عديل الروح
ماراح طيفك من خيالي ولا غاب
..................اسج واسرح واذكر ايام ماضيك
والصوره الي شلتهاتحت الاهداب
........................افلها قدام عيني واراعيك
اخشى عليها دمع عيني الا ذاب
..................وحول على الاوجان لاحل طاريك
لوغبت تبقى بالحشا سيد الاحباب
..................ملكت قلب وروح وعيون مغليك
كان الغلا عندك مشاريه وعتاب
.....................انا رضيت بشرب مرك وحاليك
عجزت عن قلبٍ يحبك ولا تاب
...................وعجزت عن عينٍ تودك وترجيك
حتى الشعر بالراس من غيبتك شاب
..............وبقصى الحشا خفاق ماهوبناسيك
سكنت بعماقه وشرع لك الباب
....................مع دم شريانه ونبضه يمشيك
اول وحنا مع بعض دايم اقراب
................واليوم انا اسولف لطيفك واناجيك
والخافق الي من عنا الوقت منصاب
................باقي على عهدك وحبك وشاريك
لو عشت اناوياك في سلم الاغراب
..................تبقى عديل الروح والقلب راجيك
وبين الحنايا جمر الاشواق شباب
.................وقلبٍ على عهد الوفى ميتٍ فيك
ابيات جميله
اعجبتني
واتمنى تنال رضاكم
م / ن
|