(بياض ونعومة ) شيييي رهيييب تعالوا شوفوا لايفوووتكم
 

بنات اشحالكن انشالله بخير
انا بدش في الموضوع على طووووول
انا جربت خلطات اشكثرها من ليمون على جليسرين على زيوت على على على بس بصراحة
لأني أنا كسووووووووووولة على الآخر وإذا مالاقيت النتيجة على طول وما حست فيها نفس الوقت
أمل وأخليها وأقول مافي شي فاد وأهمل نفسي يعني بشرتي يحليليها ما تلحق تتعود على وصفة إلا جبتلها وصفة ثانية خربت الأولي والتالي
يعني باختصار بقولكم المشاكل الي كنت أعاني منها
مسامات مفتوحة
عدم توحد لون البشرة في بعض الاماكن
مافي نظارة في البشرة نهائيا يعني سحوب وبشرتي مطفي لونها
آثار حبوب في بعض الاماكن
سوادات في بعض الاماكن
خشونة في جسمي في بعض الاماكن
أكيد بتقولون في خاطركم شو هذي البشعة
بس
انا اتعالجت وخفت عني أشياء وايدة بالوصفات الي كنت استخدمها بس ما كنت راضية عنها وايد
وحتى شفت هالوصفه في احدى المنتديات وحبيت انقلها لكم

هالوصفه صراااااااااااااااااااااااااحة شيييييييي


وهي عباره عن 3 وصفات رووووووووووووعة يا بنات بمعنى الكلمة روعة وبالذات للكسالى الي مثلي
لأنج بتحصلين النتيجة أول ما تنشفين جسمج من الماي
ما بطول عليكم بقولكم الوصفات

أول الوصفات :


) نص كاس سكر + 2م ك خميرة + كاس زيت السمسم + م ك ملح + عصير ليمونة يفرك بها الجسم قبل الحمام بنص ساعة..



والثانية :



الطريقة المغربية لتفتيح الجسم: 5 م حنا + 8 م سكر + 5م قرنفل مطحون + ملعقة صغيرة كركم ناعم يخلط ويوضع بعلبة وعند الاستخدام يؤخذ منه ملعقتين ويضاف لها ملعقة صغيرة زيت اللوز او زيت السمسم ويترك على الجسم ربع ساعة ثم يزال بالماء الكثير جدااااا وبعده حمام مغربي. وشوفي النتايج على طول.



والثالثة :


شد الجسم:
1- خل تفاح مخفف بماء الورد..بللي قطنة يالمزيج وامسحي فيها الجسم يوميا ومن فوائده ايضا انه يورد الجسم ويزيل الحبوب من الظهر والوجه والصدرواضيف ان خل التفاح يزيل العروق الزرقاء من الجسم والدوالي(بس مع الاستمرار).



الحين بقولكم كيف استخدمت هالوصفات كله

اول شي دشيت الحمام ( وانتوا بكرامة ) وشغلت الماي الحار بس بدون ما أدش بالماي يعني بس بخار ترس الحمام
وبندت الماي بس ما بللت جسمي ويبت الوصفة الاولى و تميت افرك جسمي فيها 10 دقايق حتى وجهي بس عالخفيف وأماكن السواد وجسمي كامل كامل يا سلالالالالالالالام على ريحة زيت السمسم
وبعدين يبت الوصفة الثانية وحطيتها فوقها وفركت جسمي فيها بعد فوق بعض الوصفتين لا تخافون من لون الكركم ماراح يتم على جسمج أبدا ولا تخافون من الملح ولا السكر لأنه زيت السمسم بيكون فظييييييييع عالجسم وبترتاحونله وايد ،، واتمون عليها ربع ساعه
وبعدين فتحت الماي الفاتر وغسلت جسمي ونظفت المكان حولي ، وعلى فكرة انا غسلت جسمي بصابوة الكركم لأني صراحة واااايد أحبها وفعلا تفتح وااايد وغسلت شعري وآخر الحمام أضفت على جسمي الوصفة الثالثة الخل + ماي الورد وخليته 5 دقايق على جسمي بعدين بس شطفته بالماي

أأكيد بتقولين طولتيها وهي قصيرة بس فعلا الخلطة تستاهل انها تكون طويلة
لأني بعد ما طلعت من الحمام وشفت ويهي في المنظرة ماشالله ماشالله ويهي مورد والله العظيم وجسمي وويهي ناعمين بشكل حتى جسمي وويهي صارت فيهم لمعه ومشدودين والأماكن السمرا حسيت فيها فتحت شوي وناعمة
ومع كذا استخدام يا بنااااااااات اتغيرت بشرتي واييييييد والكل لاحظ علي لأني حتى عند خدي صارت فيه لمعة وصافي وجسمي صافي الحمدلله وكثير من الآثار الي فيه اختفت

منقوووووووووووووووووول:innocent:

تحياتى
صعبة المنال

ما شاء الله عليك يا صعبه المنال

اشكرك على ها الوصفه الحلوه

الله يحفظك

زهر البنفسج

صعبة المنال مشكورة على الوصفات

هههه

تسلميييييين حبيبتي صعبة المنال

يعطيج العافيه صعبة المنال
تحياتي
دموع السماء

الشكر لكم حبايبي عالمرور الطيب

دمتم بود

صعبة المنال

مشكووره اختى صعبة المنال على الوصفه والله انها روعه

تحياتى

فراشه

تسلم الفارس عالمرور الطيب

تحياتى
صعبة المنال