 |
منتديات حصن عمان
(http://www.hesnoman.com/vb/index.php)
- برج الدروس وملحقات التصميم
(http://www.hesnoman.com/vb/forumdisplay.php?f=100)
- - ( حصريا ) دورة السويش ماكس
(http://www.hesnoman.com/vb/showthread.php?t=34208)
السلام عليكم ورحمة الله وبركاته على بركة الله نبدأ أول درس لأعضاء حصن عمان .. واللي يريد يشاركنا يا هلا :) الدرس إن شاء الله بيكون بالصور .. وطبعا أغلب دروس السويش الموجود ف المواقع ما بالصور وإنما بالفلاش . فحبيت أسهل عليكم الشرح شويه وأشرحها بالصور .. لان البعض يجد صعوبه في تحميل أو رؤية ملفات الفلاش على المواقع المهم نبدأ على بركة الله بعدما نزلنا البرنامج وتعرفنا على الواجهة والأدوات وبعض الأشياء .. خلونا نبدأ في أول عمل . بيكون عملنا على نشيد قصير .. أخترت لكم نشيد لا تكن قلبي .. المنشد علي بوبر حمل النشيد من هنا http://albahara4.com/up/flash/shrh/bobr.mp3 ( أضغط بيمين الماوس ثم حفظ الملف بأسم ) النشيد أصله طويل بس قطعته ليناسب مع الشرح الحين تابعوا الصور .. بظل معكم في المراحل الأولى .. وبعدين كملوا الباقي على نفس المنوال . نفتح البرنامج .. بتظهر لنا نافذة .. نختار الخيار الأول . بدء عمل جديد هذي الصورة بتظهر لك على يمينك .. عباره عن مقاس حجم العمل .. ما يهم كثير . . أنا أخترت 600 * 400 عشان يناسب مع حجم المنتدى في حالة عرض الفلاش هنا وأيضا لون خلفية حقل العمل .. اللون أبيض حاليا .. ما مهم لا تغير شي http://albahara4.com/up/flash/shrh/2.gif الحين .. نبدأ بإدراج الكائنات اول حاجة نعمل إدراج صورة بالطريقة التالية من يسار البرنامج تحصل زر insert أو ادراج .. ثم تختار image أو صورة .. بتظهر عندك الصورة في حقل العمل .. خلي بالك .. إذا كان حجم الصورة اكبر من حجم حقل العمل .. صغرها وخليها تتناسب مع حجم حقل العمل .. وإذا كانت أصغر كبرها . http://albahara4.com/up/flash/shrh/3.gif هذي الصورة توضح أنك بعدما أدرج الصورة في حقل العمل .. ظهرت عندك خصائص الصورة على يمين البرنامج . واضح حقل العمل خلف الصورة .. أنا صغرت الصورة عشان تتناسب مع حقل العمل http://albahara4.com/up/flash/shrh/4.gif الحين أدرجنا الصورة خلاص .. نروح ندرج الصوت أو النشيد من نفس المكان اللي أدرجنا فيه الصورة . نختار insert ثم soundtrack http://albahara4.com/up/flash/shrh/5.gif لاحظت الحين الشريط الزمني تلقائيا تم أضافة الصورة والنشيد في الشريط الزمن مثل ما شايفين في هذي الصورة http://albahara4.com/up/flash/shrh/6.gif الحين ندرج النص وليكن هذا النص عشان يكون مع النشيد ( كلمات النشيد ) إنما العيش إذا ما مسه .. عبق الإيمان من عطر العضات بعدما نختار حرف الـ T تظهر عندنا على يمين البرنامج النص المراد أدراج .. نكتب كلمات النشيد .. أو أول مقطع من النشيد . ثم نذهب لحقل العمل ونضغط ضغطة واحدة وسوف يندرج النص . http://albahara4.com/up/flash/shrh/7.gif شايفين هنا خصائص النص .. مثل ما شفنا سابقا في خصائص الصورة هنا بامكانك تعدل على لون النص وحجمة والخط . http://albahara4.com/up/flash/shrh/8.gif شايفين الحين عندنا 4 كائنات 1. الصورة 2. النشيد 3. النص 4. النص الثاني الحين نبدأ في التأثير .. الصورة ما يحتاجلها تأثير لانها بتبدأ مع بداية العرض مباشرة .. شوف الشريط الزمني والنشيد ما يحتاجلها تأثير أيضا يبقى عندنا النص فقط نروح على أول فريم من فريمات النص مثل ما واضح عندنا في الصورة التالية , ونضغط على الفريم برز الماوس الأيمين .. ونختار أي تأثير .. أنا أخترت fade in ملاحظة : من كلمة place فما تحتها .. هذي كلها كلها كلها تأثيرات بالهبل . تختار منها أي تأثير الحين أندرج عندي التأثير على النص الأول مثل ما هو واضح في الصورة ( طبعا ممكن أطول التأثير أو أقصره ) http://albahara4.com/up/flash/shrh/10.gif الحين روح على الفريم رقم 11 وندرج التأثير للنص الثاني ليش ما أدرجنا التأثير من الفريم رقم 1 ؟؟ بنعرف ليش الحين لما جينا نشغل العرض .. أشتغل النشيد وصار التأثر الأول وصار التأثير الثاني في غير وقته ! يعني المنشد بعده ما قال كلمة ( عبق الإيمان .... ) أيش نسوي شوف الصورة اللي بعد هذي الصورة http://albahara4.com/up/flash/shrh/11.gif نسحب التأثير الثاني إلى الفريمات البعيده شويه .. ونحاول نشغل العرض ونشوف متى يبدأ المنشد في المقطع الثاني .. ونحط التأثير على الفريم اللي يبدأ منه المنشد في انشاد هذا المقطع http://albahara4.com/up/flash/shrh/12.gif الحين خصلنا من الأبيات الأولى .. نجرب نشغل العرض . أريد التطبيق على هذي الخطوات حاليا .. ولما يطبق كل الأعضاء ننتقل للخطوات التالية ملاحظة : لو طبقنا هذا الخطوات بشكل صحيح .. أضمن لكم أنكم بتتعلموا بقية الاشياء بدون دروس .. بتكتشفوا بأنفسكم بقية الأشياء ما بننقل للدرس التالي إلا بعد تطبيقكم لهذا الدرس .. وخاصة الأعضاء اللي كانوا معي من البداية لي سجلوااا معاي ولي حطوا مشاركاتهم هنا ( ابا التطبيق مفهووم ) اللي عنده أي أستفسار يضعه هنا |
عندي سؤال
كل درس كم يوم له لين ما ننتقل الى الدرس الثاني ..؟ لانه تعرفين دوام وجي .. امم انا ان شاء الله بطبقه اليوم وبحط التطبيق هنا |
متابـع بصمت ^_^
وعد بارك الله فيك على جهودك ... |
تقريباا اخوي الهنائي الدرس لي حطيته وافي وكامل ،، بس انا بنتظر الكل يطبق ع اساس اشوف الكل فاهم ،، انتظر الكــــل ^^ |
البراء ،، عادي تشارك لاه مع المتابعة يصير ^^ |
يوووووه سجليني عندك ضمن قائمة الطلبة الي يحتاجلهم متابعة هههههههههه
تلعوزت الله يصرف ابليس تظهر لي أشياء تشبه الي عندك بس ما نفسها .. كأنه ما نفس الإصدار أو شي .. برجعلك مع الصور لأني ما عرفت أكمل التطبيق .. تحميلنا عاد .. |
اتحمل افااا عليك ^_^ أهم شي يكون الشرح واضح ،، انتظرك خيتووو |
تسلمين عزيزتي .. بس آلكرك مـآتحمل معـآي ! آلرآبط مرفوض :) ولآ تنسى تسجليني ^^ |
شوفي هنا خيتوو بنت قابوس
اقتباس: رابط التحميل http://www.4shared.com/file/25624467...wishmax20.html باسوررد فك الضغط brown_samra بنتظرك خيتوو خلاص سجلتك ابا اشوف ابداعك ،، |
مبدعة أختي وعد الوفا ..
نحن نساندك لأي صعوبة تواجهينها في أداء دروسك .. دمت بصحة وعافية .. |
مشكوور اخوي القلم الحزين ،، اشكرك ع التشجيع ^^ بس طبق لاه ما يضرك شي تعلم وعلمناا معك ،، |
اقتباس:
هلآ خيتي .. آلملف فـآضي آللي هو آلكرك !! |
اختي شوفي رد اخونا جريح الذكريات لأورنت عسى تفهمي ( انتي نزلي الكراك وما يهمك بلي داخله )
اقتباس:
|
عووودنا .. سويت لك كوبي للخطوات الي سويتها في التطبيق .. طبعا من أول ما فتحت البرنامج ظهر شي غير عن الي عندك بس يعني نفس المضمون ;) بعدين الخطوة الثانية ما ظهر عندي البوكس الي فيه كل شي مثلك :S_015: فسويت عاد الخطوات التالية وطبعا اخترت القياسات الي تناسب الصورة .. وحتى قائمة الإنسرت الي عندي ما تشبه الي عندك >> خطير البرنامج الي عندي :blush-anim-cl: وهذا شكل البرنامج بعد ادراج الصورة .. شوفي الفرق بين الي عندي في جهة اليمين والي عندك :compress: المهم بعدين سويت ادراج لمقطع الصوت ( النشيد ) وهذه الصورة بعد ادراج النشيد .. وبعدها أضفت النص :detective2: وكملت لخطوة اضافة التأثير .. عاد بعدين ما قدرت أكمل لأن هذا المسج كان يطلعي دايما كل ما أبغى أضغط شي يطلع بوجهي .. ما عرفت ايش اسوي فيه .. وعندي سؤال بخصوص النص .. يوجد عدد معين من الحروف في النص الواحد ؟؟؟ لأني جربت في البداية أكتب الجملتين مع بعض في نص واحد بس ظهر لي المسج الي فوق .. ولما كتبت بس الجملة الأولى عادي صارت .. وسؤال غيره بخصوص طريقة الحفظ .. نحفظ العمل عادي سيف وخلاص ؟! السموحة عاد بتعبك معي :dunno: |
مرحباً أختي orient ..
بالنسبة للرسالة التي يظهرها البرنامج هناك ملفات ناقصة فيه أو في جهاز كمبيوترك ، لذا أنصحك الاستفادة من الروابط التي وضعتها الأستاذة وعد الوفا . أما عن طريقة الحفظ هناك طريقتين : الطريقة الأولى : إذا كان عملك غير مكتمل فالحفظ يكون بالطريقة العادية حتى يمكن الرجوع للمشروع مستقبلاً لاستكماله . الطريقة الثانية : في حالة اكتمال المشروع يتم الحفظ بصيغة swf حتى يكون مشروعك في الوضع التنفيذي . متمنياً للجميع كل التوفيق في تطبيق الدروس والإبداع بما يفوق هذه الدروس .. مع خالص تقديري وشكري للأخت وعد الوفا في متابعة جميع استفسارات المشاركين في الدورة .. دمتم مبدعين أيها الإخوة .. |
اقتباس:
البرنامج منزلتنه من واحد من الروابط الي حطتها أستاذتي وعد الوفا .. ونفسه إلي عطيته الهنائي .. اقتباس:
بشوف اذا حد يظهرله نفس المسج بنزل البرنامج من رابط أخر .. لكن كيف أعرف إذا كانت المشكلة في جهازي ؟؟ >> تحاتي جهازها : اقتباس:
لما أسوي save يظهر لي الحفظ بصيغة swf فقط ولما أسوي save as يظهر لي الحفظ بصيغة swi فقط مع إن المفروض العكس بما إن صيغة swi تسمح بالتعديل في العمل .. على العموم تشكرات كبيرات على المتابعة .. في ميزان حسناتك ان شاء الله .. |
اقتباس:
قبل تنصيبه تأكدي بأنه يتوافق مع جهازك ومن ثم نصيبه بالخطوات الصحيحة وإن شاء الله ستنحل المشكلة .. اقتباس:
متمنياً لك الإبداع في السويتش ماكس .. |
درس سهل وبسيط جدا
|
اقتباس:
تم تركيب آلبرنـآمج بنجـآح :clap: |
امممممممممممم أولا ستووووووووب
الحفظ مو كذا لأن هالبرنامج يختلف عن الفوتوشوب هو صحيح مثل ما قال استاذنا القلم الحزين نحفظه عن طريق save as بس هذا للتعديل لكن ،،، هو ينحفظ كعمل فلاشي لما تخلص عملك اضغط Ctrl+E أو اختيار "Export to SWF" من قائمة File. وتختاروا صيغة SWF هذه مشكله الحفظ وحليناها ،، |
وبعدين ،، جروحه يلا انتظر التطبيق حطي عملك هنا بهالموضوع علشان افتخر بطلابي ( مصدقه عمرك اشوف وعدووه ) خخخخ بنت قابوس ،، مبروك عليك تنصيب البرنامج انتظر التطبيق هاه |
اقتباس:
بخصوص الصور تختلف بسبب إختلاف ف الإصدار لا أكثر ،، بس ف النهاية السويش ماكس له نفس الغرض ونفس القوائم وانتي ما شاء الله عليك عرفتي تحصلي كل القوائم لي موجوده ف الشرح <<< يعني تطمني انتي طالبه مجتهده :thumbup1: بس فيه خطأ معاك ف االبرنامج ،، وبخصوص الخط لا لك الحريه ف الكتابه ماشي أعداد معينه انتي تقدري تتحكمي فيه ،، فيظهر لك المسج لي فوق معناته فيه خطأ بس مادري اذا الكل صادف معاه هالخطأ ولأ انتي بس ! اتمنى الإفاده ع اساس اذا فيه خطأ نبدأ نعالجه م البدايه وننزل الإصدار الجديد ،، خطواتك ف البداية كلها صحيحه واهم شي التأثيرات لا تنسي تباعديها عن بعض لكل م النشيد والكلمات وكذا ع اساس تنضبط معاك ،، انتظر ردك اختي بخصوص البرنامج ما زالت المشكله عندك أو لا ؟! |
سوووري استااااااذه نسيت الواجب ههههههههههه
|
بس اقول استاذه انتي م حطيتيلنا الصوره النهائيه للتصميم
عشان نشووووفه |
اقتباس:
اقتباس:
اقتباس:
جالسة الحين أحاول أنزل اصدار ثاني للبرنامج .. أختي وعد انتِ أي اصدار تستخدمي ؟! اذا ظهر لي المسج مرة ثانية بعد تثبيت الاصدار الجديد عاد بكون متأكدة ان المشكلة في جهازي وبجلس أدمره زيادة :nosweat: تسلمي خيتو على الإفادة والشكر موصول لعمي القلم على المتابعة القيمة للدورة .. جهودكم كبيرة .. يا ليت بقية المشاركين يفيدونا بالمستجدات عندهم علشان نستفيد من بعض ... |
حبيبتي اورنت انا استخدم هالإصدار لي حطيته لكمـ
^_^ رابط التحميل http://www.4shared.com/file/25624467...wishmax20.html[/size[/URL]] [size=4]باسوررد فك الضغط brown_samra تركيب الكراك تنسخ الباتش لمجلد البرنامج C:\Program Files\SWiSH Max2 ومن ثم تفتح ملف الباتش ثم الضغط على كلمة patch وتختار الملف التنفيذي SWiSH Max2 انتظر تطبيقات الكل ،، |
جروحه غلاتي ،، أ،ا ما كملت العمل بس انا بديت فيه علشان الشرح لاه يلا ابا اشوف ابداعاتكمـ ،، ما اقبل أي عذر يلا فرحوني عاد |
تمام استاذه الحين بحط العمل التطبيقي مالي
|
سمحولي إذا قصرت ف دخولي والتأخر ف الرد ع استفساراتكمـ بس هالفتره عندي ظروف عمل اتمنى تقدروها ،، وبعون الله أكون معكم وأساعدكم بلي اقدر عليه ،، |
يلا جروحه فرحيناااا بفلاشك ،، عندي إحساس انه قمة ف الروعه
اترقبه وعسى عاد ما تتأخي ويكون النت عندي صاحي مو تعبان هع هع |
خلاص نزلت اصدار ثاني جديد ونصبته ..
انحلت مشكلة المسج وبنزل التطبيق بعد شوية ان شاء الله .. تسلمي وعد .. |
احم احم أول تطبيق ..
ما حد يسألني كيف صار الكلام يتحرك من فوق لتحت >> وحدي مستغربة http://www.m5zn.com/uploads/2010/9/2...q6oj37cla2.swf |
استاذه هذا التطيق مالي
|
وعد الوفا ليش ما خبرتيني عاد باديين؟؟؟
يا الله! عموما عادي اذا تأخرت شوي؟؟ لأن الحين بدت المرسة والجهاز مفرمت يعني يباله وقت... |
نا كنت مريض ولما جيت أطبق ما فتحت معي أول خطوة
إلي هيه النافذة الأولى إلي نبدأ فيها العمل |
ماشاء الله شطورات عاد التطبيق وايد حلوو
اورنتوة عجبني النشيد كثير اريدة ممكن تجيبية لي تصرفي خخخخخخخ |
احم احم ،، ف البداية حبيت ابشركم ببشاره ان راسي افتر ما اعرفت اي نشيد يتكلم ،، كل نشيد ينطق م صوب ^^
كنت اتمنى تحطوا مثلي روابط ع اساس ما يصير هناك خربطه وكذا بين الفلاشات ،، ع العموم خيتوو اورنت بالعكس الفلاش لي عندك طبيعي وحلو بس اعتقد انتي ما كملتي باقي المقطع ما كتبتيه صح ؟؟ بس كمبدئة بجد فرحتيني بمحاولتك وصدقيني مع الأيام راح تبدعي بروحك اكثر وتكتشفي بهالبرنامج اشياء بروحك وعندي أمل اشوف لك مستقبل بهالمجال ربي يوفقكِ ^_^ جرووحه اممممم ما اشوف كلمات النشيد ع الصوره هاه ( ليش ؟؟ ) بس أهم شي انك ما ضيعتي تعبي وطبقتي الخطوات وأنجزتي عمل فلاش اتمنى انك عاد تمارسي مهمة التصميم ف برنامج السويش ماكس وابا الحصن يتفجر م تصاميمك ،، اتمنى اشوف ابدعاتك بالسويش هناا بالحصن ،، ربي يوفقك خيتوو ^^ جروحه ،، اورنت ،، بجد فرحتوني ويارب دوم هالإبدااع ^^ |
اقتباس:
|
اقتباس:
اقتباس:
امممممم سلامتك أخوي والحمدلله ع السلامه ^^ قصدك ما تظهر لك هالقائمه ؟؟ http://www.hesnoman.net/upload/uploa...9cbed714a7.jpg عيل شو يطلع لك ؟؟ ما حصلت شي ابدا ف القوائم وكذا شي اسمه New movie ??? |
اقتباس:
ليش ما طبقتي ؟؟؟ :no: انتظر تطبيقك دام عجبك تطبيق اورنت وجروحه يلا نبا نشوف إبداعك الاستاذه معصبه عاد لا حد يقرب صوبها >>> :S_009: انتظرك كحوله :msn-wink: |
| الساعة الآن 09:54 AM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها