 |
منتديات حصن عمان
(http://www.hesnoman.com/vb/index.php)
- برج عُمان عبر التاريخ
(http://www.hesnoman.com/vb/forumdisplay.php?f=105)
- - مفردات عمااااانيه هع هع
(http://www.hesnoman.com/vb/showthread.php?t=34342)
مفردات عمااااانيه هع هع
هيلووووووو
اقووول مو خبر ؟؟ موووو علوم؟؟ اليوووم جايبه لكم مفردات عمانيه :S_005: اللي يريد يفهم بعض الناس<<<تعرفوا من:S_011: بساعدكم وبرحمكم......هههههه:S_029: قح : يعني عماني أصلي غاوي: يعني حلو موه : يعني ماذا تو : يعني اللحين إنطش : يعني انروح انروح : يعني نذهب يسدك: يعني يضغط، واخرى بمعنى يكفيك شقعه : يعني مغطه وطيحه صفطه: يعني وقفه لته : يعني إركض وراه عق: يعني إرمي الزوره : يعني سعف النخيل خضريه: يعني الزورة الصغيرة خصفه: يعني الجونية اللي يحطوا فيها الشوى الجونيه: يعني الجراب مشكاك: سيخ التكه، دجاج أو لحم جحه : يعني بطيخة الصخله : يعني صغيرة الماعز الصقيو : صغير صغير الدجاج الحقمه: يعني الحمامة الأليفة باغي: يعني يريد يوكل: يعني يأكل النول: المال الذي يعطى لسائق الاجرة. الـنـفـاف: بداية المطرعندما يهطل بضعف. تصكه : غلقه ( أي أغلق الباب ) تتجمل : تسوي خير كدي : أشتغلي هجع : يعني إهدأ أو إجلس السيح : أرض خالية من السكان تـفـق : مسدس أو بندقية شمج : نسيب السنق : إللي يشوف قدامه أكل وما قادر يتحمل سيم: يعني قطعة حديد وصيمة وصيمه: يعني نحيفة حطبه: يعني خشبة قرمـوص: ثمار السمرة الدرس: يعني زريبة الهوش الهوش: يعني الأغنام الدريـول: السائق الديـص : أحد أنواع الصحون الملة: أحد أنواع الصحون الصفرية: أحد أنواع الصحون ذات الحجم الكبير المغراف: ممكن يكون صحن أو ملعقة الموقعه: أداة خاصة في طحن البهارات السفن: يستخدم مع الموقعة في طحن المواد كسر : خردة:فكة : صرف المال نفس النمونه : عبارة معناها "نفس الشي" هبوبه: رياح خفيفة سيل: مطر غدان: الشي الذي تعلق الثياب به دعن: سطح مصنوع من السعف يروح الثياب: يعني يعلق الثياب حبوه : يعني جدة حبابوه : يعني جد وافقريه : وامـصيـبـتاه واحليله:مسكين دلق : فاك الفم .. أو بمعنى مكشوف الملابس متشنقع : راقد تسندح : استريح تاتيه:تقال للطفل لين يمشي اللولوه : تقال للطفل حين ينام دوك : خذ هبش : امسك خوز : ابتعد انقرع : سير بعيد في ستين داهية شكول : التوأم هوز : أنبوب مياه اللحصيني : الثعلب لومي : ليمون هوش : غنم درس : الزريبة سح : تمر غوازي : فلوس قوطي : علبة صغيرة كراز : كزوزه على قولة المصريين مفقم : مندهش لا يتكلم أو لا يدافع عن حقه وطيه : نعال دوشق : فراش النوم دريشه : نافذة كبت : دولاب مقمشه : ملعقة سنور : قط أو هر جونيه : كيس كبير من المخمل أو الصوف كرفايه : سرير شربت : عصير زلاغ : شراب على قولة المصريين يعني لباس القدم عيش : أرز مرق : صالونة الدهريز : صالة البيت زوليه : فرشة كفخ : إضربه نعفه : الأنف جريجين : إناء للسوائل كبير الحجم زور : سعف النخيل طعام : برسيم تاير : إطار أو عجلة منخمش : منجرح متعور : مصاب بأذى جسدي مال : أرض سكروب : أداة فك المسامير سبانه : أداة فك البراغي أو النتات منز : سرير الطفل الرضيع وقايه : لباس المرأة (غطاء الرأس) أو (الخمار) كوب : كأس يقدف : عملية سكب الأكل أو غيره في إناء أخر صحن مثلا ينجر : يخلط شداغ : خد الوجه هيب + شيول : أدوات للبناء أو الهدم أو إصلاح الأرض سبال : فول سوداني أو بمعنى قرد تفال : ريق أو لعاب الفم شربه : الشوربه أو السوب مجمعه : مقشه الدبه : صندوق السيارة الخلفي هرن : صوت تنبيه السيارة غبشه : وقت الفجر العتيم : وقت الليل مزماه: قفير عود خباط:ضرب يشهق: يفقم : ..؟ المنحاز :الموقعة وهي وعاء يدق بداخله الثوم المدق:المدك:السفن الصوار: اللي يردوبها الفلج يوم يسقو قرن:جبل صغير:قرين السودق: قنطرة يمر فوقها الفلج مثجور: شلال الفلج الخثو: براز البقر وا عوقـي:وا غشي .. بمعنى ما حلو ركزه- خشبة مثبة في الارض ( يركز:يثبت!!!) حريه : ذرة عمانية مسيبلو : يطعموبه الهوش قدف: زورة يابسة سلاه: شوكة ركنه : فرع الشجر جذبة: اللب يوم يخشو النخلة(خشي: تشريح النخلة) شكاع: شوك صغير كربه: بداية الزورة قشابير: فضلات مدك: تفق مل (أشخر) عوق: مرض ، والعويق: المريض دختر: تحريف ل دكتور بمعنى طبيب. باصر: يعالج الناس بالأعشاب ، وجزء كبير من البصار يستخدمون الدجل والشعوذة. سبيتار: المستشفى وسم: كي بالنار (من طرق العلاج التقليدي قديما). حرز: كتابة قرآنية تغلف بقماش وتوضع في عنق المريض أو في ملابسه بقصد الشفاء. يتشرق: اندفاع الماء من فم الشخص بطريقة مفاجئة ومزعجة نتيجة الشرب باستعجال أو بطريقة خاطئة. زوع: قيء ريض: يعني انتظر كفخه : يعني اضربه سطار : يعني صفعة سنقحه: صلعه او الرأس عموما يتخورق: يندس ولا يتحرك خاز باز : نوبة وروم في الغنوز الغنز: الخد صدقوني م راح تفهموا شيء بس لاني كاتبه معناهن جمبهن لكن لو م كاتبه كنتوا بتبلموا هع هع:bleh: |
اللي فهمتها مرة قلييييل ،،
مشكووووورة دبدوبة ^___^ يتهيألي يكون برج التاريخ أفضل :) |
عرفتهن دبوووووووووووووة كلهن خخخخخخخخخخ
صح يبيلة نقل لبرج عمان عبر التاريخ |
ههههههههههه
شكرا ع المرور اوكيه نقلوا برج عمان عبر التاريخ |
الشكر غاليتي ..
حلو نتبادل مفردات لهجاتنا العمانيه لتعم الفائدة .. |
ههههههههههههههه/
ذكرتينا بمديرنا القلم لما يقول قشابير قصده ‘إحنا فضلات هههههه.. لازم تنتقموا منه.. |
هههههههههههههههههههه
بصراحه فنتتتتتتتك .. جرااسيس باباه اوي .. |
الخضرية عندنآ
العصى بو يضرب به صغآر بس آحيآنننآ يوصل للكبآر هع يسسًلمؤؤ |
واااجد غاوي الموضوع خخخخ
|
شكـــــــــــــــــــــــــــــــــــــــــــــــر ا ع المشاركه واكيد تعلمتوا شئ جديد :d
|
| الساعة الآن 10:00 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها