منتديات حصن عمان - عرض مشاركة واحدة - &&..السكن مع الزوج في بيت (اهله) للنقاش !!..&&

الموضوع: &&..السكن مع الزوج في بيت (اهله) للنقاش !!..&&

عرض مشاركة واحدة

05-07-2006

#11

مؤهلاتك بالحصن

عدد نقاط تميزك بالحصن : 19613

المستوى :

عدد زياراتك للحصن:

عدد المرفقات :

الحالة :

!.. رسائلي ..!

من مواضيعي

0 ادخل وشوف سرعة النت لديك
0 بضغطة زر مرة واحدة
0 قصيدة سارة الخنيزان في زوجها التركي
0 مقطع مؤثر جداً .. يوسف استس مع شاب مسيحي
0 تحريف للقرآن الكريم

الاوسمة

مجموع الاوسمة: 10

الحين بتكلم عامي شوي السموحه ..

بما اني غير متزوجه الى الان ومااعرف كيفبتكون حياتي في المستقبل
لكن ان كان زوجي مستطاع ماليا ولم تكن امه اوابوه فيحاجه له لمرض اصابهما او كبر في السن
ووجود شباب في منزل زوجي وحتى ان لم يكنفي بيتهم شباب
لازم بيزورونهم ناس ورياييل غرب بالنسبه لي
وانا بحكم انيفتاه متزوجه وقتها
ومتحجبه ..

غير اني لازم اتحرك في البيت واطلع وادخل
حتى وان كنت متحجبه
لكني أحب أخذ حريتي

وطبعا في نفس الوقت مااقدر اخذ راحتي الكافيه في غرفه صغيره

يمكن بصبر سنه
لكن بعد انجاب طفل او طفلين ؟؟
كم شخص بينام في غرفه وحده ؟؟
والاطفال بيكبرون ؟
اذا كنت موظفه وزوجي غير مستطيع اقدر اتحمل مصروف السكن لمعاونه زوجي ومالي وماله واحد والخروج في منزل مستقل

وياما حريم يساعدون ازواجهم في مصروف البيت والسكن وكل شي ..

اما لو كان اهل زوجي محتاجين له وايد
فاقدرمع الايام اقنع زوجي ببناء ملحق خاص في نفس الحوش
بحيث اكون اخذ راحتي الكافيه ومااتحمل وزر ابعاد الام عن ضناها وحاجتها له ..

والله يقدرنا على فعل الطاعات ان شاء الله

ولو كانوا مب محتاجين له
اكيد بفضل الخروج
لان البنت بطبيعتها تحب يكون لها شي خاص فيها
والبنت بطبيعتها تحب تلبس وتتعدل وتتكشخ وتلبس ملابس جميلة
وهاي من حقوق الزوج على الزوجه انها تلبس له ملابس جميلة ويشوف محاسنها

اما بالنسبه للمشاكل مع اهل الزوج
فاقول للبنات هالله هالله في امهات ازواجكن
لان المراه تقدر تخلي البيت كالجنه
وتقدر تخليه كجهنم
والبنت العاقله تبتعد عن احداث المشاكل
وان كانت ام زوجها تغار فهذا من حقها
لانها هي من سهرت عليه وكبرته وهي صاحبه الفضل في تزويجها لج واختارتج انتي من بين البنات كلهم وسلمتج ضناها

فمااعتقد مصيرها او جزاها بعدين اني اطول لساني عليها ..

بالعكس
الام تنازع بنتها وكل يوم بينهم خلافات عاديه فمابالكم بحرمه غريبه

مافي بيت ومافيه مشاكل
لكن البنت تقدر كيف تكسب قلوب اهل الزوج جميعا وخاصه امه ..

..
ام الزوج تغار لما فجاه تشوف ولدها حبيبها تزوج وراح منها فجاه
لكن اهني يطلع دور الزوجه
المفروض تذكر زوجها لو قصر في جلوسه مع امه

تحاول دايما تجلس معاها ويطلعونها معاهم ويهدونها هدايا والزوجه تحسسها انها صاحبه الفضل..
ولولاها جان ماعاشت بسعاده وهي ربت وسهرت ..

وصدقوني مافي مشاكل من غير حطب ونار .. من كل الاطراف

لكن الزوجه لو تحب رضى زوجها وتخاف على زعله وضيقه
المفروض في كل الاحوال تخفف عنادها وتبتعد عن احداث المشاكل ..

والسموحه على الاطاله

صمتي لا يعني جهلي بما يدور حولي
ولكن ما يدور حولي لا يستحق الكلام