أطيب الناس
بقلم: الرحيل الساحر

يامن خلق هالحسن بأصول وقياس
يترادف موجه على بحر الحسن جدايف
قلبي ترا يحبك يأطيب الناس
وان قلتها أعلنها بصراحة ماني بخايف
أنت القلب والتفكير والساس
ياخسارة عمري إذا خسرتك ياحسايف
قلبي على طاريك ينبض احساس
وغيرك في هالكون ماني بشايف
حبي لك ياخلي بلا مقياس
وان حبيت غيرك ترا ماهو إلا بحب زايف
إذا مشيت يالقمر مشيتك ترفع الرأس
وطيب الأصل يخلق أشراف وعفايف
يامن نظرة عيونه تخلي الحديد ينحاس
ويعذبني اذا نعس لي رمش الهفايف
ارتوي من حبي لك وأملأ الكأس
ياليتني الكأس ألثم حدود الشفايف