تالي قام حسين شبق محمد و هو مغمض << حشى
>>
>>لين ما خلصت اللعبه وطلعوا
>>
>>مريم : حلقي عورني من الصراخ يا علي اه
>>
>>ايمان : اييي اني بعد خفت شفت هداك الي عنده فأس ,, موجهنه عليي
>>
>>فاطمه : يخوف له
>>
>>زينب : ايي اني موتي ولا اشووف هل الاشياء الي تخوف
>>
>>محمد يطالع في زينب و عن يا حسب يكلم فاطمه : خفتون ؟
>>
>>فاطمه : اي ,, ما شفتنا واحنا نصرخ ؟
>>
>>محمد : اي بلى شفتكم ,, صدق جبن
>>
>>فاطمه : والله كيفنا ,, انت الجبن
>>
>>زينب : هههههه
>>
>>محمد في قلبه : يا عمري هل الابتسامه
>>
>>تالي طلعوا من اللعبه
>>
>>و هناك الابو يحارسهم
>>
>>الابو : هاا ؟ استانستون ؟
>>
>>مريم : يا علي يخوف لو تشوف الوحوش جان تصرخ
>>
>>الابو :
>>
>>حسين : اما محمد شجاع ولا يخاف من الوحوش
>>
>>محمد :
>>
>>تالي قعدوا يتمشوون و هناك في جمال وخيول
>>
>>حسين : محمد ابغي اركب على الخيل
>>
>>محمد
>>: بنخليك تركب على خيل صغير
>>
>>تالي قام ركب و هو مستانس ان هو ركب خيل ههههههه
>>
>>الابو : ها محمد منت ناوي تركب خيل ؟
>>
>>محمد : بلى ,,هههه توني اقول
>>
>>تالي قام ركب محمد على الخيل الابيض الناصع و قعد يمشي << يفوووشر
>>
>>زينب في قلبها : يا علي يجنن ,, هذا هو فارس احلامي ,, جماله جمال
>>
>>مريم : بس يا فارس الشجعان بسرعه نبغي نلعب
>>
>>زينب في قلبها : خليني اشوفه واتمنظر في حلاوته
>>
>>حسين : امن محمد بطل
>>
>>
>>الابو : امشو اشترو ليكم شي يبرد على جبودكم
>>
>>تالي راحوا اشتروا ليهم بيبسي
>>
>>و حسين حاط عيونه على لعبه بعيده من هداك الصووب يعني واجد بعيده بس
>>هو لمحها وقرر يروح ليها
>>
>>تالي ما التفتوا الا حسين مو وياهم
>>
>>فاطمه : وين حسين ؟
>>
>>مريم : اي صدق هو من متى للحين ويانا
>>
>>ايمان : يوو جان مو ضاع
>>
>>محمد : انتون قعدوا باروح اشوف هل الاهبل
>>
>>تالي راح يدوره ما شافه الا جاي له يصيح
>>
>>حسين : محمد محمد اهيييء
>>,, انت وين رحت
>>
>>محمد : انت الي وين رحت
>>
>>حسين : قالت امي كل اجود ايدك جيب باجدوها اهييء
>>
>>محمد : انزين يلا مش
>>
>>تالي قاموا يمشوون و شاف حسين مكان اسكريم
>>
>>حسين : محمد ابغي اسكريم
>>
>>محمد : انزين لا تصيح بشتري لك
>>
>>تالي راحوا صوب الاسكريم بيشتروون وشافتهم ايمان
>>
>>ايمان : هاكم رايحين يشتروون اسكريم ,, باروح ليهم
>>
>>مريم : اني بعد
>>
>>و راحوا الملقوفين
>>
>>ايمان : اني بعد ابغي اسكريم
>>
>>مريم : حتى اني
>>
>>حسين : انتون روحوا محمد بيشتري ليي بس انا
>>
>>محمد : انت اخمد
>>
>>ايمان : ليييي والله احنا بعد نبغي
>>
>>محمد : انزين بشتري ليكم ,, مريم اختش تبغي على ويش ؟
>>
>>مريم : اسألني اني اول تالي اختي ,, ما عندك ذوووق
>>
>>محمد : انزين يا ام الذووق
>>
>>راحت مريم تسأل ختها زينب تبى على ويش
>>
>>فاطمه : اني ابغي على كاكو
>>
>>زينب : اني ابغي على فراوله
>>
>>راحت مريم تقول الى محمد
>>
>>محمد في قلبه
>>: تبغي على فراوله ,, مثلي
>>
>>و راحوا قعدوا مره فانيه على المظلات هع
>>
>>المهم بعدين قاموا يلعبوون ويغامروون في الارض السعيده المليئه
>>بالسعاااده ههههههه
>>
>>بس تالي يعني انتون تعرفون الارض السعيده فيها مغازل شوي ههههه
>>
>>قام محمد يمشي بمشيته الشامخه واذا بالبنوتات الدلوعات الطايحين الحظ
>>الباصقين ينطرون اليه بأعجاب
>>
>>و محمد مو معبرنهم يقول ما عنده الا اميره وحده وهي زينب
>>
>>المهم
>>
>>جت الساعه 12 وجا الباص مره فانيه
>>
>>و قعد الباص يمشي يمشي لييين ما وصلوا العماره
>>
>>تالي دخلوا و هم منهكين من اللعب خخخخ
>>
>>دخلوا بيت زينب البيت
>>
>>الام : ان شاء الله استانستون هناك ؟
>>
>>زينب : ايي هناك حليو
>>
>>الام : وين اختش مريم ؟
>>
>>زينب : هكي برا الحين بتدخل
>>
>>دخلت مريم البيت الهي عندها نفافيخ و اكل الدنيا و ما حولت
>>
>>الام : ههههههههه عساش السعاده هذا كله الش ؟
>>
>>مريم : ايي ,, اما لو تشوفين هناك حليوو ,, ركبنا بيت الوحووش
>>يخوف لو تركبينه جان تصرخين مفلنا
>>
>>الام :
>>
>>وقعدت تهر ليها عن المواقف الي صارت هناك
>>
>>الجده : دمشوا نتغذى
>>
>>تالي قعدوا يتغذون وعلى الغذا
>>
>>زينب : انتين تعالي لويش يوم تفشليني في الباص ؟
>>
>>مريم : اني فشلتش ؟ متى ؟
>>
>>زينب : لا تستهبلين ها , يوم تقولين (( الحين عاد بتدلع على حساب
>>طايحه دوره))
>>
>>مريم : وهذا الي فشلش ؟
>>
>>زينب : اييي لو ما سكتش ابويي جان واصلتين اللغاوه
>>
>>مريم :
>>
>>الجده : مريم سكتي عنها واكلي ولا عليش منها
>>
>>زينب : هي الي بترفع ضغطي ,, الحين انتين ويش دخلش في السالفه ؟
>>
>>الجده: نبا ناكل و انتين تتهاوشين وياها لوي ؟
>>
>>زينب : وانتين ويش لش خص ؟ كيفي
>>
>>الابو : زينب اكلي وانتين ساكته فاهمه
>>
>>زينب : مريم و هذي فنتينهم يتعلفون وانتون ما تسوون فيهم شي واني من
>>اتكلم بجلمه تصرخون عليي
>>
>>الابو : مريم سكتي عنها ولا تفشلينها مره فانيه
>>
>>زينب : و امك ؟
>>
>>الابو : زينب بتسكتين لو
>>لا ؟
>>
>>زينب : انزين
>>
>>تالي قعدو يتغدون و خلصوا وجت العصر
>>
>>زينب : اماه
>>
>>الام : وي ؟
>>
>>زينب : ابغي بيزات
>>
>>الام : لويش البيزات للعبه و الاكل والخرابيط ؟
>>
>>زينب : لا لا ,, بشتري هدايا لرفقاني له
>>
>>الام :
>>
>>زينب : يلا له
>>
>>الام : هاش اخدي ,, و لا يقصون عليش فاهمه
>>
>>زينب : انزين
>>
>>راحت زينب تلبس عبايتها
>>
>>مريم : وين بتروحين ؟
>>
>>زينب : والله ما يهمش
>>
>>مريم : مالت
>>
>>طلعت زينب و راحت تتسوق بروحها
>>
>>وصلت السوووق
>>
>>زينب في قلبها : بشتري اول شي الى حمووودي الهدايا بعدين بتفرغ الى
>>الباقي خخخ
>>
>>قامت تشتري الى محمد هدايا تدرون جم هديه ؟
>>
>>اربع هدايا
>>
>>زينب : خساره ما تكفي البيزات ابغي اشتري الى حمود بعد هديه
>>
>>المهم بعدين قعدت تشتري الي ختها و اخوها و رفيقتها ابرار على هديه
>>ههههههه
>>
