 |
منتديات حصن عمان
(http://www.hesnoman.com/vb/index.php)
- برج عالم حواء والأسرة
(http://www.hesnoman.com/vb/forumdisplay.php?f=37)
- - بناااااااااااااااااااات ادخلووو لكل يدخل
(http://www.hesnoman.com/vb/showthread.php?t=27712)
بناااااااااااااااااااات ادخلووو لكل يدخل
لحمام المغربي
*********** من أحسن الوسائل لتقشير وتنعيم البشرة وتخليصها من الأوساخ والأتربة والدهون العالقة نصايح قبل الحمام ************ 1. ممنوع تقومي بالحمام وإنتِ جعانة أو صايمة، وده لأن الجسم بيفقد سوائل كتير بسبب البخار والحرارة العالية وبالتالي؛ علشان لا قدر الله ممكن تصابي بالهبوط لازم تاكلي قبل الحمام ولو حتى حاجة بسيطة. 2. ماتنسيش نفسك في الحمام والتزمي بالمدة المحددة لكل خطوة؛ لأن وجودك في البخار فترة طويلة ممكن يؤدي لا قدر الله للاختناق.. علشان كده بلاش تنسي نفسك ولو حسيتِ في أي لحظة إنك دايخة أو مخنوقة افتحي أي منفذ هوا بسرعة وبلاش تجني على نفسك لأن حياتك أهم من الحمام المغربي. الطريقة ****** فيه طريقتين للحمام المغربي والاتنين ليهم نتايج مُرضية: الطريقة رقم (1) المطلوب: 1. ماء ساخن جداً. 2. صابون للجسم (اللي عملناه قبل كده). 3. ليفة مغربي خشنة ودي برضه هتلاقيها عند العطار. 4. إسفنجة ناعمة، ممكن تلاقيها في الصيدلية أو السوبر ماركت وبرضه عند العطار. الخطوات: 1. اقفلي أي منفذ للهواء في الحمام يعني تقفلي الباب والشباك وحتى الشفاط. 2. افتحي المية السخنة في البانيو على الآخر لغاية ما يبقى فيه بخار جامد في الحمام وبعدين سدي البانيو واملي نصه من المية السخنة. 3. جيبي طبق وامليه مية سخنة جداً وحطي فيه اللوفة الخشنة. 4. المطلوب في هذه المرحلة إنك تعرضي جسمك لأكبر قدر ممكن من البخار وده مش هيحتاج وقت أكتر من 5 دقائق بس. 5. بعد ما جسمك ياخد الكمية المحترمة من البخار تبدئي تحطي الصابون المغربي على جسمك ووجهك بس طبعاً تبعديه عن عينيكِ خالص.. المهم ازاي تحطي الصابون..؟ تجيبي الصابون وتبدئي تفركيه على جسمك.. تفركيه بس من غير دعك، يعني بالراحة.. بلاش تاخدك الحماسة قوي أحسن تحصل لك التهابات. 6. سيبي الصابون على جسمك حوالي 10 دقائق. 7. اشطفي جسمك بالمية السخنة وبعدين حطي كمية تانية من الصابون بنفس الطريقة السابقة وسيبيه برضه لمدة 10 دقائق. 8. ممكن تستفيدي بالفترة دي في إنك تنضفي الكعبين بالحجر الحفاف (موجود عند العطار). 9. بعد ما تعدي الـ10 دقائق اشطفي جسمك من الصابون برضه بمية سخنة. 10. امسكي اللوفة الخشنة وابدئي في دعك جسمك (من غير الوجه) بشكل دائري وهتكتشفي المفاجأة وهي إن الخلايا الميتة في الجسم بتتشال بمنتهى السهولة. 11. بالنسبة لتنضيف الوجه بتستخدمي الإسفنجة الناعمة وده عن طريق مسح البشرة بحركة دائرية من غير الدعك أو الضغط عليها لأن الضغط على البشرة بيؤدي لظهور التجاعيد بدري. 12. دلوقتي بقى اشطفي جسمك كويس بالمية، واغسلي شعرك طبعاً، بس أهم حاجة ممنوع منعاً باتاً استخدام أي نوع من العطور أو مستحضرات التجميل اللي فيها عناصر كيمياوية، ولكن يفضل إنك تستخدمي الزيوت والمستحضرات الطبيعية وأحسن حاجة واللي أنصحك بيها هي زيت اللوز وده لأنه بيفتح البشرة ويلمعها، وممكن كمان إنك تضيفي ماء الورد للمية اللي بتشطفي جسمك بيها. الطريقة رقم (2) في الطريقة دي بتقومي بنفس خطوات الطريقة الأولى باستخدام نفس الطلبات وكل حاجة، بس الفرق الوحيد هو إنك لما تيجي تشطفي جسمك آخر مرة خالص تشطفيه بمية باردة ، يعني بتستخدمي مية سخنة جداً طول الحمام، وفي الآخر تستخدمي مية باردة والحكمة من كده هو إن المية السخنة والبخار بيساعدوا على فتح مسام البشرة والمية الباردة بتساعد على غلق المسام دي.. بس أنا مش بافضّل الطريقة دي، وده لأن الجسم الطبيعي بيكون تعب من البخار والمية السخنة، وبالتالي هيكون صعب على أي واحد إنه يستحمل المية الباردة دي.. (اللهم اغفر لى خطيئتى و جهلى و اسرافى فى أمرى وما أنت أعلم به منى،اللهم أغفر لى جدى و هزلى و خطئى و عمدى وكل ذلك عندى،اللهم أغفر لى ما قدمت وما أخرت وما أسررت وما أعلنت ، أنت المقدم و أنت المؤخر وأنت على كل شئ قدير) |
الحمام المغربي معروف لتنظيف البشرة من الدهون والاوساخ.
شكراً دن دن ع الخطوات..:cupidarrow: |
مشكورة دن دن :)
عاد انا مشكلتي أدخل الحمام دايما وانا جيعاااااانة |
اقتباس:
العفو ... وشكرا لمروركٍـ |
اقتباس:
شكرا لمروركِِــ :v: |
بالفعل مهم جدا الحمام المغربي ..
شكريا دن دن ع المعلومه الفنتريشنيه ..^^ |
اقتباس:
شكرا لمروركـ :v: يا عسولهـ :S_005: |
يعطيكِ العافيه خيتوه
وتسلمي |
تسلمي خيتو ..
|
| الساعة الآن 03:23 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها