النساء في موطني
 

لاشلت قيفان الفكر فـي محـزم أفكـاري دليـل
بنـت الفكـر هاجوسهـا يصعـد شمـوخ النايفـات
ربيتها عنـد الصغـر حشمـه و فالمعنـى سليـل
مـن زينهـا كـل البشـر تاخـذ علـومـي واكــدات
وضبت قولـن أثمـدي يكحـل عيـان المستخيـل
للـي طعنـي فالـشـرف ويـقـول دار العـاهـرات
يقـول دارك يــا ابــدوي كلـهـا مــلاذن للدخـيـل
فيهـا بنـات ٍمترفـه وفيهـا جميـع الساقـطـات
ترا النساء عند البـدو مـا هـن سقايـط يـا هبيـل
حيث النساء في موطني رمز الحريم الطاهرات
عفة وعنـوان الشـرف ترسـم مراسيـم الخليـل
مـن زينهـا عـز وفخـر وخذهـا علومـي بالثـبـات
في موطني دار الحشم للثوب مـا تلقـى بديـل
بيض البيـارق عزوتـي عنـد المكـارم مشرفـات
الله عطاهـن مالحسـن قلبـن تجـلـى للعـديـل
حشمه تتـوج ديرتـي و رايـة فصـم الشامخـات
كلهـن مبـادئ للكـرم لــو كــان بـالـزاد القلـيـل
رايـة ترفـرف بالسخـى تعـلا جميـع الراسـيـات
من شوفهن بدر الدجى يجلن همومك يالعليـل
ما هن شرات ادياركـم فيهـا الفجـور النامصـات
مـا يستـرن عوراتهـن حتـى ولـو أصـل ٍ نبـيـل
تشهـر مفاتـن جسمهـا دامـك طريـت الفاتنـات
عديـت جيلـي بالعجـل وخــذ منـنـا رد الجـزيـل
ما عاش بين اجنوبهـا نـذل(ن) ينـال المكرمـات
خذ مني القول السنع وخلـه فراسـك يـا ذليـل
دوم النساء في موطني رمز الحريم الطاهـرات

للشاعر جاسم الحجري

مشكوووووور والله يعطيك الف عافيه

{قصيدة مدح رائعة}
لك الشكر أخي,,

قصيدة راااااااائعه
يسلموووو على النقل