على نياته
كان فيه واحد " على نياته "
جرّب يستثمر أمواله !
وكان عنده ببغاء يتكلم ..
مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..
راعيه عصب عليه .. وقرر ياخذ الببغاء لمدرب الطيور علشان يعدّله ..
: يا مدرب الطيور ....
شف لك صرفة مع هذا الببغاء ...
كل ما شافني فشلني عند الناس " غبي ، غبي " !
أبيك تدربه زين وتعدّل كلامه ..
علشان يغيّر هالكلمات الي يرددها كل ما شافني
قال المدرب : ما عليك .. خلّه عندي كم يوم ..
ولما راح راعيه .. جاب المدرب " سطل " ماي حاااار...
وحطه قدامه ... وسأل الببغاء ..
: أنا مين ؟ !
قال الببغاء : أنت صديق الغبي ! ..
وينزله المدرب في الماي الحااار وبعدها يطلّعه .. ويسأله ...
: أنا مين ؟
قال : أنت صديق الغبي ..
وينزله في الماي مرة ثانية .. وبعدها يطلعه ...
: أنا مين ؟
.. وعلى هالحال .. حتى تربى الببغاء وتسنّع ..
أخيرا .... قال له المدرب ...
: أنا مين ؟ !
قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب : تفضل اسأله ..
قال راعي الببغاء .. : أنا مين ؟!
قال الببغاء : أنت مين ؟! وهذا سؤال !! ... أنت الذكي ....
إلا أنت أذكى واحد عرفته في حياتي !
قال له راعيه : .. طيّب ..
وإذا لعبت بفلوسي على كيفي ؟!
قال الببغاء : .. هذي فلوسك .. من عرق جبينك ..
تسوي فيها اللي تبي ..
قال : طيّب .. إذا دخّلت فلوسي في " المحافظ " ؟ !
قال الببغاء : ممتاز .. حركة استثمارية في غاية الذكاء ....
ومن أذكى واحد في العالم ..
: طيّب ... وإذا دخلت فلوسي " بالعقارات " ؟ ..
: طبيعي .. تنويع استثماري ... من أذكى واحد في العالم !
: طيّب ... وإذا دخلت فلوسي " بسوق الأوراق " ؟ ..
: ذكاء خارق ... وماشي مع الحكمة اللي تقول " لا تحط البيض
في سلة واحدة " ... فعلا أذكى واحد في العالم !
: ... طيّب .. وإذا دعمت نادي ريال مدريد؟؟!!
قال الببغاء : يا عمي هاااات الماي ! .....
قايلّك هذا أغبى واحد في العالم ماصدقتني !!
ههههههههههههههههههه
 |
|
العرض الشجري