>>عقب ما خلصت التسوق رجعت و في رجوعها كان محمد بيطلع عشان يروح يصلي و
>>الحمد لله ما كان
>>في احد هناك
>>
>>زينب :
>>
>>محمد :
>>
>>قامت زينب حطت الاجياس الي فيهم هدايا محمد على الارض
>>
>>زينب :هذي هديتك
>>
>>و بعدين مشت
>>
>>قام محمد ولا عطل و اخذ الاجياس و راح الشقه بدل ما يروح يصلي ههههه
>>
>>دخل شقتهم وفتح الاجياس
>>
>>محمد :
>>
>>تدرون ويش اخذت له ؟
>>
>>اخذت له قميص كشووخي ,, ونعال لو تشووفوونه ويش حلاوته ,, و بووك
>>مكتووب فيه اسمه من داخل كشخه لونه بني بعد هههه , و ساعه حليوه
>>رجاليه
>>
>>محمد : حليو ذوقها هل القمر
>>
>>فاطمه : هذا ويش ؟ من وين لك ؟
>>
>>محمد : هذا انا مشترنهم
>>
>>فاطمه : من وين لك البيزات ؟
>>
>>محمد : ويش يهمش
>>
>>فاطمه : لان امي قايله ليها تعطيني بيزات قالت ما يكفي
>>
>>محمد : لا مو من عند امي
>>
>>فاطمه : الله الله الي يشوف الحين انت عندك ملايين لو تشغل جاان مو من
>>عند امي
>>
>>محمد : ولاخير وياش بتسكتين لو لا
>>
>>فاطمه : اول شي قول من عند من وبسكت
>>
>>محمد : شوفي فاطمه انا مو جاهل عندش
>>تحققين ويايي و تسأليني وتهدديني ها ,, اذا ما سكتين الحين بسدحش هني
>>
>>فاطمه : لكن ما عليي بتشووف
>>
>>محمد : على اخر عمري تحقق ويايي جاهله
>>
>>فاطمه : هي اني مو جاهله ها
>>
>>محمد : زين تمشي
>>
>>و في بيت زينب قايمه الوقعه
>>
>>الام : هذا ويش ؟
>>
>>زينب : الهدايا له
>>
>>الام : هذيلين كل الهدايا ؟
>>
>>زينب : اي
>>
>>الام :كل البيزات الي عطيتش اياهم و ما جابوا الا هل الفلاف الهدايا
>>بس ؟
>>
>>زينب : اي لان غالي ههههه
>>
>>الام : ادري غالي عاد مو لهدرجه
>>
>>زينب :
>>
>>
>>
>>
>>
>>
>>الام : لا اكيد قصو عليش ,, و انتين مفهيه هبله
>>
>>زينب : لا لا لان هذيلين من لبنان مو من سوريا ههههه
>>
>>الام : و ان شاء الله ويش الفرق بين هني ولبنان ؟
>>
>>زينب : امممم لبنان ماركه بس هني هرار بسرعه يعدمون
>>
>>الام : مره فانيه لا تاخذين هل المركه فاهمه ؟
>>
>>زينب : مو مركه ماركه ههههههههه
>>
>>الام : اي لا تاخدينها مره فانيه
>>
>>زينب: ان شاء الله
>>
>>بعدين قاموا الاوادم راحوا وصلو و خلصوا صلاة
>>
>>محمد : اماه ابغي بيزات
>>
>>الام : لويش بعد ؟
>>
>>محمد : اماه لا تحرجيني ,, جي انا جاهل تقولين ليي لويش ؟
>>
>>الام : يوو جي بس الجهال يقولون ليهم لويش ؟ عادي
>>
>>محمد : ابغيهم وبس
>>
>>الام : انزين قول الى اختك تجي
>>
>>محمد : ويش دخل فاطمه في السالفه الحين ؟
>>
>>الام : لانها مسكينه قايله تبغي قبلك ولا عطيتها
>>
>>محمد : انزين الحين اعطيني واذا طلعت اعطيها
>>
>>الام : انزين هاك خد ولا تلعب بهم
>>
>>محمد
>>: ان شاء الله يا احلى ام في الدنيا
>>
>>الام :
>>
>>راح محمد السووق يبغي يشتري الى الحبيبه هدايا هههه
>>
>>قام يتسوق و يرووح محلات البنات و يشوووف البنات هناك ويش ياخدوون اخر
>>المووضه ويقوم يقلد عليهم لان مسكين ويش عرفه بذوقنا احنا البنات
>>
>>المهم اشترا الهدايا الحلوه ههههههه و راح البيت
>>
>>انزين الحين جيفه يعطيها زينب ؟
>>
>>ما دخل الشقه الا هناك مريم مقعده تلعب وي ايمان
>>
>>محمد:
>>
>>مريم :
>>
>>محمد : مريم ؟
>>
>>مريم : ها
>>
>>محمد : انتين هنا ؟
>>
>>مريم : لا هناك
>>
>>ايمان :ههههههههههه
>>
>>محمد : ههههههههه شحوالش
>>
>>مريم : زينه
>>
>>محمد : شحوال اختش
>>
>>مريم : توني اليوم متهاوشه وياها
>>
>>محمد : افا ,, لويش عاد
>>
>>مريم : لان تقول ان اني فشلتها في الباص
>>
>>محمد : هههههههههههههههه
>>
>>فاطمه : محمد
>>
>>محمد : وي
>>
>>فامه : هذا وي الي عندك ؟
>>
>>محمد : ها ,, ما يهمش
>>
>>قام محمد راح الحجره وخشاهم
>>ههههههه عشان لا تشوفهم فاطمه وتكشفه
>>
>>فاطمه : محمد ,, انت ويش سالفتك اليوم ؟
>>
>>محمد : ويش سالفتي ؟
>>
>>فاطمه : شفت عندك اليوم جياسه و الحين جياسه هذا كله الى من ؟
>>
>>محمد : يعني ما فاد فيش الصراخ اليوم ؟ قلت لش لا تحققين ويايي,,و
>>انتين من عشان تتسألين فيي ؟
>>
>>فاطمه : فيي فضووول
>>
>>محمد : و تعترف بعد انها فضوليه بعد صدق مسخره
>>
>>فاطمه : انت المسخره
>>
>>الام : سكتوا تتهاوشون قدام البنيه ؟
>>
>>فاطمه :عجل من وين ليه كل هل الاشياء ؟
>>
>>الام : عاطتنه بيزات مفل ما عطيتش
>>
>>فاطمه : لا هو عنده اغراض واجد شايفتنهم اليوم قبل لا تعطينه
>>
>>الام : اغراض ؟
>>
>>محمد : ويش عليش منها ,, هي غير مجنونه
>>
>>الام : محمد ويش صاير ؟
>>
>>محمد : كل ما في السالفه ان انا اليوم متسلف من عند واحد من الربع
>>بيزات عشان اشتريي ليي اغراض بس
>>
>>فاطمه : وهذيلين الاغراض بعد الى من الي توك خاشنهم ؟
>>
>>محمد : لا طالت وشمخت اشووف انتين ما ينفع فيش الا الضرب
>>يمكن
>>
>>قامت فاطمه انخشت ورى الام
>>
>>الام : بس يا محمد صل على النبي بس
>>
>>محمد يقول الى فاطمه : شوفي الحين بسكت على شان امي ها ,, لو امي مو
>>هني جان قتلتش
>>
>>فاطمه :
>>
>>مريم :
>>
>>المهم راح محمد واخد هدية زينب و طلع بها
>>
>>الحين جيفه يعطيها اياها
>>
>>قام طق الباب
>>
>>طلعت الام
>>
>>الام : نعم ؟
>>
>>محمد : هني امي ؟
>>
>>الام : لا مي هني .. هي علمي بها في بيتكم
>>
>>محمد : اها مشكووره
>>
>>سكرت الام الباب
>>
>>محمد : جان زين طلعت القمر
>>
>>راج رجع البيت وعقب مده
>>
>>راح رد طقطق الباب
>>
>>طلعت زينب
>>
>>زينب : نعم ؟
>>
>>محمد : شكرا على الهديه الروعه ,, و هذي هديتش
>>
>>زينب :
>>
>>اخذت زينب الهديه بسرعه بسرعه عشان لا احد يشوفهم و دخلت
>>
>>الام : من عند الباب ؟
>>
>>زينب: ها ,, هذي رفيقتي
>>
>>الام : هذا ويش الي عندش ؟
>>
>>زينب: هذي رفيقتي مشتريه ليي هديه
>>
>>الام : من هي هل البنيه ؟
>>
>>زينب
>>: ما تعرفينها
>>
>>دخلت زينب الحجره و بطلت الجياسه
>>
>>زينب : الااااااااااي
>>
>>تدرون ويش جاب ليها
>>
>>نعال حلييو ,, و فانيله فلته ,, و شنطه ناااعمه و الوانها كشخه , و
>>ميداليه حليوه على شكل قلب مكتوب فيها احبك بعد ههههههه و خاتم
>>
>>و زينب طايره من الفرح
>>
>>زينب : حلي ذوقه هل القمر << مثل الكلام الي قاله عنها
>>
>>انقضت ايام سوريا و صار لازم يمشوون البحرين
>>
>>راحوا بيت حجي ناصر المحطه
>>
>>ركبوا الناس الباص و صلوا على النبي ومشى مشى متوجه الى الوطن
>>
>>مريم : مع السلامه يا سوريا
>>
>>زينب : وانتين هذي شغلتش يوم نطلع من البحرين و يوم نطلع من سوريا
>>بكبري ما ظنيت اجي البحرين
>>
>>مريم : ادري ,, بس لازم اودع سوريا
>>
>>الجده تقول الى ام علي : الحين ايدي اذا رحت البحرين بداوونها ليي لو
>>لازم هنه ؟
>>
>>الام : لا اكيد بداوونها له , جي هني غير هناك عادي
>>
>>زينب : تسوي رحها ما تدري بعد حضرتها
>>
>>الجده : يلا سكتي انتين
>>
>>زينب
>>: اني ويش قلت الحين
>>
>>مريم : تطنزين بجدتي
>>
>>زينب : اصلا هذي جدتش ام مشاكل ,, حتى اذا الواحد يمزح وياها تاخذه جد
>>والله
>>
>>مريم : كيفها
>>
>>زينب : اني اول مره اشوف وحده ايدها مكسووره وتحب تتهاوش
>>
>>مريم : و اني بعد اول مره اشوف وحده ما صار ليها سبوع من طاحت دوره و
>>تتهاوش
>>
>>زينب : انتين من حشرش ؟
>>
>>مريم : كيفي
>>
>>قامت زينب تشرب ماي الا عليها النعال الي محمد جايبنه ليها
>>
>>مريم : ههههههههه توها رفيقتها جيبه ليها النعال امس ولبسته
>>
>>زينب : سكتي انتين
>>
>>سمع محمد ويش تقول مريم
>>
>>محمد استحمق على مريم لانها فشلت زنووب
>>
>>محمد : مريم ولاخير وياااش صوتش موصل للسواق
>>
>>مريم : كيفي
>>
>>محمد : كيفش في بيتش
>>
>>مريم : هذا بعد بيتي لاني بقعد فيه يوم كامل
>>
>>محمد : لا مو بيتش
>>
>>عاد جت زينب تبغي تطووف له بس محمد واقف و هو ما يدري انها بتطوف
>>
>>و محمد ضارب حجي وي مريم
>>
>>و مسكينه زينب تبغي تطوووف
>>
>>
>>مهلت واجد وهو موقف
>>
>>زينب : لو سمحت ابغي اطووف
>>
>>محمد : ها ,, تفضلي سوري ما كنت ادري
>>
>>مريم : داسك لوري
>>
>>زينب : مريم سكتي
>>
>>محمد :
>>
>>بعدين قعدت زينب مكانها
>>
>>قام البااااص يمشي وااااااااااااااااجد لين ما وصلو السعووووديه يعني
>>قريب بوصلوون البحرين
>>
>>نزلوا عشان يفتشوونهم
>>
>>راعي الحمله : يلا يا حريم دخلوا هني عشان يفتشونكم
>>
>>دخلوا مساكين مكان التفتيش وهناك في نسوان سودان يخوفون ديابه
>>
>>المره الديبه تقول الى الام : حر ها
>>
>>الام وهي خايفه : اي ,, مره حررر محنا قادرين
>>
>>المره الديبه : و آنه شسوي فيج بعد ؟ والله
>>
>>الام في قلبها : دهشه دهشتش في عيونش
>>
>>و قعدت تفتش فيها لين ما وصلت الى مريم
>>
>>و مريم خايفه
>>
>>المره : شفيج خايفه ؟ لا يكون عندج شي خاشته ؟
>>
>>ما شافوا مريم الهي ميته من الصياح
>>
>>مريم : ما عندي شي
>>
>>المره : الحين شله تصيحين ؟
>>
>>و تقوم مريم تروح تشبق امها و
>>تصرخ
>>
>>مريم : امااااااه
>>
>>المهم خلصوا من مريم و زينب بعد و جا دوور الجده
>>
>>الجده : اني يما ما عندي شي ,,
>>
>>المره : يعني ما نفتشج ؟
>>
>>الجده : لا بس يعني اقوول
>>
>>تالي قعدوا يفتشوون فيها و شافوا في مخباها
>>
>>المره : شنو هذا
>>
>>الجده : هذا غير دوا
>>
>>المره الديبه : لا هذا مب دوا هذا اكيد رصاص
>>
>>الجده : دواهي ,, هذا الا بليلج عن وجع البطن
>>
>>تعرفون البليلج شكله اسود جنه رصاص هو هههههههههههه
>>
>>المره : لا انتين تقصين علينا تعالي معانا للضابط
>>
>>و قاموا النسوان الي في الحمله كلهم يضحكون على المره ههههههه
>>
>>ام محمد : ويش هل الحاله مره ما تعرف البليلج
>>
>>المهم راحت الجده الى الضابط
>>
>>الضابط : انتين تقولين ان هذا دوا , شلون يستخدمونه ؟
>>
>>الجده : هذا ينقعووونه في ماي و يشربووونه او يدقوونه لين ما يصير
>>ناعم ويبلعوون عليه ماي
>>
>>الضابط : طيب شربيه الحين هني عشان نضمن
>>
>>الجده: انزين هداني باكلها بكبرها
>>
>>
>>مسكينه الجده اكلتها بكبرها و لا تدري بالدنيا من الخووف
>>
>>بعدين جا دوور بيت محمد خلصوا منهم وباقي ختهم فاطمه
>>
>>شافوا عندها صور عن الحسين والخميني و الشيووخ يعني
>>
>>المره : هذا شنو
>>
>>فاطمه :
>>
>>مسكينه فاطمه و دووها بعد للضابط و حقق وياها و تالي مشوا
>>
>>راعي الباص يقول الى النسوان : امشوو اركبوو يا البلا
>>
>>تالي ركبو و قعد الباص يتابع المشي و وصلوا الي الجسر
>>
>>مريم : الاااااي وصلنا الجسر يعني باقي شوي و نوصل بحريننا
>>
>>زينب : ايييي
>>
>>قام محمد من وصلو الجسر سوى رنه الى زينب
>>
>>زينب :
>>
>>مريم: من الي سوى لش رنه ؟
>>
>>زينب : هي رفيقتي ويلا سكتي
>>
>>محمد :
>>
>>ههههههههههه
>>لالا لاتخافين ان شاء الله اتيي المدرسه واهي مكمله
>>**********************************************
>>وصل الباص البحريـــــــــن
>>
>>قامت زينب اتصلت الى علي اخوها
>>
>>علي: الوو ... هلااااا وصلتوون ؟
>>
>>زينب : ايي هدحنا في المحطه
>>تعاال لينا
>>
>>علي : الحين جاي ليكم
>>
>>الام : يا علي هني حرر مووت و هناك في سوريا الجو ويش حلاوته
>>
>>الجده : هداني ماني قادره
>>
>>الابو : يلااا شيلوا الشنطات عشان الحين بجي علي
>>
>>شالوا بيت حجي ناصر شنطاتهم و حطوهم على صوووب وقعدوا يحارسووون
>>
>>جا علي
>>
>>مريم : هاكو علي جا
>>
>>راح علي ليهم وقعد يسلم عليهم و امه مستانسه انها شافته المهم تالي
>>ركبوا السياره و ركبوا الشنطات بعد
>>
>>علي : اماه ,, هاكم خالتي و ندى بت خالتي يحارسوونكم
>>
>>الام : في بيتنا ؟
>>
>>علي : اي
>>
>>وصلوا بيت حجي ناصر الى فريقهم
>>
>>مريم : الاااااااااي فريقنا اشتقت اله
>>
>>زينب : اني بعد افادي فيــــــه ,, يا علي ما ضنيت اجي
>>
>>وصلوا بيتهم و نزلوا و مريم من وقفت السياره على طووول بطلت الباب و
>>تركض الى بيتهم حتى شنطه ما شالت
>>
>>ما دخلت الا هناك ندى
>>
>>ندى : مريوووم .. شخبااااارش
>>
>>مريم : ندى ,,
>>
>>و شبقوا بعض
>>
>>و مسكينه ندى تحارس على
>>الباب
>>
>>دخلت زينب
>>
>>زينب :
>>
>>ندى : زينب ,, شخبارش
>>
>>زينب : زوينه ,, انتين شخبارش
>>
>>ندى : مشتاقه ليكم
>>
>>زينب في قلبها : الله على الشوق عاد
>>
>>دخلت الام وكلهم قعدوا يتشابقوون و يسلموون على بعض
>>
>>بعديـــــــــن ,, قامت الخاله تحط ليهم غذا هي مسويتنه ليهم
>>
>>الام : تعبتين روحش يا اختي
>>
>>الخاله : لا عااادي ,, لا تعبت روحي ولاشي ,, الله يخلي ندى تساعدني
>>له
>>
>>ندى :
>>
>>زينب :
>>
>>بعدين قاموا ياكلوون
>>
>>مريم : خالتي تسلم ايدش الغذا عجايب
>>
>>الخاله : بالعافيه حبيبتي
>>
>>جت العصر و راحت زينب تعبااانه تبغي تنام ليها جم ساعه
>>
>>توها بتحط راسه على الوساده
>>
>>الا رنة التلفوون
>>
>>زينب : الوو
>>
>>محمد : هلا بهل الصوووووووت هلااا
>>
>>زينب :
>>
>>محمد : شخبارش
>>
>>زينب : توك شايفني من شوي
>>
>>محمد : ويش اسويي .. اشتقت لش
>>
>>زينب : ههههههه بهل السرعه ,, اشتقت ليي
>>
>>محمد : وانا
>>ما اشتقتين ليي
>>
>>زينب : طول اليوم اشوووفك
>>
>>محمد : ههههههه ,, اقوووول
>>
>>زينب : قول يا حلو قووول
>>
>>محمد : انا حلو ؟
>>
>>زينب : ايي و نص
>>
>>محمد :
>>
>>زينب : قووول له
>>
>>محمد : الهدايا الي جبتينهم ليي ,, كيووووت ,, بس انتين
>>احلــــــــــى
>>
>>زينب : ههههههههه عجبووك ؟
>>
>>محمد : اييييييي ,, شكلهم غاليين بعد
>>
>>زينب : ما يغلك عليك شي ,, يرخص الغالي لك انـــــــت
>>
>>محمد :
>>
>>زينب : انت بعد الهدايا الي جبتهم كووووووول ,, يا كووول
>>
>>محمد : صدق ,, وانا اقول ما بيعجبوونش
>>
>>زينب : لا كانوا حلوين ,, من حلاوة النعال لبسته
>>
>>محمد : عليش بالعافيه يا قمووره
>>
>>و هم قاعدين يتكلموون قام علي طق الباب
>>
>>زينب : يلا حمودي بقووم
>>
>>محمد : وين ,, ما صار لينا شي من تكلمنا
>>
>>زينب : علي يطق الباب باي
>>
>>محمد : اووكي
>>
>>طلعت زينب
>>
>>علي : وين هديتي ؟
>>
>>زينب : اووو صحي نسيت
>>
>>علي :
>>
>>
>>زينب : هاك
>>
>>علي : بس ؟
>>
>>زينب : نعال له
>>
>>علي : صدق برصه ,, امي بس بروحها جابت ليي شدة فوانيل ونعاااال و
>>بجامه و بوووك ,, وانتين بس نعال ؟
>>
>>زينب : بدل ما تقول ليي شكرا قاعد تصرخ عليي وتهاوشني ؟
>>
>>علي : شكرا ,, بس اتوقعت اكفر
>>
>>زينب : لا لا تتوقع
>>
>>علي : عجل اذا رحت سفره باجيب لش بس هديه
>>
>>زينب : اوووووووه
>>
>>تالي راح علي
>>
>>و طلعت زينب بره الا هناك ندى مسكينه مقعده متملله
>>
>>زينب : اماااااه ... شفتين ولدش ؟
>>
>>الام : ويش صاير بعد ,, ما صار لينا فلاف ساعات من جينا و انتين
>>تهاوشتين
>>
>>زينب : مو عاجبتنه الهديه الي جايبتنها له
>>
>>الام : و ان شاء الله ويش تبغيني اسويي لش ؟
>>
>>زينب : افففف ,, الغلط مني قاعده احاجيش انتين
>>
>>و ندى قاعده تطالع زينب
>>
>>زينب : نعم ؟ اي طلب ؟
>>
>>ندى : لا ولا شي خيتوو
>>
>>زينب : و الله
>>
>>راحت زينب مره فانيه الحجره
>>
>>الا هناك مريم قاعده تحووس في
>>اغراضها
>>
>>زينب بصوت عالي : مريم
>>
>>انزهقت مريم لان مره وحده صرخت زينب عليها
>>
>>مريم : يمـــــه
>>
>>زينب : ويش قاعده تسوين
>>
>>مريم : ما اسويي شي
>>
>>زينب : اطلعي برا يلا
>>
>>مريم : انزين ,, بس ابغي الهتفوون انتين عطيتيني اياه تالي رديتين
>>اخذتينه
>>
>>زينب : اخذيه وروحي برا ,, و مره فانيه لا تقعدين تنبشين في اغراضي
>>فاهمه ؟
>>
>>مريم : زين
>>
>>سكرت زينب الباب
>>
>>و اتصلت الى محمد
>>
>>محمد : هلااااا
>>
>>زينب : هلا
>>
>>محمد : ويش فيش مشره ؟
>>
>>زينب : هذا اخويي عكر مزاجي يقول اني برصه
>>
>>محمد : ههههههههه ,, ما يحتاج تزعلين ,, طنش تعش
>>
>>
>>ما شافت زينب الا الباب مره فانيه ينطق
>>
>>زينب : اففف ويش هل الحاله
>>
>>محمد : ويش فيش يا الدلوووعه ؟ ليش مستحمقه ؟
>>
>>زينب : هههههههه ,, بس الباب ينطق لحضه
>>
>>راحت زينب وفتحه
>>
>>مريم :
>>
>>زينب : ويش تبغين ؟
>>
>>مريم : زينب ,,, لو مثلا يعني جاهل صغير ما
>>يفهم وكسر الهتفون مالش
>>
>>زينب : ايي
>>
>>مريم : بتضربينه ؟
>>
>>زينب : ما ادري ,, الحين ويش تبين ؟
>>
>>مريم : باقول لش شي بس لا تستحمقين
>>
>>زينب : اييي خلااص عرفنا انش كسرتينه ,, ثانيا انتين منتين جاهله ما
>>تفهمين ,, انتين فووره حتى الفوور اصغر منش
>>
>>مريم : لييييييي؟
>>
>>قامت فلتت الهتفوون وهو مشلخ ما فيه فايده ومشت
>>
>>زينب : صدق فارغه
>>
>>و راحت تبغي تواصل الكلام وي محمد الا الخط انقطع من زمان
>>
>>اتصلت له
>>
>>زينب : لويش قطعته ؟
>>
>>محمد : انتين من اول ما رحتين تفتحين الباب انا قطعته
>>
>>زينب : لويش ؟
>>
>>محمد : اخاف يصرف عليش لا
>>
>>زينب : ما تفوت ولا شي داهيه
>>
>>محمد : هههههههه ’’ صدق ممله هل القطوه
>>
>>زينب : يووو ما ماتت له ؟
>>
>>محمد : شرعنها ,, لويش تقولين عنها جدي زنووب؟
>>
>>زينب : بل لهدرجه تحبها
>>
>>محمد : اي احم
>>
>>زينب : اي اكثر اني لو هي ؟
>>
>>محمد : لا لا طبعا انتيــــــن ,, تقارنين
>>روحش بها
>>
>>زينب : ههههه الحين هي ويش تسوي
>>
>>محمد : تمسح عليي مستانسه ان انا جيت
>>
>>زين : حلاوتها ,, سلم عليها
>>
>>محمد : تبغين تسمعين صوتها
>>
>>زينب : ههه اي
>>
>>محمد : اووكي
>>
>>قام محمد حط السماعه صووب القطوه هههههه عليه حركات
>>
>>القطوه : ميييييياااااو
>>
>>زينب : وه يمه
>>
>>محمد : سمعتين صوتها هههههههههههههه
>>
>>زينب : ايي خفت
>>
>>محمد : هههههههه بسم الله عليش ,,هذي كل ويايي تحبني
>>
>>زينب : بس اني احبك اكثر
>>
>>محمد :
>>
>>زينب : اذا جيت بيتكم مره ثانيه باخلي فاطمه تراوييني اياها
>>
>>محمد : ايي و تكلمي وياها وبتعلمش عن سوالفي كلها
>>
>>زينب : و تتكلم بعد ها ؟
>>
>>محمد : اي لا قطوتي عجيبه غريبه
>>
>>زينب : يا حلاوة سوالفك
>>
>>و قعدوا يسولفوون مستانسين ,, صار ليهم 22 يووم ما تكلموا وي بعض عدل
>>له
>>
العرض الشجري
المواضيع المتشابهه
