كذبة إبريل
الساعة تمضي واقترب موعد اللـــــيــل ولحظة غروب الشمس آه يا حلاهــا
لحظات حلوة ورائعة أحبـهـا حـــــيـــــل لحظات قلبي اليوم لا ما نســاهــا
فرحانه أنا و اشرب قهوة مع الـهــــيـــل والليلة حلوة كثير مـمتع هـواهــا
لكن في لحظة تبدل الـحـال تـبــــديــل سمعت أختي تصيح وأمي معاها
فجأة دموع العين صارت تـســــيـل سألت أمي دمعتك شو بــلاها
قالت يا بنتي مات شيخ الرجاجيـــل أبوك حادث سير حياته نـهـاهـا
توه أتصل فينا زوج أختك سـهــيـل وصارت عيوني غارقـة في بكـاها
قلت اتصل بسهيل ابغي التفاصيل ابغي علوم السالفة لي طراهـا
قال انتو صدقتوا..!!. ذي كذبـة ابريــل ما كنت أظن كثير يكبر مـداهـا
قلت له يا حسرتي ويا ويلتي ويـــــل القرية تبكي والحزن خيّم سماها
صحيح انك جبان ومزاحك ثـقـيــل تكذب على أمي تبغي عـنــاهـا
المشكلة تقليد هذه الأقــاويــــــل والجهل انه نـارها حارق لـظـاهــا
و أحنا نمارسها جيل وراء جـيـــــــل وعاقبة هـ الكذبة الكل نسـاها
اكبر فخر لناس إني من الناس .. واكبر فخر للأرض ممشاي فيها
 |
|