غروري يعربي 13-08-2011 07:10 AM اجمل قصيدة   خلاص انا نـاوي علـى تغييـر تفكيـري السقيـم *^* عزمت اغيـر منهجـي مـادام عنـدي الاختيـار بفصـل الثـوب الجديـد وبرمـي الثـوب القديـم *^*واغير اصحابـي اذا مـا طاوعونـي فالخيـار قـرار جـدآ منطقـي وجـاي فالوقـت السلـيـم *^* عصر انفتـاح وفرصـه الواحـد يغيـر فالمسـار اللي يفكـر فالغنـم والبـل تـرى عايـش جحيـم *^* ان قال اساميهـا تحـس انـه طلـع معهـا غبـار حتى قصايد ( ياوجودي )(هـب ذعـذاع النسيـم ) *^* و(الجمس الأحمر) ماتوفي بالغرض و (الفكس آر) ماعـاد تنفـع وقتنـا الحالـي وذا منطـق حكيـم *^* اللحين صارت شمس ( روبي ) واضحه مثل النهار اقوى مغني فالعرب : ( شعبان ابـن عبدالرحيـم ) *^* و( البرتقالـه ) تعتبـر فيديـو كليـب الانبـهـار صار اهتمامات البشر ( دي جي ) وتشغل ( حكيم ) *^* عمار يامصـر القديمـه مـع جديدتهـا .. عمـار اتفه مغني عندنا .. هـو صاحـب الفكـر القويـم *^* تصريحه الناري مثـل .. يلقـى معـزه واعتبـار شبابنـا شبابنـا راحـوا ورى لـيـل(ن) عتـيـم *^* باعوا اصالتهـم برخـص وغيـروا نهـج الكبـار الوقـت ضايـع والبطالـه فعلهـا فيـنـا مقـيـم *^* اكبر مشاغلنا ( مسج ) ونرشح ( السوبر ستـار ) هـذي حضـاره مـا تجملنـا وذا واقــع ألـيـم *^*وين المبادي والقيم ؟ !! وين المعزه والوقـار ؟ !! في هالزمن ما عاد تعرف من كريم ومـن لئيـم ؟ *^* في هالزمن كـل شـي توجـه باتجـاه الانحـدار عادي اذا شفت المطر في هالزمن مـن دون غيـم *^*عـادي تقبلهـا تـرى النـار تبـدا مـن شــرار الله يثبتنـا علـى نـهـج الـصـراط المستقـيـم *^* والله يحسـن خاتمتنـا فـي زمـن صايـر دمـار

الساعة الآن 11:51 AM.

Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها

a.d - i.s.s.w