 |
منتديات حصن عمان
(http://www.hesnoman.com/vb/index.php)
- برج المواضيع العامة
(http://www.hesnoman.com/vb/forumdisplay.php?f=145)
- - تعالوا نسوي مقابلة مع أطفالنا ..شآركونـا الحمآس ..^^
(http://www.hesnoman.com/vb/showthread.php?t=21120)
تعالوا نسوي مقابلة مع أطفالنا ..شآركونـا الحمآس ..^^
السلام عليكم .
شفت هالفكرة فـ مكان و عجبتني وااايد .. فالموضوع بندخل في عالم بالبراءة .. عالم الجمال .. العالم اللي كلنا نحبه .. "عالم الطفولة " بنختــار عضو / هـ .. وبنخليه يسوي مقابله مع طفل ( أخوه.. ولد / بنت أخته.. ولد / بنت خالته .. ولد جيرانهم .. ولدعمته.. ولد ولد الجيران......الخ المهم أنه طفل ) ولا يزيد عمره عن 10 سنوات .. وتسأله هالأسئلهـ وتجيب أجوبتهـ.. منها نعرف وش تفكيره.. ( اموت في تفكير الاطفال ، مليء بالصدق و البراءة بجد ^-^ ،و امووت ف الأطفال بكبرهم هع ) ومنها نضحك ع براءة الردود ..:hat: الأسئلة : 1/ وش تسوي /ن إذا صرت /ي فاضي / هـ ؟ 2 / لو فزت/ي بـ 1000ريال وش تسوي/ن فيها ؟ 3 / وين ودك تسافر/ين في الاجازه؟ 4 / لو صرت/ي مدير/ة مدرسة وش بتسوي/ن ؟ 5 / تحبني يا........ ؟ طيب ليش؟؟ 6 / وش تعرف/ين عن : الزواج: الحب: الأنسولين : الإنترنت : مجلس الشورى : الإتيكيت : التعليم العالي : الماركة : الجوال : الستلايت : قرنبيط : برج ايفل : أنـا ببدأ و بختـار .. أول عضوة معنـا هـي : قلب الذكريــــات .. يلا دبوووه بانتظارك ^^ و من تخلص قلب تختار عضو بعدها و تبلغه :whistling: .. بانتظآر قلبوو و الجميع .. ان شا الله يعجبكم الموضوع ، لحظة : حررت الموضوع عشان الكل يشوف التغيير :) بنسير على شور ملاك و بفتح المجال للجميع أنهم يشاركوا بدون لا نحدد عضو .. يعني الكل لكم كراسي محجوزة هنا .. يعني مو بس قلب ، بل الجميع :innocent: و أتمنى أشوف مشاركات من الجمييييييع :bye1: تحيتي لكم .. :v: مروووحة :v: |
ياهلا ومرحبا ......
المرح الغامض ,,, موضوعك رائع وشيق ... ونتظر قلب الذكريات ومع من تسوي المقابلة ... تحياتي للجميع أختكم // ســــــــــافي |
احجز مقعدي ،
لحين عودة الغالية قلب الذكريات :) |
1/ وش تسوي /ن إذا صرت /ي فاضي / هـ ؟
(أخم)معناتها أنظف ههههههههههه ضحكتني هوايتها ربة بيت 2 / لو فزت/ي بـ 1000ريال وش تسوي/ن فيها ؟ بشريبهن أسكريم وحلاوة وكل شي (طموحها وايد كبير)3 / وين ودك تسافر/ين في الاجازه؟ إستراليا(مامن فلاحتها بس لانها مسافرة من اول) 4 / لو صرت/ي مدير/ة مدرسة وش بتسوي/ن ؟ بتعلمهم (صدج اجابات فنتكة هههههههههههه) 5 / تحبني يا........ ؟ طيب ليش؟؟ أحبش وأحب وأحب ذكرت أسماء البيت كلها ليش تحبني قالت بس 6 / وش تعرف/ين عن : الزواج:(ضحكت وقالت انا ماريد هالمكتوب)ماعجبها هع هع الحب:ماجدر أسألها هالسؤال صغيرة الأنسولين : قالت أنا اعرف كل شي عن السنورة هههههههههههههه الإنترنت :أرسم وأكتب صدج انها ثور مجلس الشورى : ما الحين عوين بعدين تراها يوم ماتعرف جواب تقول بعدين الإتيكيت :أتعدل وأصير حلوة (فالحة موتها التعديل)التعليم العالي : يدرسووووووو الماركة :ماتعرفالجوال : مال أمها عوين الستلايت :ماعرف قرنبيط :ماعرف برج ايفل :الدوارررر ههههههههههههههههههههه عاد ما اجابات سمحولنا عمرها 5 سنوات هذي بنت عمي ماعندي خوات انا اصغر بنت للاسف فماحصلت غيرها جاية بيتنا زيارة |
سماااااااااااااااالات كحل تو من قالج روحي سالي فشلتينا هههههههههههههههه
|
ننتظر قلبوووو ^^
حلوة الفكرة مروووحه ^^ |
مرح , فكرة رائعة , أحببتها خاصة أنها تذكرني ببعض الذكريات ^^ ..! : أتمنى أن لا يكون الموضوع مُخصصاً على عضو نختاره بأنفسنا , لأنه ربما يتأخر في الرد , فـ اقترح أن يكون الموضوع عامـ , لـِ يتفاعل الجميع بدلاً من انتظار الشخص في الرد..! من يرغب بالمشاركة ( وعنده في البيت هبشة أطفال) يسألهـم :) ..! ود..! |
اقتباس:
و عاد أحلى شي رد الانترنت هههههههه و الله تووحفة ..:s_001: و حلو من تقول بعدين من ما تعرف هههههههه حلووة طريقة تهربها :S_020: استمتعت بردودها ، ثكرن لأنك أول المشاركين دبدوبة ^_^ نورتـــي ^^ |
جميعكم :
خلاص بنآخذ على شور ملاك .. حجزت كراسي لكم جمييييييييييييعاً بلا استثنــاء ..يعني انطلقوا لعملِ المقابلات جميعكم .. بلا أعضاء نختارهم .. لكــــن ، رجاءاً أبي أشوف ردود و تفاعل ، و إلا ترا بسحبكم من شعركم ، و بجيبكم غضب ، بكرهكم فحياتكم لو ما شاركتوا > حشى ! :4: بانتظاركم جميعأً .. و أنتِ كذلك قلب .. و أشكركم جميعاً على مروركم العطـر .. ^^ و ملاك يا ليت ترجعي ما تشردي مثل كل مرة :hat: |
ههههههههههههههههه
عاااااااد ما إجابات خخخخخخخخ أنا سألت لكم بنت أختي عمرها 4 سنوات .. ما فهمت نص الاسئلة .. اجاباتها كلها تخريف×تخريف هع هع .. و هذه اجاباتهــــــــــــــــــــــــــــــا : 1/ وش تسوين إذا صرتي فاضيهـ ؟ ألون << موهوبة من هي صغيرة ^^ 2 / لو فزتي بـ 1000ريال وش تسوين فيها ؟ بشتري حلويااااااااااات >> تخيلوا بشتتري حلويات بـ 1000 ريال .. مع اني أشك أنها عرفت شو يعني 1000 ريال خخخ 3 / وين ودك تسافرين في الاجازه؟ ألمانيــا << مع انها راحت ألمانيا قبل سنة لووول 4 / لو صرتي مديرة مدرسة وش بتسوين ؟ بكتب ف السبورة << حظها المديرة اذا كانت هذه وظيفتها لوووووووول5 / تحبني يا........ ؟ طيب ليش؟؟ أيوه .. لأنك تحبيني >> عاد وحدها حللت اني أحبها ^^ 6 / وش تعرفين عن : الزواج: سفر الحب: حد يلعب معي الأنسولين : ملابس الإنترنت : صور >> تشوف اخوانها يشوفوا صور ف الكمبيوتر مجلس الشورى : يسويوا أكــل >> شدخل هههههههه الإتيكيت : سنورة >> عاد هنا بدت تألف أشياء .. تقول أي شي يخطر ف بالها هههه .. لكن بجد ما أعرف ش السالفة مع السنانير .. بنت عم كحل العين قالت أنسولين يعني سنورة و بنت أختي قالت اتيكيت يعني سنورة !! .. ع بالي الأطفال لهم لغة خاصة بهم يتفاهموا بها.. بس طلع كل واحد له لغته خخخخخ التعليم العالي : مدرسة << بعدها زين ربطت بين المدرسة و التعليم ^^ الماركة : دكان الجوال : مطبخ << ما أعرف شو وجه الشبه بينهم .. حتى حروف الكلمتين ما تتشابه هههههه .. لكن بجد شكلها جوعانه خخ الستلايت : سيتي سنتر قرنبيط : فراشة >> ما قلت لكم بدت تخرف ! برج ايفل : شعر >> شافت على شعري و قالت شعـر .. يمكن شعري يشبه برج ايفل والا شي !!! تخيلوووووووووا خخخ و هذه الأجوبة .. رغم انها ما فهمت نص الاسئلة .. بس يا الله أهم شي جاوبت ^^ و بعد سألت ولد أخوي عمره 10 سنوات .. بس ما بنزل أجوبته اليوووووم .. عشان تتشوقوا هع .. يا الله ننتظــــــــــــــــــــــــــــــــــــــر أجوبة أطفااااااااااالكــــــــــــــــــم :) |
هههههه
الأجوبة روعة و برييييييييييييييييييييييييييئة يا ىكحل ويا قلب الذكريات نريد المزيد...........انتظروني قريبا........ |
اقتباس:
ههههههههههههههههه قلب الذكريات حلوة اجابات بنت اختك فديتها العسل واية والله ماعرف شو بينهن وبين السنانير |
حلو الموضوع عجبني كثير بس للاسف اولادي بعمان بعيد عني ومااعتقد راح يفهوني بس اعتقد بنتي راح تعرف تجاوب بعضهم ماشاء الله عليها عبقرية عن الحسد هاه بسم الله عليها طالعه على امها خخخخخ بتصل اليوم واذا جاوبتني راح احط اجاباتها |
انتي وين الزدجالية ومعك بنت ماشاء الله اكيد
ووننتظر ردودها |
ترقبونا ههههههههههه
|
قلب ههههههههههههههه و الله انها توووحفة بنت أختك .. فديتها أنا الحلوة ^^
زدجالية ياااه شوقتينا .. أكيد بنتك طالعة على عموتها مرح هع .. دلوعة ، ليدي .. جميعكم .. نحنُ بانتظاركم ^^ و ان شا الله أنا بعد بنزل .. خلوني أدور طفل سنع يبدع فالاجابات خخخ |
فكره حلوه
سعدت بقراءة الاجوبة مـــــــــــــــــــره حلوه اجاباتهم |
:nosweat:
:: :: مراحبـ ,, :nosweat: حبيت أشاركم بـِ ردود ولد أخوي عمره سنتين و 7 أشهر .. :S_005: شوفوا ردوده , كلها عقلانية نفس عموته :S_017: 1/ وش تسوي /ن إذا صرت /ي فاضي / هـ ؟ - أدور الحلويات في غرفة عموة خخخخخخخخ( وأنا أقول وين حلوياتي يختفن:whistling:) 2 / لو فزت/ي بـ 1000ريال وش تسوي/ن فيها ؟ بخليهن في مخباي :nosweat:..! 3 / وين ودك تسافر/ين في الاجازه؟ بسافر كااااااافور ( ونعم السفرة !) 4 / لو صرت/ي مدير/ة مدرسة وش بتسوي/ن ؟ بضرب المعلمة...- غششته بنت أخوي تدرس في الروضة خخخ :mail: 5 / تحبني يا........ ؟ طيب ليش؟؟ لا .. لأنك تحبيني ههههههههها ( مو يعني ما أعرف) ..! 6 / وش تعرف/ين عن : الزواج: أمي وأبوي:shock_1: الحب: يعور :sly: الأنسولين : يح يح يح !:icon1366: الإنترنت : عموه ملاك :pirate2: مجلس الشورى : قهوة :shock_1: الإتيكيت : سيارة بابا .. التعليم العالي : أنا :thumbdown: الماركة : كاتشب :nosweat:( صدقه من كثر تخليط الموضات ):S_005:الجوال : ألووووه ..! الستلايت : شعري :inlove: قرنبيط : حك رأسه وضربني وقال ( بثي :nosweat:) .. برج ايفل : :bomb: مسك النعال وعقها فوقي وجلس يهربت :nosweat: |
خخخخخخخخخخخخخخخخخ حلوه
فديتهم الصغار عليهم أجوبه تهبل |
نبض المشاعر
ايمي موون .. شكراً ع الطلة .. و ننتظر مشاركاتكن =) |
اقتباس:
ههههههههههههههههههههههههههههههههه و اللهـ أجوبته حمآس .. فـ ثاني سؤال عكس عمتـهـ تماماً :S_013: ما أحيدها تبقي بيسة :S_013: وحليله بيسافر كارفور .. أحلامه متواضعة ههههههههههههههههاا أجوبة فنآنة ..:bigsmile: شكراً لك و لـ ولد أخوك ع المشاركة :cupidarrow: .. و حطي بعد أجوبة بنت أخوك اللي غششته :S_010: |
أنا سويت مقابلة مع كم طفل ..
بس بحط تو أول مقابلة .. سويت مقابلة مع ولد أخوي عمره 7 سنوات .. ^^ أقوله تعال بسألك أسئلة .. يقول لي ليييش لا تخلي حد يشوف وش جاوبت ، أخاف أجاوب خطأ ..ههههههههه قلت له بنزله ف النت .. قال ويييييييييش وشرد ! بصعوبة رديته خخخ // 1/ وش تسوي /ن إذا صرت /ي فاضي / هـ ؟ ألعب بلاي ستيشن 2 / لو فزت/ي بـ 1000ريال وش تسوي/ن فيها ؟ بشتريبهن بلاي ستايشن 3 و بشتري تلفزيون وPSB و Game boy و DS > ما بقت لعبة الكترونية ما ذكرها خخخخ 3 / وين ودك تسافر/ين في الاجازه؟ أمريكـا 4 / لو صرت/ي مدير/ة مدرسة وش بتسوي/ن ؟ بضرب وبعاقب كل الطلاب اللي يسويوا مشاغبة ، وآيد أحب أشوف المدير يعاقب الطلاب > شرير هههههههههها ، سبحان الله كل الأطفال ودهم يضربوا اذا صاروا مدراء .. مترسخ ف عقلهم أنه المدير يعني ضرب و عقاب ! " ما ألومهم :S_002: " 5 / تحبني يا........ ؟ طيب ليش؟؟ أيوا أحبك وايد وايد ، عشان أنتِ عمتي ، و بعد لأنك تشغلي لي الكمبيوتر و تخليني ألعب فيه >لا لا مصااالح هع هع 6 / وش تعرف/ين عن : الزواج: ( يضحك ) عموووووووووه ، سر ما أقدر أقولك > ههههههههههههههههههااا الحب: قلب الأنسولين : أيس كريم > وش وجه الشبه بينهم!!!؟ الإنترنت :ندخل جوجل > خطير بعد يعرف جوجل هع مجلس الشورى : مجلس فيه مشاهير > لا تعليق هع الإتيكيت : بطاقة > من تيكت هع التعليم العالي : يعلموا فيه المجتهدين > لا لا :S_004: الماركة : مرقة > من مرق هههههههههههههههههههههههه و ربي جوآب و لا بلآآآش الجوال : شهر من الأشهر> قصده July :S_004: الستلايت : ليت > كل الأطفال كذا يجاوبوا ! خخ قرنبيط : ما يتحرك> وحدي ما فهمت وش يعني!:nono: برج ايفل : هذاك الكبير > يا ساتر عاد ما شرح ههههههههههههههههههههههههههاااا و سألته بعد خارج هالأسئلة .. وش يعني : انجلش : قال يعني how are you > ههههههههههههههههههههههه حمآس توشيبا : يعني تو جيبه >نو كومنت !:1eye: و البقية مرة ثانية بنزلهم :smoke1: |
هههههههههههههههههههههه عاد ما اجوبة ..
فديييييييييييتهم عسوووووولين .. ملاك .. أجوبة ولد أخوك كشخخخخخة - طالع على عمته بس ما أنت الي أصغر منك هع هع عجبني آخر شي يوم ضربك و رمى الوطية ف راسك ههههههههههههههههه مرح .. شسالفة ولد اخوك مع البلايستيشن ؟! شكلها مولع بالالتكترونيات :) ننتظر اجوبة البقية |
ما شاء الله عليهم حلوين وحبوبين واجوبتهم كشخة وعسل .. :cloud9: بكون احد المتابعين للحماسيشن والاكشنات .. :1eye: اولادي كل حد ف صوب .. بكون احد المشاركين هنا اذا صار لنا نصيب ف لقياهم .. :cloud9: مشكورة مرح الدبة على الافكار الحلوة :clap: |
وش تسوي /ن إذا صرت /ي فاضي / هـ ؟
أطبخ <<<يا نااااسوووو عليكِ ! 2 / لو فزت/ي بـ 1000ريال وش تسوي/ن فيها ؟ اشتري ملابس ، ألعاب ... <<[COLOR="red"]صح أنها بنت شرايّة ! [/COLOR] 3 / وين ودك تسافر/ين في الاجازه؟ ماليزيا <<<صدعتنا بالماليزيا بعد ما ردت من تايلند كله تقول تبا تروح ماليزيا :S_002: ! 4 / لو صرت/ي مدير/ة مدرسة وش بتسوي/ن ؟ اللي ما يجلس زين اضربه ضرب <<<نظامية ! 5 / تحبني يا........ ؟ طيب ليش؟؟ ايوا .. عشان أنتِ تحبيني واااااجد يا حبيبتي أنتِ <<<ذبت قدامها :blushing: 6 / وش تعرف/ين عن : الزواج:ما سألتها :shiny: الحب:ما سألتها :shiny: الأنسولين :اندونيسيا وامنيات <<شغالتنا القديمة :p الإنترنت : كمبيوتر مجلس الشورى : بعدها تفكر وما وصلت للحل ! الإتيكيت :توماتك <<شويعني الله أعلم :helpsmilie: ! التعليم العالي :يعلموهم الماركة :سنتر بوينت وتقولك يا مرح .. تروحي معاها ستي سنتر ولا سنتر بوينت :S_002: ؟ الجوال : تلفون الستلايت :مكيف قرنبيط :قرببيط !!!!! أول ما قلت لها قرنبيط قالت قرببيط ؟ بعدين قالت يعني = خطوط برج ايفل : رنجوحة <<< شو دخل ؟؟:compress: مشكوورة مرح .. تونست كثير مع أختي ذات الخمس سنوات :shiny: |
هههههههههههههههههههههههههههههههههههههههههههههههههه ههه طموحة و ربي أختك تووووووحفة ههههه أجوبتها شييييييييي .. و ربي ضحكت من قلبــي
ما شا الله عليها عسسسسسسل ^____^ حلو وآيد جواب القرنبيط ههههههههههههههههههااا يا سآآتر بس عليها حركآت .. اقتباس:
أديها أحلـى بوووسة ^__^ شكراً يا طموحة تونست وآيد و أنا أقرأ أجوبتها .. // أورينت ..شكراً على متابعتك و ان شا الله تحصلي القشابير ( ع قولت ملاك ! ) قريب عشان يونسونا بأجوبتهم .. // قلب النآس تتطور و الأطفآل تـو حياتهم كلها الكترونيات ، وش ع بالك طفولتك تلعبي بالعرايس !!؟؟ خخخ نورتي :) نورتــي :) |
^^ خخخخخخخخخ .. مرح أجوبة ولد أخوك تضحك خاصة : اقتباس:
اقتباس:
: طموحة هههههها .. مسكينة على نياتها وطاحت في لسانك خخخخخخخخ :4: اقتباس:
: شكراً جميعاً على المساهمات الرائعة :) |
فـكرتك حـلوة المـرح الغـامض ..
والله أنا سألت أخوي الصغيـر عمره 7 سنـوات وبخبركم بشـو جآآوبنـا هع هع ^_^ ________________________ start / وش تسوي /ن إذا صرت /ي فاضي / هـ ؟ ألعب بلستيشـن 2 / لو فزت/ي بـ 1000ريال وش تسوي/ن فيها ؟ بشتريلي ألعاب 3 / وين ودك تسافر/ين في الاجازه؟ أمـريكـا 4 / لو صرت/ي مدير/ة مدرسة وش بتسوي/ن ؟ قـالي >> ما بسوي شـي :4: 5 / تحبني يا........ ؟ طيب ليش؟؟ ما أحب حـد :4: 6 / وش تعرف/ين عن : الزواج: تكوين عائـلة الحب: أني ما أكره حـد الأنسولين : وش دراني الإنترنت : كمبيوتر مجلس الشورى : ما آعرف الإتيكيت : ما آعرفه وشـ يعني التعليم العالي : الجامعات الماركة : المحلات الكبيرة الجوال : التيلفون الستلايت : ما يعرفـه قرنبيط : ما يعرفه برج ايفل : بعد ما يعـرفـه finish هع هع نآديت أخـوي من الصالة بس عشان يجيب على أسئــلتي هع هع تحياتي لكـم |
هههههههههههههههههههههههه ..
أجووووبة حلووووووووووووة .. طموووحة .. أجوبة أختك بررررررريييييييئة ^^ ذئب .. ما شاء الله عليه أخوك ردوووده عاقلة :) ووو صح كأني من زمان قلت ترقبونا .. و شكلكم ما ترقبتووا من الأساس هع .. بس يا الله بنزل الردود .. طبعاً سألت ولد أخوي المصرقع عمره 10 سنوات طبعاً نص الوقت يررركض و يتنطط و يضحك و هايدي ردوووده : / وش تسوي /ن إذا صرت /ي فاضي / هـ ؟ ألعب كرة قدم 2 / لو فزت/ي بـ 1000ريال وش تسوي/ن فيها ؟ بساعد المحتاجين و بشتري بيت فيه بركة سباحة << ما شاء الله ع اللي يفكر في المحتاجين ^^ 3 / وين ودك تسافر/ين في الاجازه؟ ماليزيا>>لأن أخته راحت ماليزيا وهو ما راح .. عشان كذا تو يريد يروح لوول 4 / لو صرت/ي مدير/ة مدرسة وش بتسوي/ن ؟ بضرب الطلاب و بنازعهم >> عادا ماعدوانية ههههههههه 5 / تحبني يا........ ؟ طيب ليش؟؟ ايه .. لأنك عمتي >> يعني لو ما عمته ما بيحبني هع 6 / وش تعرف/ين عن : الزواج: رجل يتزوج حرمة و يحبوا بعض الحب: الصداقة الأنسولين : كيمياء << ما أدري شعرفه بالكيمياء !!! الإنترنت : نطلع منه معلومات و صور مجلس الشورى : مجلس الناس يجتمعوا فيه و يتشاوروا و يتكلموا عن أمور الدولة << صدمتني اجابته !! الإتيكيت : واحد يكون كأنه خدامك .. يسوي لك أي شي تريده >> هههه لا تعليييييق التعليم العالي : تعليم المجتهد الماركة :درجات << من marks .. بعده متطور .. ثقافته انجليزية خخخ الجوال : هاتف نقال أو تلفون الستلايت : مواقع البلدان مثل بريطانيا وووو بث .. و يا الله نريد نستمتع بأجوبة الأطفاااال ^^ |
قلبو اجابات ولد اخوك حلوة كثير ماشاء الله عليه عاقل مو مثل عمته خخخخخ |
| الساعة الآن 04:51 AM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها