 |
منتديات حصن عمان
(http://www.hesnoman.com/vb/index.php)
- برج الخواطر والقصائد المنقولة
(http://www.hesnoman.com/vb/forumdisplay.php?f=103)
- - بنت تطالع واحد بعين قويه !!!
(http://www.hesnoman.com/vb/showthread.php?t=27144)
بنت تطالع واحد بعين قويه !!!
بنت تطالع واحد بعين قويه المهم الرجال طلع شاعر وما قصر فيها كم بيت اترككم مع القصيده http://www.knowledgeoman.com/arabic/...lies/smile.gif يقول: كل شبر بهالوسيعـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون وإطمأني إن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا منتي تسمعيـن؟؟ قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون يالكفيفة يالعفيفـة إن قلـت آسـف تقبليـن؟؟ يغفر الله ذنوب عبده ليا خطا وهـل تغفـرون؟؟؟؟ وسلامتكم :icon1366: |
سبحان الله ف النهاية طلعت البنت كفيفة..
قصيدة جميلة.. تسلمي نور .. |
يا ربي<< ان بعض الظن إثم
يسلموا ع الطرح |
اقتباس:
الله يسلمك مرورك الاجمل !!! |
اقتباس:
الله يسلمك :) |
"وإطمأني إن كان قصدك بس فينـي تشبهيـن " "ما هـو أنـا إلي تعرفيـه والبشـر يتشابهـون " ياسلام ..قصيدة بصراحة رائعة بدون مجاملة .... يسلمووو أختي وننتظر المزيد ..... تحياتي . |
اقتباس:
الله يسلمك لأنها رائعه انا نقلتها خخ |
عاد هو الله يهديه ما قصر حشرها ..! وطلعت كفيفة يا حليلها ..! كلمات قوية شكرا نور ع النقل |
اقتباس:
يحليله اش دراه هو :sadwalk: العفوووو ^^ |
كلمات جميلة
يسلمو أختي |
يسلمو خيتو على الموضوع ..
بالفعل رائع وزياده .. دمتِ بود .. |
اقتباس:
الله يسلمك ;) |
اقتباس:
الله يسلمك :shiny: |
لا حولى ولا قوة إلا بالله العلي العظيم
إن بعض الظن إثم |
اقتباس:
يسلمووو ع الطله ^^ |
| الساعة الآن 07:12 AM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها