 |
منتديات حصن عمان
(http://www.hesnoman.com/vb/index.php)
- برج مذكرات الأعضاء
(http://www.hesnoman.com/vb/forumdisplay.php?f=118)
- - منوعات وعد الوفا ،،
(http://www.hesnoman.com/vb/showthread.php?t=39446)
منوعات وعد الوفا ،،
صباحكمـ / مساؤكم إشتياق قد يتفاجأ البعض لماذا وضعت موضوع جديد بالرغم من وجود ركني الخاص بهذا البرج !! الإجابة أكتفي بهاا بأن اشتياقي لهذا الصرح هو ما جعلني أجدد يومي بكتابة موضوع جديد وعرض صفحة جديدة ببرج المذكرات ،، قد يكون هناا لي أسلوب مختلف ،، وقد أكرر أسلوبي !! دمتم بكل إحترامـ ،، |
وانا جالسه ع مكتبي ف الدوام ،، جا ف بالي تلفوني جلست اقلب فيه وشد انتباهي مسجات واكتفيت بإبتسامة لأني تذكرت أيامي ! بالرغم ان المسجات هي مجرد مسجات صباحية عبارة عن أدعية أو حكم أو عبارة تنتهي بصباح الخير أو صباح الأمل أو صباح التفاؤل .. ألخ بمعنى كانت مسجات من شخصية تعلمت منها الكثير ،، حتى أمور النت تعلمتها ،، الحماس ف الحوار ،، الأمل ف كل يوم ،، تعلمت معنى الحياة .. ألخ كنت أحس ان الدنيا بعدها بخير ،، وما زال البعض منا ينبه الثاني بالعمل والجد ف يومه ليعيش حياته برضى ربه ! لكن سبحان الله محد يديم لنا غير رب العباد ،، انقطعت هذه المسجات الصباحية لسبب لا أدري ما هو !! بالرغم ان هالمسجات ع حد علمي وحسب ما تعوت م هالشخصية الرائعه الذي اخفي الاسم عنكم لحاجة ف نفس يعقوب كانت تصل لمجموعة كبيرة م الناس منها تحية الصباح ومنها بث الأمل والتفاؤل بصباح مشرق وحيوي ،، الله يحفظ الجميع ،، |
صباحك ورد وعد..
أهلا بكِ وبمدونتك ويومياتك ف هذا البرج.. متابعين لك.. وفقك الله.. |
حوراء ،، رزقك الله كل خير بارك الله فيك |
آهلا بعودتك أخـتـي
بالفعل وجود مثل هذة المسجات شي يفتح النفس من الصباح ولكن دوام الحال من المحــال عزيزتي موفقة.. |
فطاير بالبيف باستري
امممممم تعالوا نسوي فطاير ،، نبدأ معكمـ .. المقادير ،، صدر دجاجة مسلوق و مخلي م العظام ومفتت جلاص م بازلاء مسلوقة مع الدجاج جلاص م الجبنة جلاصين من البيشاميل محضرة م ملعقتين م الزيت و ملعقتين م الدقيق الجلاص = كأس ( للعلم يعني ) سلق الدجاج يكون منفرد هاه يعني تخلوه ناضج بروحه ونسوي الباشميل يمكن زيادة شويات م الحليب وحركوه بسرعة بالمشبك علشان ما يتكتل وهيك وضيفوا الملح و الفلفل اسود ورشة من جوزة الطيب حسب الذوق وبكذا يكون الحشو عندنا جاهز ف طنجرة فوق النار حطوا الدقيق ( الطحين ) ع الزيت واتركوه شويات ،، مثل ما شايفين بهالصوره http://up.7cc.com/upfiles/eSl14526.jpg ملاحظة : اللي يبا ييسوي الحشو بكيفه عادي يعني اللي يبا بدال البازلاء والدجاج عادي حطوا اللي تبوه اوكيشن بعدهااا نضيف الدجاج والبازلاء والجبن الى الخليط اللي سويناه http://up.7cc.com/upfiles/ash14526.jpg ندهن الصينية اللي نشتغل عليه بشويات م الزيت والاهم م كذا تكون عجينة البيف باستري باردة شويات علشان نقدر نفردها على شكل مستطيل ونقسمها طوليا الى ثلاث اقسام بخطين وهمين عن طريق الضغط بخفة بالمسكة ع العجينة ثم قسمي القسمين الخارجين افقيا الى اجزاء بطول 2 سم للجزء شوفوا هنااا ،، http://up.7cc.com/upfiles/9Mb14526.jpg بعدين نضع الحشو وناخذ الجزء الايمن ونغطي به الحشو بشكل مائل ثم الايسر ثم الايمن وهكذا http://up.7cc.com/upfiles/Ihe14526.jpg هذا هو الشكل النهائي ،، http://up.7cc.com/upfiles/nw714526.jpg ندهنهااا ببيض مخفوق بالحليب ورشواا الوجه سمسم وحبة البركة http://up.7cc.com/upfiles/VHy16084.jpg خلوهاا ف فرن متوسط الحرارة مدة نصف ساعة تقريبا http://up.7cc.com/upfiles/tQz16084.jpg بعد ما تخرجوها م الفرن قسموهااا الى قطع فردية وهيك http://up.7cc.com/upfiles/ot016084.jpg هناا وعافية :bye1: |
اقتباس:
اشكرك غاليتي ،، ومثل ما تفضلتي دوام الحال من المحال ! بارك الله فيك |
مساؤك ِ / صباحك ِ ألق
من الجميل أن تعودي مجددا ً بحلة جديدة كهذه نقرأ لك بشغف ... كنت ُ مبتسما ً وصرت ُ جائعا ً قبل الخروج من هـنـا ... تقبل الله الصيام ... |
منا ومنك البراء ،، كل الشكر لك لمرورك م هناا ،، صباحكم سعادة ,, |
صـبآح الـورد واليـآسمين
سـعدت بـ عودتك غـآليتي آشتقـنآ لـ توآجدك فـ الحصن آهـلآ وسـهلآ بـ عودتـك ونـورتي الحصـن وجمـيل آن تـقومي بـ آفتتـآح مـدونه جـديده وبـدآيه جمـيله متـآبعه لك دومـآ بالتـوفيق |
كبيراء انثى ،، تشتاق لك العافية غلاي ،، ولا يهمك ان شاء الله نرجع مثل قبل دعواتك لي ،، بارك الله فيك |
السلام عليكم والرحمه م الله ،، امممممم برياني لحم هذا شكله النهائي :inlove: المقادير : 2 كيلو لحم ( او حسب الرغبه ) 6 أكواب أرز ( عيش يعني وطبعا حسب المقاس اللي تحددوه انتوا ) 4 طماطم ( بندوره لاه ) 3 بصلات 3 بطاطس ( بعضهم يسموه بطاط ) صلصة طماطم - زبادي ( زبادي مو شرط اللي يحبه بس ) زعفران بهارات الطريقة : 1- يقطع اللحم إلى قطع صغيرة ويغسل 2- يغلي اللحم لمدة 45 دقيقة ،، ويضاف الملح والفلفل والليمون ، وتأكدواا م إزالة الفقاعات التي تتجمع ف الأعلى:S_031: 3- وقت ما يغلي اللحم نقطع الخضروات إلى قطع صغيرة 5- هناااا يكون اللحم نضج 6- نحمر البصل ليما يصير لونه ذهبي 7- نضيف اللحم ونخلطه مع البصل 8- نضيف إلى البصل واللحم كل م : 3 ملاعق صغيرة بهارات ،، 2 ملعقة م الكركم وملعقة واحده هاه صغيرة م الفلفل الأحمر وملعقة واحدة صغيرة كزبرة 9- نضيف الزبادي ويخلط كما ف الصورة 11- بعدها نضيف الطماطم اللي قطعناها 12- نضيف بقية الخضروات وتخلط بهالشكل http://up.maas1.com/uploads/images/maas-f2bf155f01.jpg 13- يغطى الخليط ف القدر ويترك لمدة 5 دقائق 14- نضيف معجون الطماطم ويخلط ثم يترك مغطى لمدة 10 دقائق http://up.maas1.com/uploads/images/maas-791601618e.jpg http://up.maas1.com/uploads/images/maas-6fb25d9c80.jpg 15- خلال هالفترة نسلق الأرز ( العيش ) حتى يكون نصف نضج ( يعني لا تخلوهاا عرسية خلوا حباته شويات زينه لا تنضجوه بقوة ) http://up.maas1.com/uploads/images/maas-3e2c9fb535.jpg 16- نضع نصف الأرز ف وعاء أكبر 17- بعدها نضع خليط اللحم فوق الأرز 18- نضع نصف الأرز الأخر فوق الخليط وبكذا سيكون لديك ثلاث طبقات فوق بعض الأرز ثم اللحم ثم الأرز ثم نضيف الزعفران المنقوع على سطح الأرز 19- يغطى القدر بالألمنيوم ويطبخ لمدة ( 10 - 20 دقيقة ) على نار هادئة http://up.maas1.com/uploads/images/maas-390cb69518.jpg 20- بعد ما ينضج الأرز يغرف الأكل في الأطباق مع إضافة شرائح البصل المقلي وبيض مسلوق http://up.maas1.com/uploads/images/maas-51f8cef0e7.jpg بالعافيه عليكم :S_005: |
سوف يأتيني الجوع لما أدخل مدونتك :innocent:
بخبر أحد يعملي هذه الوجبة :essen: يسلموا يا الشيفه وعد .... |
مسـآء آلورد
أسعدك آلله آيـآمك عزيزتي .. متـآبعه لكل منوعـآتك دمتي بخير |
البراء الشرح كافي لاه خلاص يفترض تكون عرفت وتعلمت لييش بعد تدور حد يعلمك ^^
بنت قابوس اسعدتني تواجدك صقيقتي ( صديقتي ^^ ) |
نحن نسوي هالطريقة بالدجاج ونضيف
ايضا قشطة اعتقد للدجاج مع الروب تستوي مرة حلوو وحماس خلاص انا معزوزمة مع هالقاطعة وعدوة |
اقتباس:
|
اقتباس:
كأن فيها نوع من التوريط :yikes: متعمد مثلا ^^ :boxing: عناد فيك بسويها وبجيبها هنا بعد :mad_argue: |
حمااااس كحوله بنصير انا وانتي شيف الحصن ههههه يمشوا لنا راتب اضافي ^^ البراء ،، كحل نورتواا |
كنت اريد اسويها للعشى بس ياخي ماحصلت جبنة خخخخخخخخخخخخخخ
قلت لامي وعصبت علي لان لو دخلت المطبخ اعفسة فوق وحدر خخخخخخخخخ بكرااا ان شاء الله ناوتلهم فالبيت والسبب البراء لو صار فيهم شي |
لييش يصير فيهم شي لا سمح الله !! :confused: ترى طباخ عادي مثل ما متعودين دوم واذا ما تعرفي اتبعي الخطوات لاه وخلصت السالفه :evil_2: لا تتفاولي ع اهلك دبوه :mad_argue: |
فطوووووووور يممممم يمي :S_005: سهههههل مررررررره :icon30: ركزوااا بسسس :whistling: هالمره بنغير اول بنقول المقادير والطريقة واخر شي الصور علشان يسهل علي تحميل الصور وهيك :nosweat: المقادير: بيض توست جبنه شرائح زبده فلفل بقدونس مجفف ( هذا اللي يحبه واللي ما يحبه عادي يحط بداله زعتر او بدون شي بكيفكم ) الطريقه : ناخذ قطعتين توست وحده تكون القاعده و الثانيه تكون الوجه نفرغ قطعه التوست اللي ف الوجه بشكل مربع ع قد حجم شريحه الجبنه نضع القطعتين فوق بعض مع دهن الزبد بينهما ف الفراغ نضع شريحة الجبنه وفوق شريحة الجبنه نضع البيضه و رشه ملح وفلفل ورشه بقدونس مجفف أو زعتر مثل ما قلنا او بدون ما لازم نحط اللي يحب بس :S_005: ندخلهااا الفرن للتحميص و هذي النتيجة :inlove: http://bp0.blogger.com/_Q5SpTKazer0/...+up+toast1.jpg .. http://bp2.blogger.com/_Q5SpTKazer0/...+up+toast3.jpg .. http://bp3.blogger.com/_Q5SpTKazer0/...+up+toast4.jpg .. http://bp3.blogger.com/_Q5SpTKazer0/...+up+toast6.jpg .. و هذي اذا كنتواا تبغوه بيض عيون :sly: http://bp0.blogger.com/_Q5SpTKazer0/...+up+toast1.jpg .. http://bp0.blogger.com/_Q5SpTKazer0/...+up+toast5.jpg .. http://bp2.blogger.com/_Q5SpTKazer0/...+up+toast8.jpg .. http://bp2.blogger.com/_Q5SpTKazer0/...+up+toast9.jpg صحة وهنـاااااااا :walkman: |
اقولكم اللي ما عجبه الشكل كذا نقدر نسوي طريقه الثانية الله يخلي خبز التوست شوفواا الوصفه : ( ترى نفس المقادير هاه ) ناخذ خبز التوست وهو وجهين وجه واحد يقطع بشكل دائري م الوسط ويحتفظ بالقطعه الدائريه ( قطعوه بفنجان ولا كوب صغير او غطا دائري وهيك انزين :essen: ) http://forum.hawahome.com/nupload/107194_1258140674.jpg يدهن الجهة التحتيه جبن سائل ( احسن جبن بوك وهيك اوكييك ) ويوضع الطبقه الثانيه مثل الصوره ثم نكسر البيضه بالفتحه الدائريه مااا تخافوااا ماراح يطلع :thumbsup: ونرش عليه الملح والفلفل وندخلهم الفرن ليماا يستوي او يصير :S_004: البيض ويكون جاهز واخر شي عاد زينوا بالبقدونس او الزعتر :idiot_alam::essen: |
صحتين وهنااا ^^
|
أكـل :D وعد روحي فتحي مطعم بجي كـل يوم عندك :essen: |
يم يم لا خلاص راح اسمية مطبخ وعد العالم ههههههههههههههه
الطريقة وايد رهيبة احب وايد التزين فالاكل والشكل والمنظر النهائي بس ماحب اكل البيض بهالطريقة ^^ بس بجد ابدعتي وعد العالم |
اقتباس:
|
هههههههههههه ياربي انت تدور الاكل نفس السمسوم
زين عادي بعطي ابوي ول اخواني ياكلوة وعدوة اريدة سهمي عن ياخذة البراء كلة ^^ |
اقتباس:
ما يخلص ولدي افتح مطعم ،، تعالوا بيتنا اطبخلكم :S_004: بس دام بتجي كل يوم يعني بربح م وراك شكلي افكر بهالخطوه :idiot_alam::essen: |
اقتباس:
واو وناسة صار معاي مطبخ :yeah: ما تحبي البيض :compress:مشكله ياخي العمانيين اغلبهم يحبوا البيض ;) مو مشكله بدال البيض حطي اي شي بديل اناا اختي مره حطت عليه بدل الجبن شوكليت سائل وبالدائرة زينته بالكراميل طلع رهيب سويت يعني بس اكلته العصر لان كاكاو مو فطور ههههههه يعني انتي بدعي فيه مو شرط بيض :blushing: |
اقتباس:
:nono: كلن ونصيبه ف الاكل :essen: واللي يبا يزيد اكثر يحيده المطبخ ويطبق :thumbsup: سهل الوصف لاه :D |
اقتباس:
ولا يهمك سهمك موجود طال عمرك بس زورينا ف بيتنا :clap: |
http://www.oman15.com/vb/Ramadan2fre...-design_05.jpg بس كذا حبيت اعرض الجزي الأيمن لستايل منتدى :shiny: |
امس نايم معاي اخوي الصغير ف الغرفه ودار هالحوار :
اخوي : بلوح مدرسه الثبت انا انا : حلو عيل نام بدري علشان تتعود تقوم بدري للمدرسة اخوي : ما باكر ألوح الثبت اقولك انا : زين عادي ترى تتعود ع النوم وكذا اخوي : ما تفهمي ياخي بس ما انام انا : افا بس زعلت ما اكلمك عاد انا ما افهم اخوي : ما تكلميني كم يوم ؟ انا ( اشرت بأصابعي ال5 ) اخوي : اعد لك اصابعك ( ابتسم ) بإختصار غير السالفه وجلس يعد الأعداد ( واحد اثنان ثلاثه هههههه الله يخلي اختي الاستاذه تعلمه يقول اثنان مو نحنا زمان نقول اثنين يعني رقم 2 لاه ^^ ) بعدها نام وسوى فراغ بجد ،، المغزى : الاطفال يحبوا م يسمعهم ويتحاور معهم حتى لو كثروا بالاسئلة تحملوهم انا كنت زمان اتنرفز بس ألحين عادي ^^ |
الأطفال زينة الحياة :)
وعد أضحكتني ربي يحفظه لكم .. |
آمين يارب ،، اشكرك البراء عساها دوم الضحكة بأيامك ،، |
صلوا ع اشرف المرسلين سيدنا محمد عليه الصلاة والسلام ،، هذه صورة اخوي الصغير الغالي صاحب الربشة ما شاء الله ،، ما أحلل أحد ياخذ الصورة او يحفظها :no2::S_026: ألحين يدرس تمهيدي :D ربي يحفظه لناا آمين |
مغامرات برهوم ف المدرسة اول يوم راح مع امي وابوي ع اساس انه تسجيل واول مره وهيك ( طبعا ما حضرت ربشته وكيف كان الاستقبال ) بس اليوم الثاني اشوفه قام يدلع قال ما ألوح !! قلت انا بشله معاي وانا رايحه الدوام اوصله يعني اماه خبري المشرفه ما تمر عليه المووووووووهم ركبنا السياره والاخ مستانس حده مرتز قدامه اللي يقول مره ما يحتاج شيخ لعوزني يغير سيدي م سيدي وعفس السياره ليما وصلنا المدرسة ،، م شاف المدرسة أول كلمة قالها اخوي : اخيييييه ما أبا بس لجعيني البيت انا : قوم يلا خلا نزل ترى اخليك هنا واروح عنك الدوام لا تجلس تسوي لي هالحركات يلا اخوي نزل وسكر باب السياره بقوة :evil_lol: ( لان سيارتي فحص لاه فالرجال ماخذ راحنه ) انا : دوك الشحطه يسكر الباب بقوة بعد اخوي : انتي سحطه ( يراد بعد صغار اخر زمن " سحطه = شحطه " ) وصلنا الإدارة ،، اللي اعرفه كان جنبي وانا اسلم ع المديرة تفاجأت ان اخوي محد :devil2: طلعت كذا شوي اشوفه حصلته يسولف مع ولد جيرانا :confused: ( يعني طلع ولد جيرانا موجود ف نفس المدرسه ) اناديه ما سوى لي سالفه :mad_argue: خبرت المديره وكذا اني وصلته وطلعت وانا طالعه شفته يركض لي انا : هاه ليش رجعت اخوي : جيبي فلوث انا : تحصلهم ف الشنطة فلوسك اخوي : لا جيبي ثلاثميه ( يقصد 300 بيسة ) انا : انيزن شي فلوس هناك ف الشنطة اخوي : غيرهن با استري سي ( يعني ابا اشتري شي ) قلت بخاطري : لو بجلس سين وجيم والله بتأخر ع الدوام عطيته اللي يباه ورجعته مكانه وشردت :S_010: ومنهاااااااااااا قلت توبه لا اوصله ولا عندي خبر :boxing: |
هههههههههههههه ما شاء الله تبارك الرحمن ،،
كذا المدونات ولا بلاش ،، طبخات وحركات ،، بجي ازورك هنا دايما لزوم دخول المطبخ ^_* مدونة حلوة برعاية الشيخ ابراهيم الله يحفظه ويدوم طوال لسانه :evil_lol: >> بعيد عني تابعي وعد إلى الأمام سيري ،، |
تعالي كل يوم اورنيت :msn-wink: ما لازم يوم يكون اكل بس :smurf: ههههههه منوره المدونة خيتوو :in_love: |
| الساعة الآن 04:40 AM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها