 |
منتديات حصن عمان
(http://www.hesnoman.com/vb/index.php)
- برج الشعر
(http://www.hesnoman.com/vb/forumdisplay.php?f=19)
- - ..بعض قصائد الشاعر المبدع حامد زيد ..
(http://www.hesnoman.com/vb/showthread.php?t=13931)
..بعض قصائد الشاعر المبدع حامد زيد ..
http://www.s77.com/pic/data/media/236/7aM_19.jpg:thumbsup:
ما لا يفعلون ما بقى إلاسود الأيام تحرمك الرقــــــــاد * * كيف الأوهام اتجرى تسريك مغبـــــون من متى تجزع من الدمع وتخاف البعــاد ** من متى تقذي بك ظنون وتجيبك ظنون صرت تاخذ كذبتي صدق ومزاحي وكاد ** لو باقول إني بخونك تحسب إني بخـون ما تعرف إن كل شاعر يهيم بكـــــل واد *** وإنهم دايم يقولون ما لا يفعلـــــــــــــون أبك أنا لو قلت أبنساك وأنكرت الــــوداد ** والله إني ما نسيتك ولاهم يحزنــــــــون من جزع من صفعةالشمس يطمع بالبراد **** ومن فقد وجهاته الخمس يلقى بك ركون إعتبرها هفوة إنسان أو كبوة جــــــــــواد **** لو بتسمح فأنت غالي ولو بتجرح تمـون عد صداتك مروة وطعناتك ضمـــــــــــاد ** خلهن لا راحن طعون ولا ردن طعـــون خنجرك يستاهل الطعن ومتوني شــــــداد *** ومنك يا زين الخناجر ويابخت المتــــون رد لي حنية المزح باحساس الجمـــــــــاد ** خلنا واحد يجي صلب والثاني حنـــــــون موت فيني وأندفن فيك بثياب الحــــــــداد ** وإن حيت أموت لرضاك أحيا بك بهــون مرة أرقد بالكفن وأنت ترقد بالمهـــــــــاد ** ومرة أرقد بالمهد وأنت ترقد بالكفـــــون أدري أن شجونك شجون وعنادك عنـــاد **والبلا إن عنادك عناد وشجونك شجـــون ربك اللي سخرك لي تقود وما تقـــــــــاد ** والله الخالق ولله في خلقه شــــــــــــــؤون إزرع ضلوعي من رضاك وأبشربالحصاد ** لعنبوا من جيت ترضيه وترد محـــــزون بس تسوالك بلد قول تسوالك بــــــــــــــلاد ** أنت كل العالم بكون ولحالك بكــــــــــون ما بعد محبتك حب ومرادك مــــــــــــراد ** غير كونك سيد حشاي تدري من تكـــون نعمتين اختصوا الخلق من جود الجــــواد **** كافل الأرزاق من حيث ما لا تعلمــــــون البنون ونعمة المال في العيون العبـــــــاد **** زينة الدنيا الدنيا بلا شك في كل العيـــون مثل زينة دنيتي بس عندي شي يـــــــزاد **** من عرفتك صاروا المال وأنته والبنـون أنتشي بك نشوة التيه لعناق الرشـــــــــاد **** وأفزع إلك بفزعة القرم لشهاق الزبـون لوتزيد الشوق جمرة تحولي رمــــــــــاد **** لو يزيد العشق شعرة بوصل للجنــــون خل هقواتك كبيرة ونظراتك بعـــــــــــاد **** كانك أنت بكبرك تهون من اللي مايهون أزعلك وأرهن حياتي تحت رحمة زنــاد **** تهبى لا والله إلا أنت والموت تهبـــــون عاد إلا إذا أرضاك هرجي ولا اللي قلت فاد **** إننا لله وإنا إليه راجعــــــــــــــــــــــون وأنت باكر بتعرف على نا س جـــــــــــداد **** والكلام يجيك من كل شكل وكل لـــــون لا تحسب إن كل كلمة بتسمعها وكـــــــــاد **** ولا تصدق هرج شاعر وتخدعك الظنون دايم إعرف إن كل شاعر يهيم بكــــــل واد *** وإنهم دايم يقولون ما لا يفعــــــــــــلـون حتى أنا اللي قلت أعشقك وما أطيق البعاد ***** يمكن أطلع لا عشقتك ولا هم يحزنــون ---------------------------------------------------------------- الذهب يا كثر ما رافقت خلان وأصحـــــــــاب × وياكثر ما في شدتي هملـــــــــــوني على كثر ما أعدهم ستر وحجــــــــــاب × على كثر ما احتجتهم وتركـــــــوني من صارت الخوة ثمن حفنة تــــــــراب × نفس الوجيه اللي نصوني نســـــوني من غير ذكر عروق وفروق وأنســــاب × كانوا ثلاثة والثلاثة جفــــــــــــــوني علمتهم كيف الأهداف تنصــــــــــــــاب × ولما سواعدهم قوت صوبــــــــــوني عشاني أصغرهم عمر صاروا أحــزاب × عشاني أصدقهم قصيد ظلمـــــــــوني اللي نجاح أسمي زرع فيهم أنيـــــــــاب × حتى النصيحة ما بغوا ينصحــــــوني دام العطايا عندهم دين وأتعــــــــــــــاب × والله لو أطلب ذنبهم ما عطــــــــــوني طالب نصيحة كني مطالـب رقـــــــــاب × وهي نصيحة كيف لو زوجــــــــــوني كنت أكتب لنفسي مشاريه وعتـــــــــاب × ولا أدري ان اللي قروني .. قرونـــــي تضاربت من دوني عقول وألبـــــــــاب × واجد بغوا غيري واجد بغــــــــــــوني أقفل هدب تسهر على شعري أهـــــداب × كني حبست رقادهم في جفـــــــــــوني لو شفتهم واحد يشوفوني أســـــــــــراب × من وين ما لدوا نظرهم لقـــــــــــوني أثري وجودي بينهم محرق أعصــــــاب × ومزعل بعضهم من بعض لو طـروني يا كبري بعيني وأنا توني شــــــــــــــاب × وأهم كتاب الشعر حاربــــــــــــــــوني حتى ولو يهوي على نجمي شهـــــــــاب × يكفيني أن اسمي كبير بعيـــــــــــــوني قد قال أبوي إن هبتهم قول ما هــــــــاب × ولو يقدرونك قول ما تقــــــــــــدروني وما دام قبري محتضن راس مرقــــــاب × على قد ما تقدرون ادفـــــــــــــــــنوني لو ماني بذيب نهشت عظمي ذيـــــــــاب × ولو ماقدرت أثبت وجودي لغــــــــوني لو ماسكنت وجيههم مت بغــــيــــــــــاب × لو ما عرفت أمحي ورقهم محـــــوني ما جيت أبدبل كبدهم شعر وخطــــــــاب × لين دبلوا كبد الذي خلفــــــــــــــــوني ياويل وجهي كن للدمع مخــــــــــــــلاب × ما جف ماه وما استحى من طعــــوني كل ما طرالي منظر مريب وارتـــــــاب × كان الوحيد اللي يحرك شجــــــــــوني قبلة صلاة وذكر وخشوع وكتـــــــــــاب × وأمي على سجادة النــــــــــــور دوني تدعي لي الله يفتح بوجهي ابـــــــــــواب × تتوسله بالشدة يكون عـــــــــــــــــوني من كثر ما خفاقـــــــهــــا بالدعـــــا ذاب × صارت تحس إن زملاي كرهـــــــوني بشرتها يمه معي ربع وأصحـــــــــــاب × ماني لحالي واجد اللي يبـــــــــــــــوني من يوم ما حاز قلمي كل الألقـــــــــــاب × قلطتهم في دفتري وحفظــــــــــــــــوني الله وهبني هم بني عم وأجنــــــــــــــاب × من يوم ما جيت أعجبتهم و أعجبـــوني وإعجابه فيني ما هو بية إعجــــــــــــاب × باسلوبي بشرحي بطرحي .. بلــــــوني لو قلت عن نفسي بشر صرت كــــــذاب × لو قلت دمي من ذهب صدقــــــــــــوني لو كيفهم زرعوا دربي أعشــــــــــــــاب × لو بيدهم يتشبهون.. شبهـــــــــــــــــوني من كثر ما صاروا من طبوعي قــــراب × حتى بلبسة شمغهم قلــــــــــــــــــــــدوني واجد دعوني وأغلقوا من دوني البــــاب × وكثار ناس أبكي لهم ما بكـــــــــــــــوني لو طالوا لهدمي مناسيب و أطنـــــــــاب × كان وغلاتك من زمان اهدمــــــــــــوني ما دام حطوا فيني عيوب وأسبـــــــــاب × جنبت عنهم مثل ما جنبــــــــــــــــــوني أصلا.. لو ان بخوتي شي ينعــــــــــاب × ذبحت نفسي قبل لا يذبحـــــــــــــــــوني أنا يدي لو ما كست متني ثيـــــــــــــاب × نذرا علي أقطع يدي من متـــــــــــــوني مو عيب أجي مدعو ولا أشوف ترحاب × العيب لو أني رجعــــــــــــت أن دعوني ما دمت أجي ولا اشوف ترحــــــــــاب × حرمت أروح إذا يبوني يجـــــــــــــوني ---------------------------------------------------------------- صح النوم- تعودنا على حمل الجمايل والزعل واللوم ولا نرفض عتب غالي ولا نزعل من جداله تمنينا نحوز اغلى مكانه في وجيه القوم ونعيش الخوه بوقت يضد رجاله .. رجاله تعلمنا من الدنيا وزدنا للعلوم علوم وسقنا للدروب قلوب رجليه وخياله وقفنا للزمن وقفة شجاعه والقروم قروم الين صار واحدنا بديل اقواله افعاله اليما انه خذا ياخذ مثل ما ياخذ المحروم واليما انه عطا يعطي ولو من لقمة عياله ولا بتنا ولو باتت رحايلنا بدون عزوم نساوم للفخر بأرضه ولو بأي من اشكاله ولا عفنا ولو شفنا على باب النهار سموم ولا خفنا ولو طفنا بمخراجه ومدخاله واذا شفنا العنب بأقسى عناقيد الشجر ملموم نهز غصون عنقوده واذا ما طاح نرقى له نصبر بعضنا بالجذب الابيض والهدف معدوم ونقول انا وصلنا له ولو انا ما وصلنا له وانا واحد من اصغرهم طموح وللطموح رسوم على وجهي مثل قولة بغى شي ولا ناله عطيت وما رضيت آخذ من سلوم البخيل سلوم ولا عمري رضيت اقعد على قلب العرب عاله ولا ارضى بالفخر فزعة جواسيس وكلام رخوم ولا عمري حنيت الوجه بعد المجد لحثاله غناي الله وانا رجلا عزيز مقدر محشوم قنوع بالقدر وان قلت فال الله ولا فاله بسيط يرمي حموله على متن الجبال هموم بوقت للأسف عيت تطيق همومه جباله بوقت نزل خشوم ورفع من رداه خشوم وخلا قيمة الرجال بين الناس برياله صحيت وقلت للنايم بعد ما قام صح النوم زمانك ما عطاك الا صور وحطام تمثاله سنين اطالع البارق واقول ان المطر محتوم وهو ما مد لي كفه وانا ما طلت هماله ارد اجذب على نفسي واقول ان النخل مفطوم وهو ما بالنخل عدق عطش ما ذاق شلاله وانا ما بي من البارق هماليل ومطر وغيوم ولو ذقت العطش بعيون برقيه ورحاله تعلمت الصبر من كنت طفلا بالمهد مزموم الين صرت رجلا لانتخو به طوح عقاله وانا ما احلف بعد عمر طويل بدفنة المرحوم اقول الله ولا غير الله الرحمن نلجا له ومثل ما بالمطر خوه ليما هل كوم وكوم انا قلبي بعد يقدر يدك البيد بلحاله واذا اسمي وصل للدنيا قبل لا القى الحياه بيوم ابتركها وانا اسمي يضرب التاريخ بأمثاله واذا ربعي وهم ربعي تناسوا حقي المهضوم بعيش اشره على قلبي قبل لا ارثي على حاله واذا كفي طعن كفي براس الخنجر المسموم بعرف ان النصيب اقرب من الرجال لظلاله مدام ان الزمن خلا الشجاع بوقتنا مهزوم اجل خلوا ضعيف النفس يكسر شره اشوا له ---------------------------------------------------------------- حد علمي- حد علمي بالغلا يوم كنت اسوا كثير يوم كانت ضحكتي طبع وعنادي سمه وحد علمي بالعنا يوم خفاقي ضرير قبل اهدم العشق وابنيه وارجع واهدمه وحد علمي بالبكا يوم لي قلب وضمير قبل اشوف المسلم يموت بأيد المسلمه ايه عدت من يدي بس ما عدت بخير ليلة عيت تجيني وجتني مظلمه من عرفت احساسها كن في قلبي نذير والنهار المكتأب باين من مقدمه ليلة حسيتها ما تجور ولا تجير مثل طفلاً ما حقرته وعيت احشمه واصبحت مثل شعره واقسمت ظهر البعير وابتدا في موتها الجرح من حيث ختمه صار لي في العشق ما لا هقيت انه يصير ان ظلمت بعشرة انسان ما كنت اظلمه العشير اللي تبرا من ظلوع العشير الحلا عزز خطاياه والحظ خدمه لا تبسم يكسر النور فعيون البصير وكن شمس المغربيه تبات في مبسمه معتدل في قامته لا طويل ولا قصير ممتلي بالزين من معصمه لي معصمه فيه بألوان الهدب لون غير ولون غير مثل ما للرمش بالعين قصه مبهمه كنها نكس البيارق على شط وغدير ومثل لملمة الشتات بشتات اللملمه في سواد مجدل ما يثور الا يثير كنه اللي ينهم الريح ثمن تنهمه ما تجمع لين قيد حريراً مع حرير في ظلام علم الليل ما لم يعلمه ما هقيت ان الهدب صلب واجفانه تغير لين سلهم لعن ابو جد ذيك السلهمه ما عتقني لين ساق البشاير للبشير يوم صد وجاه قلبي بشحمه ولحمه والله انه حط قلبي تحت رحمة شطير في يديه وكل ما اراد يقسمه قسمه لو صحيح ان الحبيبين يجمعهم مصير كان نفس اللي حرمني من النوم حرمه والله ان مروتي ولعة فيني سعير يوم شفته تل قلبي وداسه بقدمه ما رحم زهرة شبابي وانا توني صغير لين ضيق خاطري ضيق الله نسمه ايه عدت من يدي بس ما عدت بخير ليلة عيت تجي بس جتني مظلمه حد علمي في عناها عذاب وزمهرير يوم قمت توحي بالاضلاع صوت وهمهمه وحد علمي في الرجا من نصير ليا نصير يوم شفت النفس تذبح وهي مستسلمه وحد علمي بالبكا يوم لي قلب وضمير قبل اشوف المسلم يموت بأيد المسلمه ---------------------------------------------------------------- غـرام احـبـاب - على ذاك الطريق اللي يسمونه غرام احباب وطت رجلي على دربه ولا ادري وش نوا فيني تبعته لآخر دروبه الين القمر قد غاب تعب قلبي ولا تعبت مسافات توديني لقيت الليله الجردا هدب ظل وسما واعشاب بعد ذاك الظلام اللي يتوهني عناويني صدفتج معجبه فيني وياليت الغرام اعجاب وتراج انتي الهنوف اللي هقيتج تستحقيني عطيتج هشق من قلبي وسلمت لغلاج رقاب وغيرج يحترق قلبه ولا يقدر يحاكيني انا قبلج صدفت عيون لكن ويش جاب لجاب ترا كل العيون اللي لقتني ما تكفيني رماني حظي العاثر عليج وجيت لج طلاب ولا انتي اللي عشقتيني ولا انتي اللي عتقتيني تعالي وارحمي ذاك الخفوق المولع المرتاب مهوب لجلي عشان الله يجازيج ويجازيني تعدي في سما عشقي ولو عشقي خراب اصحاب وصوني في الهوا نفسج قبل انتي تصونيني وشيليني على متنج خفوق بارياً منصاب ومن فوق الغرام العذب شيليني وحطيني وليمنج هقيتيني شجاع وما يطيق يهاب انا لج بالهوا والله مثل ماانتي هقيتيني انا ما امشي ورا غيرج ولو انه يطق الباب وترا عيباً علي اطعن ولو كثرت سكاكيني زهوداً ما يطيق الدم لا دايم ولا طلاب شجاع وعارف نفسي واظن انج تعرفيني غيوراً ما عرفت اضحك مع الغدر ببرود اعصاب ابيع عيوني الثنتين قبل انج تخونيني واذا شد الغرام احط قلبي بين ناب وناب الفرقة تكسر ظلوعي ولا عشقاً يوطيني انا رجلاً ولي غيره واذا شفت الهوا كذاب تثور في قلبي الفزعه ولا تهدا شياطيني سؤالج لو يزعزع بي كياني ما قبلت عتاب اجي لج واسألج نفس السؤال اللي سألتيني عن العشق القديم ابواب وتقفيها كثير ابواب بعد ذاك الحبيب اللي خدعني وانخدع فيني ابي عشق تحسب له كل نظرات العيون حساب وابي قلباً على قلبي وابي ديناً على ديني وابي كلمة عهد توفي ولا تخلف بدون اسباب وابي منج قبل لا انتي تصديني توديني وابي درباً على العذال صعب ومتعب وغلاب وابي نفس الطريق الصعب يبعدهم ويدنيني ترا لو للقلوب عيون ودموع العيون اهداب حشى ما تنزل الدمعه لغيرج لو تركتيني انا اول من عرف قدرج وانا توني صغير وشاب وابي منج مدام انج عرفتيني تحبيني مدام اني لقيتج في طريق اسمه غرام احباب دخيل الله وبعد الله دخيلج لا تخليني مدام ان كل من يحيى على وجه التراب تراب عسى تنساني الدنيا مدام انتي ذكرتيني --------------------------------------------------------------- الجـــــمـــهره- اي بالله اخطوا والخطا الي جابهم عين الصواب مبطي وانا اشوف الطمع يكشف رداهم واستره مايملي عيون الحسود بهالزمن غير التراب ومن لايتوب من الخطا تحرم عليه المعذره اللي من أولها خراب اكيد تاليها خراب والبندق الي ما تثـّــوّر في هدفها تذعره ودك ليا من جاتك الغلطه من الناس القراب الصاحب الي ماكسبت بمحبته ماتخسره مشكلتي اني ماعرفت احسب لصدتهم حساب قلطتهم صدري على ذكري قصيد وحنجره صوت يصول بمنظره وخطاب مابعده خطاب والطيبه اللي زعزعت صوت الخطيب ومنظره مافيه دمع صوبوه أحبابي بوجهي وخاب ولازرق حزني على غالي ولا فج نحره كل الذهاب اللي معي ذكرى من أصحاب الذهاب والي بقالي من عذاب أشرف طريقي وأخطره لأني تجنبت الغرق عديت من فوق السحاب لأن أكثر أصحابي ورق ماشفت للطيب ثمره والله ماحطيت بين الحقد والخـّــوه حجاب حتى غدوا ربعي يحدّوني على الضيق أشكره البارحه ثارت على أرقاب وآوتني أرقاب البارحه يا ثقل دم البارح ويا محقره أهبّ يا وجه الحسد وشلون جمعهم وغاب كيف السنين الى عطتني بعثرتهم بعثره أثر المصايب ماتجيك الا من الناس القراب وبهالزمن حتى الخوي اللي تثق فيه احذره لابارك الله في رفيق تزعله كلمة عتاب ولا جمع الله الرجال اللي تفرقهم مَرَه عودت نفسي كل ما شددت لليمّه ركاب ماصد وجهي عن طريق الا ليا جبت خبره الصاحب اللي مايجي من صحبته غير العذاب نذر على ان ماهجرني والا انا اللي بهجره من يفتح لفرقاي باب أفك له عشرين باب وإذا خويي ما يقدّر خوتي ما اقـــدّره ان روّحوا فأنا بري منهم ليوم الحساب وان جرحوا قولولهم ماحركوا فيّ شعره شفهم لهم حول السنه ولا خذوا مني جواب أحسن دوا للي يحاول يستفزك تحقره أنا جمعت أوراقهم بكتاب وأغلقت الكتاب ياوقت لم الي تلمّـه وانثر الي تنثره ماكنت احاتيهم صغيّر عاد أحاتيهم شباب أما ذخرني صاحبي لليوم الأسود ما أذخره عقب اكتئاب البارحه ماعاد انا حمل اكتئاب الطيب جرجرني وأنا مانيب ناقص جرجره اللي يخاف من الظما يترك لنا طرد السراب واللي مب قد الظلام ووحشته لايسهره أنا تجرعت الظما لين احترق وجهي وذاب أنا كسرت بخاطري قبل الصداقه تكسره أنا خسرت اللي غيابه غير عن كل الغياب أنا غفرت لعالم ما تستحق المغفره أنا أكثر انسان تعلم من كثر ما أخطى وصاب أنا آخر انسان يتكلم في زمان الثرثره أنا القصيد اللي نزع من دفتره مليون ناب وأنا الوحيد الي جمع مليون ناب بدفتره جفني وجرحّـه السهر حيلي وهدتـّه الصعاب دمعي هدر ضحكي ندر عمري وضيعت أكثره شيـّـبت بعقول العرب هيّـبت روس ماتهاب جمهرت ناس ماعمرهم مايعرفون الجَمهَره ماصرت ذيب الا لأن اللي حواليني ذياب ماكنت اغيب الا لأن العفو عند المقدره وترى حلاتك لاحملت لصاحبك كلمة عتاب أما نطقت بها بوجهه ماتذمه بظهره في هالزمن ما يملي عيون الحسود الا التراب ولا الحظيظ الطلقه الي ماتصيبه تذعره ودك ليا من جاتك الغلطه من الناس القراب الصاحب الي ماكسبت بمحبته ما تخسره ---------------------------------------------------------------- الـسـفـيـنـه- ضاقت وساع الفيافي والوعد متن السفينه للطريق اللي دعاني بعد امان الله وامانه لا تناديني وصوني قلبج الله لا يهينه لا يراهن في رجوعي لأجل لا يخسر رهانه ليه ما ارحل عن غرامج بعد ما ذقت الغبينه اذكري لي شي واحد يستحق اقعد عشانه قلب ما حن لوصالي ماني بحاجة حنينه واشهد انه ما يعزر بالرفيع الا هوانه الهوا الغدار حد الله ما بيني وبينه والرجل لا خير فيه ان ما حفظ قدره وصانه واحد مثلي ليما حدته عوجا سنينه ما شكى لأقرب بن آدم لو هو اغلى من اخوانه يوم قلبي ما عصاج وما قدرتي تذبحينه ليه خنتي فيه وانتي معه من نفس الديانه كان ذبحي بأيدج ارحم لي من اللي تفعلينه وان طلبتج تذبحيني ما ذبحتيني لعانه كل جرح من جروحي تذكرينه تنكرينه كان مالج في نزيفه يد خانت بالامانه ينزف الخافق تواضع لين لطختي جبينه والا انا ما كنت ابيها تاصل لحد الاهانه قلت من باب الميانه صاحبج وتعذبينه لعن ابوج ارخي معاي شوي ما صار ميانه طعت عقلج يوم قيل ان العقل بالبنت زينه لكن الشرهه علي اللي كنت احسب انج تكانه من بعد ما كنتي انتي في حشاي اغلى سجينه بأوعدج ابطلق سراحج واتهمني بالإدانه وين رايح ؟ لأي درب ما يرجع للمدينه ليه رايح ؟ لأن قلبج ما ترك قلبي وشانه كيف ابنسى ؟ ربي اللي ملهم القلب السكينه مثل ما عانه بقربج لانوى فرقاج عانه كان قاسي يجرح اطراف السكاكين السنينه ما يطيح وبنت مثلج حبها هزت كيانه والا انا خابر خفوقي ما يمد الا الثمينه وان بغى يغيض الثريه قعد القمره وزانه مزعل لأجلج هنوفاً رجت عقول رزينه وان تهادت بالطريق الجرهدي تزهر جنانه جادلاً كن الجمال قبالها كتف يدينه والقمر لو شاورت له ينزح وتقعد مكانه كانت اول من تحكم في فروع الياسمينه وان تعدتهن تفنن خيزرانه .. خيزرانه بعتها لأجلج وصارت لأصغر اطرافج رهينه والا هي لفتت هدبها تغمرج ثقل ورزانه والخفوق اللي تغذى من معزة والدينه مشكلته انه تعلق في زمن ما هو بزمانه كل ما زادت جراحه واكتشف غلطة ظنينه صدقيه ان قال ما به شخص يستاهل حنانه يوم نادى يا فلانه ما رضيتي تسمعينه لين صوت يا فلانه .. يا فلانه .. يا فلانه كنت اشوفج زعفرانه تقرظ الورد وتدينه يمكن اني ما قطفتج بس اشوفج زعفرانه كنت اهاب البعد عنج واطلبج لا تذكرينه كان خوفي من الفراق وخطوة الفرقا جبانه ما اقتنعت ان الخيانه للرجل تلوي يمينه لين ما ربي بعثج وذقت من طعم الخيانه اسمحي لي ما بقى فيني مكان تطعنينه واقبلي من جوف قلبي كل عطفه وامتنانه والله الله في عذابج ابتركج عينج ابعينه دلليه ولا يرده عن شقاج الا لسانه والا انا قررت اسافر وامتطي ظهر السفينه لأن ما به شي واحد يستحق اقعد عشانه ---------------------------------------------------------------- عاتبوها - بعد ما قابلتني عاتبوها على شوف الحبايب حاسبوها خذوها وابعدوها غصب عني وعن وجهة طريقي جنبوها وشالوها عن عيوني غصيبه عواذل واغصبوني واغصبوها خذوها من يديني شوف عيني وعن عيني تعدوا واحجبوها كلام وصدقوا في البنت كذبه وهم اللي من اول كذبوها وهم وشدخلهم في مال بيي لأبوها والخلايق طالبوها وفيه ما تخون ولا تعاند جسوره والمواعيد ارعبوها ملاك كامله والكامل الله ولكن العواذل عذربوها وهي كل ما دعتني تشتكي لي عن اللي سالفتنا سربوها تخاف وتلفت مع كل كلمه تظن ان العواذل راقوبها تلفت من عقب ما هي جريئه شجاعه ما تهاب وهيبوها واهديها وانا حاير وثاير مصيبه يا عذاب عذبوها وهم كل ما خذوها عن طريقي تراهم صوب قلبي قربوها وانا ما تعبت قلبي خيانه خيانه رتبوها وحسبوها ولا يعجز خفوقي لا يقابل جفى من حاربوه وحاربوها وانا لي عزة تفرظ علي اخاطب بالجفى من خاطبوها واكسر لوحة الماضي وازيله واخربها مثل ما خربوها واذوقهم ندم ما صار فيها واشربهم من اللي شربوها وادلعها واولعها بنفسي واشرقها بعد ما غربوها واعوضها عن اللي راح كله وعن ذيك الليالي كل ابوها غلاها بالحشى لا زال ثابت ولو حتى بغيري حببوها وغلاي بقلبها مر وتعدى غلاها لأمها والا لأبوها ---------------------------------------------------------------- اربع خناجر - مشكله لا جت حاجتك في يدين البخيل ما يفكك لين تدفع كثر ما تدفعه ومشكله لا صرت مطعون في كفوف الدخيل في ظهرك اربعه خناجر وفي الظهر اربعه ومشكله لا ضاق بالوقت رجال ثقيل يطلب احبابه وعيا زمانه ينفعه ليت ربي ما يحاسب خليلاً من خليل دام مال للحظ فزعه ولا للوجه اقنعه ودام مال العذل تالي وما بالحيل حيل الغلا سماً نذوقه ومراً نجرعه نحتري فيه اللقى والحصيل هو الحصيل مثل حلماً ما تحقق وعيت اقطعه كني اللي حط الشفاة في الجمر المرير لا قدر يرميه للناس وازرى يبلعه والظروف اللي حدتني لنيران وفتيل عرضت دمع المحاجر لشي يجزعه والمدامع بالغلا لا تحال ولا تحيل والمشاكل كل ما جت جات مجمعه اعذلوني عن هوا النفس وعيوني تخيل في حبيباً ما تركته ولا زلت اتبعه مغرما في حب مثله ولا ارضى له بديل عيني تشوفه وقلبي يجوع ويشبعه ذاك كل ما زان بالي وطالعت النخيل ما ذكرت الا ثباته بوقت الزعزعه ما هو الا قطعة من حشى قلب عليل وماني الا قطعة منه مخلوق معه لا جميلاً شفت قبله ولا بعده جميل العذارى رهن رمشه وانا رهن اصبعه والله انه لو طلبني طلوع المستحيل لأطلعه مني مناك يعني لأطلعه ما علي من الملامه ولا هرج الهبيل ما اشجع الرجال لا ثيره غيره ما اشجعه في عيون اللي عشقني ولا حاني هزيل الله اللي حط عشقه في قلبي وزرعه لو سكت ينظق له الصم والدنيا تسيل وان حجى لو يمشي المزن ياقف يسمعه سلسبيل من شفاته يخالط سلسبيل معمعه بسكات واحلى سكات بمعمعه ما هقيت ان اكثر الليل يمرح بالجديل لين شفته شوف عيني بكفه يرفعه وان حييت وما بقا لي معه ليل لأسهره بأول غروبه واموت بمطلعه والله ان العشق جمره وطاحت بالشليل وان حصل ما طاعك الوقت في احبابك طعه منهو اللي عداي نكران الجميل ومنهو اللي خان خلي وحاول يقنعه كل عاذل ردني عنك يالطرف الكحيل يا عسى الله يقلعه يا عسى الله يقلعه يامعرض قلب الاحباب بالدرب الطويل السعه لا بارك الله بالضيق السعه والله ان الوقت قاسي وانا ماني ذليل واشهد ان الرجل مرات ظنه يخدعه وانتم تعذلون خفاق بعيون العديل ما رحمتم نار جرحه وحيرة مدمعه والسوالف ليلها ليل والحايل يحيل والمشاكل مشكله مشكله متجمعه مشكله لاخانك الوقت بالحمل الثقيل لو زرعت الزرع هوج العواصف يشلعه ومشكله لاصار عاذلك ما يبرد غليل لا ترده طيب كلمه ولا احد يمنعه ومشكله لا صرت مطعون بكفوف الدخيل في ظهرك اربع خناجر وفي الصدر اربعه ---------------------------------------------------------------- الليالي السرمديه - من عرفت العلم وانتي الليالي سرمديه والوصول اغلى طموحات الفتى بأول شبابه والمهابه ما تهادت غير لنفوساً رديه ليت في قلب الليالي للفتى قدر ومهابه دنياً تجمع صفاتين الخجل والعنجليه كنها بنتاً يزود بحسنها ثقل وذرابه يوم جتني تمتحني في زمان الجاهليه جيتها رجلاً تحلى في تقاليد الصحابه بالعطا تبخل علي وبالعذاب تموت فيّه عشتها قلباً رحوم يكره الضيم ويهابه بس ابدري وش نهاية وصلها وآخر هديه هو صحيح ان القصايد للجريح اول عذابه من عرف لج يا الليالي وانتي اكثر من هويه من تلحف في ترابج مقتنع باللي جرا به من قدر يفرظ طموحه في زمان المعمعيه من من الناس يتجرأ يتركج وانتي ترابه السؤال يعيد نفسه والاجابه مبدئيه ليت والله ما تكوني مبدئيه يا اجابه الرحوم يخون ناسه والخوي ينسى خويه والقلوب اللي تخالط ودها صارت تشابه والخلايق ما تسوي طيبها جود وحميه كلنا نضحك بوجه مبستم للغدر نابه لو يصير الموت راعي كل ابونا له رعيه لا زعل نزعل ونرضى لا رضى حضرت جنابه والله اني ما نويت افتح ملفات القضيه لكن اني شفت شيً يفقد العاقل صوابه يالحياه انتي غديتي والغرابيل اجوديه كنج اللي ما يميز بالخطا غير ارتكابه ما عطيتي غير جرح ولعن ابوها من عطيه والله انج ما عطيتي خير للقلب وصوابه خاينه ما انتي عزيزة خافقي يا الاجنبيه جنبي عني واجنب عن مداهيل الغرابه وباخذ بدرباً يردج للقاء روحه وجيه يا يموت بدرب والا بدفن القلب بضبابه وان ذبحتيني تمني رجعتي وابكي عليّه لين تملين المحاجر بالبكا حزن وكآبه وادفنيني بين ظلج والخيوط العسجديه لو لقيتي بعد موتي واحد بنفس الصلابه شاعراً قدم قصيده لأغلب ايامج ضحيه بين ناساً ما يطيقون القرايه والكتابه يا زماني لو بقى للشعر في صدري بقيه بكتبه وارسم خيالي للورق وألوي سرابه وكان ردت للعناد وعودت للمقدريه والله اني ما اتنازل لين اعديه السحابه يا زمان ممتلي به وابتلى فيني بليه لاتلوم اللي يخونك كان له عقل ولبابه بقفل القلب المشقي عن هبايبك العتيه ودق بابه من بعدها لو قدرت تدق بابه الحياه اللي تسمي لعبة الشاطر خطيه ما تساوت في عيوني مع جناحين الذبابه اذكر اني كنت عايش بالليالي الأوليه واذكر اني كنت عايش بأحضان غابه ما عرفت الا عباره مثلها مثل الوصيه عيش عمرك ذيب تسلم من مخاليب الذيابه ---------------------------------------------------------------- الـذيـب - انا قلبي على الفرقى نوا روحه بدون رجوع مثل طير بلا سبق وبلا وكر وبلا راعي تهيا للجفى خطوه يبي بقسى الطريق هجوع يدور للعنا ملجا طريق قلوباً جزاعي فديتك يالخفوق بحب وجرح وقطرتين دموع قبل لا يجبرك خلك علي وتلوي ذراعي تعنيت وسبقت الوقت ولا عشت الغرام اسبوع انا ما ابي الدنيا هبوباً تطرح شراعي لعبت بدوري العاشق وكنت تتابع المتبوع تلعب عيني ادوار الرساله بأيدين الساعي رقيت الحب من ساسه الى راسه ولع وخضوع رجلا تصعد الهامه ورجلا تحتضن قاعي عرفت ان الهوا ظالم مثل ظلم العطش والجوع واظن اني يوم انا عاشق شبيه الغافي الواعي غفيت بعشقي الخاين ووعيت بعمري المدفوع واشوف القلب لأيامي غدا ناعي وانا ناعي وانا بقبل على الفرقى وبضوي للظلام شموع ولا لي بالشقى حاجه ولا به للسفر داعي وببدي رحلة الفرقى وبرحل وانهي الموضوع مدام ان العذول اللي لبس ثوبي مع قناعي ابعرف يا ترى بعدي من اللي بيقطف المزروع وانا مالي في هالدنيا سوا خلي ومرباعي سطا ذيباً على المرعى وسلمت بخافقاً مفزوع وفدوه لو يموت من القطيع ويسلم الراعي ---------------------------------------------------------------- عـشـاقه وجـمـهـوره - انا والليل والعبره وجرحاً وخاطر مكسور ونفساً من هجير البعد والحرمان مقهوره وقلباً ظامي لشوفه ولا يروي ظماه بحور وعيناً تحتري لحظة غياب الطيف وحضوره وناراً تطفي مره ومره تشتعل وتثور واقول النار مقدوره وهي ما هي بمقدوره حسبت الليل بغيابك يمرن اللي دهور وكني شايل في قلبي بيال الوقت وشهوره تصبرت وتقدرت وبنيت من الخيال قصور الين ان الجفا شد الركايب وانتهى دوره تحريتك على درب القصايد من ثلاث شهور وحشى ما مات لك غصناً يشب الماي بجذوره تخيرت الغرام وجيت لا راضي ولا مجبور وجيتي تسبقين خطاج مرضيه ومجبوره وانا ما كان لي رغبه ابين واكشف المستور ولكن الغرام اكبر من الخفاق وشعوره جمال وود وعيون ودلال وكبرياء شعور وفتنه تخذل عيون النهار وينطفي نوره والج في خافقي صوره تلاشت بين ظي ونور واخاف اسكت من الفرحه وتنطق باسمج الصوره عرفتج وانتهت رحلة قساوة دربي المهجور والا يا جملة ايام الجفا والصد مشكوره خذتني للجفى عزه واخذني للعناد غرور واخاف اكون بعنادي حبيب ومات بغروره واذا كانت مسافات الخيانه للغرام قبور وش اللي يجبر العاشق يخون ويحفر قبوره وش اللي يجبر الشاعر يدور للشعر جمهور ما دام انتي محبينه وعشاقه وجمهوره ---------------------------------------------------------------- قالها حامد - تماديتي وانا مثلج تماديت بهجر وبعاد وكلاً مثل عناده حفوقاً ثابتاً صامد واذا عندج بعادي عيد ترا عندي جفاج اعياد وعسى طول الجفى مني يلين قلبج الجامد ابضحك بظهر البسمه ولو ان الجروح جداد ترا قلب الحريقة ظو ولو وجه الحطب رامد بكون اكبر من الغلطه وبعلن للهوا ميلاد اذا كان الخطا منج مجرد ثورة الخامد واذا كان الجفى منج مسافات وغلا وعناد تراي اكبر من عنادج وقولي قالها حامد ---------------------------------------------------------------- قصيدة الأم - قصيدتي زاد في عيوني جمالها واخذت انقي بالمعاني جزالها اكتب معانيها من الشوق والغلا لأمي وانا اصغر شاعراً من عيالها كتبتها في غربتي يوم رحلتي لما طرا لي بالسفر ما طرا لها امي وانا بوصف لها زود حبها وان ما حكيت لها قصيدي حكا لها امي لها في الجوف والقلب منزله مكانة ما كل محبوب نالها اقرب من ظلالي وانا وسط غربتي وانا تراي اقرب لها من ظلالها ما شافت عيوني من الناس غيرها ولا خلق رب الخلايق مثالها اغلى بشر في جملة الناس كلهم واكرم من يدين المزون وهمالها اتبع رضاها وارتجي زود قربها واللي طلبت من حياتي وصالها الصدق مرساها والاشواق بحرها والعطف واحساس الغلا راس مالها اهيم فيها وابتسم يوم قلبها يسأل وانا قلبي يرد سؤالها وان طلبتني شي فزيت مندفع اموت انا واحمل تعبها بدالها اصبر على الدنيا والاحزان والتعب واحمل على متني فطاحل جبالها واسهر واعذب راحة القلب بالشقى واعيش اعاني بس يرتاح بالها تربية ابوي اللي على الطيب نذكره اللي وهبني للحياه ومجالها نور لي دروبي وانا طفل مبتدي حتى تركني واحداً من رجالها الوالدين اولى بالاحسان لأجلهم واولى بتكريم النفوس وعدالها اقولها وانا على الله متكل والله عليم بقدرتي واحتمالها يا كلمة اغلى من الناس كلهم يا شمس في قلبي بعيد زوالها يا فرحة تملي لي الكون بأكلمه يا شجرة تكبر ويكبر ظلالها تضحك لي الدنيا لا شفت زولها مثل السما تزهى بطلة هلالها والبعد عنها يا اهل العرف ما اقدره لا شك ناري زايده باشتعالها ما اعيش ببلاداً ولا اهيم بالرهى ولا ابي عيوني كان ما هي بقبالها ارضاً تدوس امي بالاقدام رملها اموت فيها واندفن فيها ---------------------------------------------------------------- الـجـريـمـه - يوم ثارت في جنوناً من جنون الجاهليه عاتبتني لين شبت في شراييني لهبها استفزتني وفزت وزعلت مني عليا واستضاقت من كلامي يوم زعلني عتبها من بعدها ما بقى لي فيه محاميها بقيه اسدلت دمع المحاجر للبكى وانخت هدبها والله اني ما نويت ابدي معها بالخطيه بس هي اللي تعدت حدها لحظه غضبها يمكن اني كنت قاسي بالعتب معها شويه كثر ما كانت تتمنى راحتي واعشق تعبها والله اني كنت اكابر بالعتب في حسن نيه بس ابدري هو صحيح اني الوحيد اللي عجبها جرحتني بالكلام وكبرت حيل القضيه وخسرت بي كل عرقا من شراييني كسبها والا هي ما كان فيها للموادع مقدريه والجفى كانت تعافه بس مدري وش قلبها ليتني ما رحت اقايس قيمتي عند بدويه رجعت لي كل عرقاً حبها والا نهبها وعلمتني كيف ابنجح وانتصر وابقى ضحيه وعلمتني كيف قلبي لو غلبها ما غلبها وعلمتني يوم صدت عنفوان الاجوديه ما تلوح للمقفي لو سلبها ما سلبها رابيه بين القبايل والعرب واهل الحميه عاقله ما تبذل الا نخلة تعرف رطبها ان تهادت ذكرتني في خفوق العامريه وان تمادت تركب ابليس الرجيم وما ركبها جفنها لا سلهمت به ما يطيق السامريه تسحبه برضاه عينه وان سهت عينه سحبها وان حكت تعطي مكانه للحروف الابجديه كن كلمتها تتلفت للكلام اللي عقبها والحروف ليا تعدت بالشفاه النرجسيه كنها صارت قصيده بس ربي ما كتبها وش بوصف من حلاها وش بخلي للبريه ما بها بالحسن عيبا وكشفت الا حجبها شعرها فيه الخوي اللي تبرى من خويه والشفا لو تشرب الماء واختلط فيها شربها كن في ضمة شفها جمرتين بنار حيه كل من حس بدفاها واحترق صد وقربها شفتها مثل الجريمه وابتليت بها بليه غلطة جيت اتحاشى ظلمها قلت ارتكبها كل شي شفت فيها فيه نبرة جاذبيه موهبه من فضل ربي واشهد ان الله وهبها كلها لله بلله فاتنه هالادميه عاجبتني من بداية راسها لأسفل كعبها لو تبادلني شعوري والهديه بالهديه ما وفتني لو تبيع ثيبها واغلى ذهبها هملتني والقلوب الجرهديه جرهديه وحرمتني والمحبه نارها تأكل حطبها والا انا ما كنت اكابر والليالي سرمديه يمكن ان اللي غصبني للولع فيها غصبها يا خفوقي ودي انك ما انت في حاجة وصيه شف مكاني وانت تدري وين هي يمة عربها رح لها وان كان فيها قلب يطمح في مجيه شف طلبها في عروقه وان حصل تمم طلبها وانشده وان قال عنها من هدر دمي بريه قله ان اللي حصل لي بالمحبه من سببها ولو يقول اني تعمدت الزعل لجل الاذيه قله اني ما اتحمل بالعتب قلة ادبها ولو يقول اني انا اللي كنت بادي بالخطيه قل هي اللي تعدت حدها لحظة غضبها ---------------------------------------------------------------- من تحت لي تحت - تعرف الخطايا كيف كنت محروم كان سود الليالي يوم طحت سمحت ولو هموم المقارق مثل كل الهموم ما تشوفون عيني بالدموع سبحت ولو تحن المشاكل عقب حب الخشوم كان حبيت خشم المشكله واستحت بين صدة عزيز وكبرياء مهزوم عين شحت علي وعيناً استسحمت بس ما الله خلقني من بكاي معصوم وادري ان المحاجر لو تفيض فضحت والله اني على جرحي صبور وكتوم بس الدموع لي روحت .. روحت اعذلتني ظروفي وانهكتني عزوم والوجيه حزنت لي والقلوب فرحت والله ان الليالي ما تعرف السلوم قلب جافي لقاه ووجه صافي باحت راهنتني تبلل بالدموع الكموم ويشهد الله عليها راهنت وربحت احرمت نور عيني من غلا ريم قوم بذرة وارتوتني واثمرت وطرحت جادلاً دوم ما هي بمثلها كل يوم استضاحت غموض وبالغموض وضحت دورت بين قلبي والهدب درب نوم وامرحت وين مدري المهم امرحت تنحت اسمي بقلبا جيت فيه معزوم واسمها بين جلدي والعظام انحت مثل جفني لعيني للنعاس محكوم كل ما نمت نامت .. كل ما اصحى صحت ما تعارض كلام غير عند اللزوم بس لا قمت اسولف واندمج سرحت دايم ازعل عليها بس قلبي رحوم وهي تموت في عذابي من تحت لي تحت مثل وجه الصداقه في ثياب الخصوم ان تطيبت طابت ان جرحت .. اجرحت خصها الله بوصف من خيال معدوم لا آذان سمعت به ولا عيون لمحت كن ربي خلقها من بياض الغيوم ومن كفوف السحابه بالورود لقحت عن سواها فرقها بالقمر والنجوم وكل عذرى تباها بالجمال نزحت بالحلى هي كوم وباقي الناس كوم كفة عادلوها بالبشر ورجحت حسبي الله على اللي ما بغاها تدوم من بعد كيف كانت شوف كيف اصبحت لا تحقق وصال ولا فراق محتوم خطةً قربتني للفشل ونجحت لعنة العشق تبقى مثل ضرب السهوم لو محى الوقت جرحه طعنته ما امحت كيف ابنسى وانا اللي من جفاف لسموم ما حشمت العيون ولا الدموع فلحت كانها بالحميا كل ربعي قروم لو يلدون لصعاب الظروف صلحت اجزم ان كنت يا قلبي شجاع وجزوم لد لعيون بنتاً لا التفت لفحت من تهين البخيل الا يدين الخدوم دام كف الخطايا بالجفى لوحت نطح الباس باس ونطح اللوم لوم ان تهدت تهد وصيح ان صيحت يا تعيش بمعزه يا تموت محشوم ودك ان الليالي لا فعلت مدحت عمر ضعف الاراده ما يسر الرخوم ضربة السيف لو بأيد الشجاع ذبحت ---------------------------------------------------------------- الأولي والتالي - جا نهار ما رحمتني جيته وقدومه شفت فيه الناس واجد واقفي قبالي كنت احسب انها حقيقه والعرب ملمومه وقمت افضفض عن همومي واشتكي غربالي ويوم زال الحزن عني وانجلى بغيومه واثر اني ما غير اسولف بالخلى بلحالي من عذابي قمت اعزي قصة مرحومه ولعت بأيدين خلي وانطفت بأهمالي قصةً لدت عيون صويحبي من نومه يوم شلت الموت بأيدي وابتلوا عذالي ما رضيت اكسر غلاي وما قدرت ارومه وعاذلي ما صد عني وما قوى منزالي ابتليته لين جتني خنجراً مسمومه وابتلاني لين جا بالأولي والتالي والله انه ما عذلني لين شق هدومه ولين خانتني عزومي وانكسر تنثالي والا انا ما كنت ابين لامطرت ديمومه بالمدامع من فراق المخلصين امثالي كنت اوقف واتذكر نفحة اليشمومه واذكر اني كنت