رحلتي الى شناص
من يوم بدايت هالاسبوع وانا اخطط لرحلة الى شناص عشان نزور صديقتي المريضة قبل لاتسافر
للعلاج
وانا يوم احط شي فراسي اسوية لو ميت مشكلة تصير لازم ادور الحل
المهم رحت لمسؤلة المشرفات انا وطالبة ندبر لرحلة
طبعا المشرفة الفيلسوفة قالت انا بحاول اساعدكم فكل شي بس انتوو عليكم تجيبوو الباص
وتدفعولة وتسويو تصاريح لاهلكم عاد تخيلوو فشو الاخت بتساعدناا مادام كل هذا علينا
المهم طلعنا انا وزميلتي خايبين الرجى بس قلت انا ادبرها ادبرها
بديت بنقطة نقطة
الاولى وهي اني رحت للمعاون والمساعد والمنقذ عمي وقتلة ياعم فديتك انا دبرلنا باص قال ليش
طبعا انا حكيتلة ماساة كاملة مو مرض وسويتلة قصة لين خليتة مرة يرحمنا عيارة لاااااااااة
المهم قال عمي ادبرلكم ودفعولة
المهم ثاني خطوة وهي تجميع البنات لعدد 15 راكب خخخخخخخ
اتصال من هنا وهنا للبنات وتجمعنا 11 طالبة يالله حلوو والدفع خبرتهم عنة ووزعناة
المهم البارحة ضربتني صدمة من المشرفات ان ماتجدر تطلعنا اليوم ال لم نسوي تصريح
والتصريح لازم الوالد يكون حتى الاخ ممنوع
اوين لانة خايفين لاااة من يوم سالفة الحادث الكبير
المهم والاهم انصدمنا وضربنا بالامس احباط عجيب ولكن كحيلان جلست تفكر وتفكر
لين ماوصلت لخطة عجيبة
وصفرت للبنات يعني اجتماع تقريبا ل3ونص الفجر
نحن جالسين نخطط وجبت انا الفكرة الساعة 3ونص
والخطة كالاتي
الصباح كل وحدة تجيب اخوها ول عمها ول خالتها اللي مسوتلة تصرح ويجي ع اساس انة يبي
يطلعها وطبعا هو طلعها ويعني هم مايخصهم عاد
وان نحن البنات نروح الكلية من الساعة 8
ولم الاهالي يسويو تصريح يقولولهم ان نحن بالكلية
المهم نمنا قريب الفجر يعني ماكثير ومن الصبح نحن رحنا الكلية
واشكالنا تضحك لان النوم يضاربنا
ورحنا ع الخطة وانتظرنا اهالينا يردوو علينا ان التصاريح خلاص تم
وطبعا صح عمي اجر الباص المهم تمت خطتي بنجاح تام
ورحنا الساعة 10 ضبط الباص وانطلقنا الى شناص
طبعا بما اني من الوحيدة من الباطنة والبقية من مختلف مناطق السلطنة غثيتهن غث لين ارتفع
ضغطهن من كثر ما العي ع الباطنة وهذا وهذا
لين رفيجتي شوي وتصفعني خخخخخخخخخ
عاد لم مرينا ع الخابورة جاتني هستيريا خخخخخخخخخ
المهم عداا الوقت فهالرحلة الطويلة باللعيان بنات وسوالف
لين وصلنا صحار خبرنا راعي الباص
ينزلنا محل الورود
المهم نزلنا واشترينا باقة ورد روعة مرة حماسية
وبعد فترة وصلنا شناص وطبعا انا الدليل لبيتهم
المهم دخلنا واستانسنى كثير وفرحت كثير هي واحلى شي ان شفنا فرحتها
وطبعا مسوية لنا ذبايح وحلويات ووايد وايد حتى استحينا منها الدوبة
وخلص الوقت وماجلسنا كثير لان راعي الباص مستعجل
المهم خلصنا وطلعنا وطول الطريج نحن ماسكين اعصابنا وقلوبنا من سرعة وتهور راعي الباص
بطريقة ماحد يتخيلها كانة يطير او يلعب بلستيشن
المهم وصلنا السكن المغرب والحمد لله وطبعا كنا خلاص تعبانين
بس كانت رحلة جميلة وممتعة بصحبة الزميلات والاهم ان شفنا صديقتنا قبل لاتسافر
ربي يحفظج يا اغلى صديقة لي
22/11/2010