الرحيل الساحر 24-09-2007 02:24 PM اخر قصائدي((__ بقــــايا الـــدار __))   بقايا الدار: بقلم: الرحيل الساحر برسلك يابنية من القلب تذكار ان كان لك قلب بيوم ذكرتيه ابا اصرخ واقول ان الهوى أقدار وانتي للأسف حق قدره ماقدرتيه قلبي ماغيرك بالمحبة اختار وانتي اللي بعد المحبه نسيتيه قلبي اللي كان لك بالأمس مسيار كان طيفك اذا ليلك سريتيه بنيت لك بالحشا دار وسكنتي الدار ليتك مادخلتي الدار ولاسكنتيه شيدت لك ساس على ساس مثل نجار وان بغيتي ركن زاد لك ماطلبتيه هذا القلب وافي ماهو بغدار جيتي انتي من اولها وغدرتيه خافقي اعترف لك ماكان نكار وانتي بكلامك المعسول تراكي نكرتيه يابنية طعتي الهوى والهوى غرار رما بك للبلية وافقتي وطعتيه تعمقتي في كياني عمق غوار مافي مكان به احساس الا وقصدتيه سنيتي خنجر مسموم بالحشا جرار مارحمتي احساسي وبقسوة ذبحتيه ماهجيت ان قلبك بالهوى ضرار أهديتك فؤادي وبالاخرة جرحتيه وبعد الجرح صار الذي صار قتلتيني, هذا الي بغيتيه؟ تظني اني بصدق فيك الاعذار؟ وانتي قلبي الطيب بكيفك عذرتيه بطوي الماضي واغترب بأسفار مابيرجع لك حب انتي فقدتيه هذا دارك اللي بنيته صار ينهار انتي بنيتي الدار بايدك وانتي كسرتيه

المزدهر 10-10-2007 12:04 PM اقتباس: المشاركة الأصلية كتبت بواسطة الرحيل الساحر (المشاركة 202434) بنيت لك بالحشا دار وسكنتي الدار ليتك مادخلتي الدار ولاسكنتيه شيدت لك ساس على ساس مثل نجار وان بغيتي ركن زاد لك ماطلبتيه أعجبني هذا التعبير أيها الرحيل الساحر تماديت أنت في العطاء وتمادت هي في الجفاء

Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها

a.d - i.s.s.w