غالي في عيون الغالي واحد كانت نسايب سيرته بسمومه وكان كل ما شاف ظلمي بالهوا يلجا لي ذاك والله كل مرسل في حشاي سهومه انتهى ليل السكينه وابتدا زلزالي والله اني كل ما اسمع سيرته وعلومه قمت اشوف الموت الاحمر واقف بظلالي واشهد اني كل ما اسهى وافتكر برسومه ما وعيت الله وانا ارمي غترتي وعقالي ليت ربي يحتميه ويحرسه ويدومه يومه اقرب من عروقي للجسد بوصالي وليتني لما عرفته ما عرفت خصومه وما وقعت بظلم ناساً ما وراهم والي العذول اللي حرمني حاجةً مقسومه ليه يحرمني قهوتي والدلال دلالي وليه يسأل في غرامي وان بغيت اسومه دام صار الجيب جيبي والريال ريالي والله ان العشق شياً يستحق القومه واشهد ان عيون خلي تستحق افعالي يكفي انه لا نظر لي نظرةً محشومه يرتحف كفي ويوقع من يدي فنجالي وان لمحت بطرف عينه دمعةً مكتومه جيت كلي من عذابي عالي متعالي وان تبوسم لي بعينه والشفا مضمومه والله اني مدري بعدها وش اللي يجرا لي ليت يومي قبل يومه او معاه بيومه وليت حاله غير حالي دام هذا حالي ان غفيت بالليل جتني بالمنام حلومه وان صحيت الصبح ناسي سيرته يطرا لي والله ليبطي عيني تسهره وتقومه ووالله ليبطي عذولي ما يدك حبالي دامني لا زلت احبه واعشقه بهمومه بذكره مع كل خطوطه حللت ترحالي وبذكره مع كل ليله مظلمه مشأومه نزلتني في حشاه ورفعت منزالي وبذكره مع كل دمعه نوخت بكمومه وحسستني بين قدري في غرامي عالي وبذكره كل ما نسيته وان ذكرت سلومه قمت اشوف الناس واجد واقفين قبالي وان حسبت انها حقيقه والعرب ملمومه ما تحكمت بسكوتي لين طال جدالي يوم زال الحزن الحزن وانجلى بغيومه واثر اني لا زلت اسولف بالخلى بلحالي ---------------------------------------------------------------- رد الـسـؤال - انتبهت لدمعها بالهدب والكحل سال لين جفت عينها دمع والقاع ارتوى وابتدت لحظة جفى وانتهت لحظة وصال وانطفى نور السعاده واحسب انه ضوى ما اكتفيت من الهوا والغرام اربع ليال وقفت ايام التلاقي وجا وقت النوى كنت ابسلى وابتسم والتفت عنها شمال لا قويت الصد عنها ولا قلبي قوى ما هقيت ان الهوى عذب قلوب الرجال لين ضاع القلب مني وتفكيري سوى رحت ادور دفوة الشمس ضيعت الظلال جيت اطفي شعلة النار والقلب انكوى ما هقيت ان السعاده خيالاً في خيال تروي قلوب الحبايب وقلبي ما روى كنت ابشتال الهم والهوى ثقل الجبال وان تحملت الجبل ما تحملت الهوى كنت ابسلى بالهوى والهوى صعب المنال ما رضى لي حظي اللي طواني وانطوى قلت لأفراحي تعالي ولا قالت تعال والخفوق ان قلت ابقبل على صدي نوى الله اكبر لا اشرقت شمس يتلاها زوال كيف ابفرح في صباحاً مع الليل استوى لا حصل بالحب قسمة ولا جالي مجال غير اشوف معاند الجرح وعناد الدوى شبت النيران وقفت وجا رد السؤال ما تشب النار يا كود يوصلها ---------------------------------------------------------------- |
يسلموووووووووووو ع النقل
احلا شي الجمهرة :) ^^^ بس اعطيكم رايي |
تسلم على المرور يا الغالي كلك ذوووووق تحياتي لك بتوفيق ربي يحفظك
|
يا هلا
والله احسنت اختيار فعلا واشكرك جدا على هذا القصايد الجميله للشاعرنا الكبير حامد زيد .. لاني من زمان ابحث عن قصايده الجميله حقا ... مع تحياتي لك بدوام الصحه والعافيه ... ان شاء الله .. |
هلا بك شاعر تسلم على المرور ربي يحفظك
|
شكرا شكــــــــــــــــــرا
|
العفوااااااا اخوي واشكرك على مرورك طيب ربي يحفظك
|
جمييييييييل جدا
مشكوووووور أخوي |
مرحبا الساع,,,,,,,,,,,,
مرحبا اخي كومندر ....................
لا تعليق سوء انت مبدع في نقلك الاشعار الجميلة ......... نتظر المزيد منك " سعد علوش " تقبل مروري وتحياتي .... اختكم في الله ,,,,,,,,,,,, |
COMANDER أشكرك أخي
قصائد كثيرة أشبه بالمحيطات الواسعة القصيدة منها تحتاج لوقت كثير حتى تقرأها وتفهمها لغزارة معانيها فما بالك بهذا الكم الهائل من المعاني والافكار في قصائد متعددة قصيدة ( ما لا تفعلون ) أعجبني هذا القول اقتباس:
إني أستخرج من القصيدة هذه اللوافت : اللافتة الأولى >>على المسلم دائما أن يتأكد مما يسمع ويقرأ . اللافتة الثانية>>على المسلم أن ينقل أفكاره بصدق . اللافتة الثالثة>>على المسلم أن يكتب بصدق . اللافتة الرابعة>> على المسلم أن يكون قوله مطابقا لفعله والعكس . والقرآن الكريم كان أسبق إلى هذا قال الله تعالى :{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6 وقال تعالى ((وَالشُّعَرَاء يَتَّبِعُهُمُ الْغَاوُونَ{224} أَلَمْ تَرَ أَنَّهُمْ فِي كُلِّ وَادٍ يَهِيمُونَ{225} وَأَنَّهُمْ يَقُولُونَ مَا لا يَفْعَلُونَ{226} إِلا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيراً وَانتَصَرُوا مِن بَعْدِ مَا ظُلِمُوا وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ{227} )) الشعراء وقال تعالى : (({1} يَا أَيُّهَا الَّذِينَ آَمَنُوا لِمَ تَقُولُونَ مَا لا تَفْعَلُونَ{2} كَبُرَ مَقْتاً عِندَ اللَّهِ أَن تَقُولُوا مَا لا تَفْعَلُونَ{3})) الصف أما بقية القصائد تحتاج إلى وقت لقراءتها والإمعان فيها |
اقتباس:
|
اقتباس:
|
اقتباس:
|
| الساعة الآن 06:24 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها