هيه فهمت وحلوه الفكره .. ما شاء الله عليج
تصدقين جربت اكتب يوميات بس ما قدرت .. اتكاسل المشكلة .. انا اكتب بس من لما يكون عندي مزاج للكتابة
بس حلو الي في بالج .. بس انا اشوف عندج قدرة انج تطورين من ادائج في الكتابة .. وليش لا يمكن تكونين في المستقبل كاتبة .. عشان كذا حاولي تتعلمين ادوات الكتابة .. وفن الكتابة الي تجذب القارئ .. ومع موهبتج بتكون عندج قدرة كتابية رائعه جدا .. ونصيحة مني حاولي دائما لما تقرأين مقالة او حتى خاطرة لكتاب كبار او قصائد حاولي تمسكين مفاتيح المقاله او الي تقرأينه .. واذا تحبين تقرأين بيفيدج كثير هذا الشيئ بعدين في الكتابة ..
من لما تمسكين المفاتيح بتحسين الي مكتوب في ايدج وممكن انج تكتبين مثله اذا فتحتي المجال لمخيلتج في الكتابة ..
سوري طولت عليج .. بس ما حبيت يكون مروري بلا فائدة ..
وبعدين يا الدبه لا تطولين وايد وغيري التوقيع .. شكلج ما تحبين التغيير .. من يوم اشتركت في المنتدى وانا اشوف نفس التوقيع اها غيري شوي .. نوعي .. جربي شيئ جديد
|