منتديات حصن عمان - عرض مشاركة واحدة - قصة الحصــــــــ بيت ـــــــــــن!!

الموضوع: قصة الحصــــــــ بيت ـــــــــــن!!

عرض مشاركة واحدة

هلا عدت لكم ..........وفي جعبتي الكثير ههههههه

28-06-2008

#22

مؤهلاتك بالحصن

عدد نقاط تميزك بالحصن : 6039

المستوى :

عدد زياراتك للحصن:

عدد المرفقات :

الحالة :

!.. رسائلي ..!

من مواضيعي

0 عبارات روعة.......
0 قصص حقيقية حدثت في الامارات (خدامات)
0 البوم جديد ومميز (سادة الوحي ) ادخل وستمع
0 اغرب بيت في العالم؟
0 صور غريبة بإيران...............

هلا عدت لكم ..........وفي جعبتي الكثير ههههههه

هلا والله فيكم اعضاء الحصن اخباركم ان شاء الله تمام رجعت لكم بعد اختبارات دامت طويلا (الله يستر من النتيجه بس ادعولي

)

هذا جزء من القصة المضحكه من نوعها واتمنى تعجبكم بعد مدة عن الجزء الاول من القصة يالله اترككم مع القراءة خخخخخخخخخ

(في بيت الحصن ........

دخلت قلب الذكريات وهي معصبه

على اختها (عمانية وافتخر) بس لما شافت جمالها فتحت فمها

...قلب الذكريات : الله الله الله وش هالزين وش هالجمال وينه من زمان يعني في البيت شعرك كاشته علينا وعند الناس كل هالزين يطلع ..

حمر وجه عمانية وقالت لأختها : شكرا . .

قلب الذكريات : مو منك من الجلابية الي لابستها وهي تقول لنفسها احم احم فديتني طلعت اعرف اصمم جلابيات عمانية زينة ..

طبعا عمانية ماعجبها كلام قلب الذكريات ولوت خشمها : الحين بتمنين علي انك صممتي لي هالجلابية خلاص بطلت البسها خذيها حقك ..

طبعا قلب الذكريات كانت تمزح مع أختها بس تحب ترفع ضغطها وماتت ضحك على شكل اختها وهي زعلانه

عمانية وافتخر: والله ما أدري عنك تكدرين خاطر الواحد على بالي تمدحين شكلي وبعدين رحتي تمدحين تصميمك للجلابية ..

قلب الذكريات : فديت الزعلان ماعاش من يزعل عمانية والله بس امزح وانت الي محلية الجلابية (يحلى عليك الثوب ولو ساده هههههههه) السموحه ياشيخة الزينات ....

...

(وفي حديقة الحصن كان الوفاء طبعيي يلعب كرة قدم وهو فنان حيل فيها رياضته المفضله

واشوي وهو يتدرب ويسوي تمارين الا بجيت مصورنا الفنان قام الوفاء طبعي وقف: ياخي ماتخلينا على راحتنا انت وهذي الكاميرا تقول شابكة في يدك كل ماتشوف شيء تصوره مدمن تصوير أنت حتى وأنت نايم الظاهر تصور أحلامك (

ههههههه) طبعا وقاص مو فاضي للوفاء حاقره وجالس يكمل تصوير ويعدل الكاميرا متحمس الرجال والوفاء طبعي مرتفع ضغطه ولا كأنه يتكلم وهذا يصوره ومستمتع قال وهو معصب بدل ماتصور تعال العب معي انتهى وقاص من التصوير وحط الكاميرا على الكرسي !! وراح يلعب مع الوفاء طبعي ...

كان ذئب الحصن يتمشى في الحديقة وسمع اصوات اخوانه وهم يلعبون كوره راح يبغى يلعب معاهم اشوي وهو جاي لعندهم لفتت نظرة !! الكاميرا حقت

وقاص على الكرسي ذئب الحصن: غريبة وقاصوه يترك كامرته على الكرسي

؟! .... طالع فيهم الا هم مانتبهوا له راح اخذ الكاميرا واتخبى وراء الكرسي وجلس يصور ويضحك على خبالهم وهم يلعبون ....... خلص من التصوير واخذ الشريط وراح

جاء وقاص واخذ كمرته وراح هو والوفاء طبعي داخل البيت عشان ياخذون شور سريع بعد اللعب والجنان الي طلعوه ..

قال الوفاء طبعي (وهو مايحب احد يصوره ولا يحب التصوير أبد )

امسح الي صورته تعرف اني ماأحب التصوير لا أرفس ببطنك الحين .

وقاص : ياي ياماما الحقيني بيترفس ببطني .. اقول تحلم امسحه والله حلو المقطع خليه ذكرى .

الوفاء طبعي يعرف مستحيل وقاص يمسحه قال له :طيب خلاص على راحتك ...دخل وقاص الحمام (وأنتم بكرامه )راح الوفاء طبعي جري على الكاميرا يبغى ياخذ الشريط ويرميه في الزباله ( الله يكرمكم)

اشوي مالقى الشريط عصب

قال هين ياوقاصوه تخبيه عني والله لأردها لك ..

(في بيت الحصن في الليل .....)قمن البنات ودخلن المطبخ وجهزن عشاء خفيف وحطوه على الطاوله اجتمعوا الاخوان كلهم ماشاء الله كثيرين واليوم الكل موجود على العشاء ..

قام ذئب الحصن ووقف قدام التلفزيون وقال لاخوانه اليوم عندي لكم مفاجأه حلوه ان شاء الله تعجبكم قال القلم الحزين: اكيد كالعاده من مفاجأتك السخيفه .. ضحكوا أخوانه كلهم من كلام القلم طبعا كومندر ماعجبه الحال ناظر في القلم نظره سكتته ..

قال ذئب الحصن: ممشيها لك ياأخ القلم بس عشان أنا ابغى أوريكم المفاجأه مو عشان خاطرك ناظر فيه كومندر نظره سكت منها الذيب بعدين قال مستعدين للمفاجأة

كلهم : أيــــــــــــــــــــــــــــــــــــــــــــــــ ـــــــــــــــــــــه .

.

شغل ذيب الحصن الشريط ( الوفاء طبعي فتح

عيونه وقام وهو معصب وقال لوقاص تحرش ذيب الحصن عشان يشغل الشريط هــــــــــــــاه وقاص مسكين مو فاهم شيء اشوي قال ذيب الحصن : الوفاء لالا لسه بدري على القومه اجلس استرح باقي المفاجأة في البداية جلس الوفاء وهو واصل حده ويطالع في وقاص بحقد ووقاص مسكين حتى شكله مصدوم مثل أخوه الوفاء

واخوانهم يضحكون على حركات الوفاء طبعي وهو يلعب

اشوي يطلع مقطع وقاص والوفاء طبعي يلعبون انصدموا

(مين مصورهم ؟؟!!)طبعا ذيب الحصن جالس ولا كأنه مسوي شيء وأخوانهم ميتين من الضحك على خبالهم وهم يلعبون ..

وطبعا وقاص والوفاء طبعي مرتفع ضغطهم وناظرون في بعض بعدين ناظروا في ذيب الحصن وهم ناوين عليه نيه سوده .....

قاموا من على الاكل وغمزوا لبعض وراحوا على جهة ذيب الحصن ؟؟

شالوه وهو يصا رخ نزلوني هيه من صدقكم انتم هيه انا اكلمكم وين بتودوني ؟! دخلوه غرفته وحطوه على سريره وقاموا يضربونه ويرمون عليه مخدات ويكبون عليه الماي وهو مسكين يصارخ (تستاهل ياذئب الحصن احسن هههههههه)خلوني حرام عليكم وهم يضحكون

عليه ورحموه وخلوه وقالوا ماتعيدها وعد ذئب الحصن : وعد والله ماعيدها والله خلاص ندمت ..خرجوا من عنده وهم يضحكون عليه وخرجوا كل الي بقلبهم عليه ..

انتظروا الباقي مع الفارس البلوشيء وطموحه والفتاة الغامضه وشمعة امل والكثير الكثير لكم