البـــرق 07-07-2009 11:08 AM الخطوط السعودية تلغي جميع رحلاتها القادمه من الدمام الى صلاله والعكس   السلام عليكم ورحمة الله ..... صلاله كم وكم سمعت بها وحلمت أن أزروها ... متى يأتي الصيف متى متى :clap:..... أتى الصيف وكانت الوجهه المقرره صلاله بلا منازع .... أخذت اجازه وأخذت معها وثيقه لأنني عسكري تسمح لي بالمغادرة .... استخرجت جوازات لطفلتي يــــارا .... حجزت على الخطوط السعوديه حيث يكون الذهاب بتاريخ 5 يوليو .... حجزت في فندق الهيلتون مدة الاقامه ..... لكن ...:sad_1: لكن.... حسبي الله ونعم الوكيل عليكم يا خطوط سعوديه .... اتصلوا علي وقالوا ان الرحله المتجهه من الدمام الى صلاله ألغيت ..:yikes:. كيف وشلون ليش ووو.... المهم ألغيت قلت وغير هالكلام قال فيه رحله يوم الاربعاء دمام صلاله قلت اعتمد قال فيه الرياض صلاله قلت خلنا في دمام صلاله .... وادق على الفندق ويخصمون مني حساب ليله لانه تبع شركه سياحيه + وأخذوا مني 35 دولار عن كل ليله ضلما وعدوانا قلت مو مشكله الان صار حجزي بتاريخ 8 يوليو يوم الاربعاء اللي هو غداااا .....يا سلام جايك يا صلاله جايك .. لكن ...:sad_1: لكن ...:sad_1: اتصلوا القطوط :evil_2:<< مو خطاء املائي بل مقصود نعم القطوط السعوديه ويقولون كل رحلات الدمام صلاله الغيت ..:yikes: .. قلت حسبي الله عليكم ثم حسبي الله عليكم لا بارك الله فيكم ولكن مارح يردوني عن صلاله الان بطلع اشوف لي حجز منا والا منا حتى لو عن طريق البحرين ورح ارجع اخبركم وش يصير معي .... دعواتكم .... اخوكم ابو يارا على فكره هل فيه احد صار له نفس الموقف والا معي على نفس الرحله ؟؟

COMANDER 07-07-2009 12:08 PM هلا بك اخوي البـــــــرق كل تأخيره وفيها خيرة عسى المانع خير ان شالله طيب فيه رحلات للطيران السعودي معلنة ومباشرة بين الرياض وصلالة خلال موسم الخريف وسبق وان وصلت اولى رحلات الطيران السعودي القادمة من الرياض لصلالة في الأول من يوليو وعددها 5 رحلات في الأسبوع بين الرياض وصلالة .. معرف اذا كان قصدك على الرحلات هذي الى الغيت او رحلات اخرى ؟؟؟؟ ومن ناحية زيارة صلالة خلال فترة خريف 2009 يستحسن زيارتها على منتصف شهر سبعة او على اواخر الشهر لانه الخريف السنه هذي الظاهر عليه بيتأخر والاجواء بعدها متقلبه وطبعأ على منتصف شهر سبعة تكون الاجواء كلها مخضرة بالكامل مع تساقط الامطار والرذاذ.. وحاليأ الاجواء جميلة لا باس بها من ناحية تدفقات السحب المنخفضة ورياح الباردة .. وان شالله خلال الايام القادمة نتوقع هطول امطار ما بين الخفيفة والمتوسطة على المدينة نتيجة المتغيرات والتطورات الموجوده في بحر العرب وعسى خير وان شالله نشوفك في صــــــلالة وتستمتع باجواء خريفها الطيب والله يحفظك يارب تحياتي لك

البـــرق 07-07-2009 03:08 PM الخطوط السعوديه ... إنتي طــــالق ..... طــــــــالق ......... طــــــــــــــــــــالق .... سلموني على عمان إير بس وسلموني على طيران الخليج ياخي تكفيك بس المعامله والله ناس يعجبونك جايك يا صلاله جاااايك ..... أبشركم تيسرت الامورولله الحمد والمنه لقيت حجز على العمانيه بس مشكلته لازم يمر مسقط ولقيت في طيران الخليج من البحرين دايركت لصلاله .... عزيزي كومندر اللي تكنسل الرحلات اللي جايه من الدمام بالنسبه لرحلات الرياض لازالت كما هي وأشكرك على جهدك وتفاعلك معي ...

الساعة الآن 10:26 PM.

Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها

a.d - i.s.s.w