مشاهدة النسخة كاملة : مسجات لأصحاب الذوق


قاضي المحبة
25-01-2006, 12:07 AM
أحبك كلمة خرسالا سمعتيها نطقت أحبك والحروف أنهار لا جفيتيها نشقت أحبك والغلا شمس لا نسيتيها طفت أحبك والهزى شاعر لا تكلمتي سكت







يضيق الصدر .. لاشفتك .. حبيبي تمسح دموعك
ترى ما اقوى على حزنـك .. لـك الله لاتبكّينـي
حبيبي للفرح دايـم .. ابيـك اتوّقـد اشموعـك
وابا زورك .. وابفرح به .. لـو انـك ما تدانينـي
وش اللي صار باحوالك .. طلبتك قول موضوعك
ألـى هالحـد تغلينـي .. ومـاودك تعنيّـنـي
تعال وشوفها احزانك .. بَنَت في روحي افروعك
هدمت افراح من شانك .. وماتن بـي بساتينـي
حرام ارتاح في نومي .. إذا ماارتحت بهجوعـك
قسم بالله مااخونـك .. مدامـك حيـل تغلينـي
تراك النور لعيوني .. طلبتـك جـود بطلوعـك
أنا المجنون والتايـه .. وليـل الهـم معمينـي
ومدامك مكسف وذابل .. وزايد ياسك وروعـك
أنا لامن دخلت الويل ضايـع.. مـن يقدّينـي؟!
وليل من الفرح يبكي .. يبيك اتجـود برجوعـك
وهمّاً ياتلف حالي .. كفر بـي .. لاعبـاً فينـي
حبيبي وش تبي قلي .. أنا كلي رهـن طوعـك
علامك يابعد عمـري .. حزيـن وماتحاكينـي
تعال وخذ من اشعاري .. تسّلا عطني اسموعك
وإذا ماجاز لك شعري .. حرام اتخطـه ايدينـي
تبي قلبي ترى جالك .. رحل لك ..داخل اضلوعك
تبي روحي .. تبي فرحي .. تبي مالي .. تبي عيني
حبيبي جيتك ابدمعي .. وودي تمسـح ادموعـك
أنـا غصّتنـي العبـره .. دخيلـك لاتبّكينـي..!






مشاعري ترجمتها آهات وحروف
وسطرتها في دفترى مع القصيدي
فيها الم واحزان واشواق ملهوف
وهموم قلبي كل يوم تزيدي
عانيت من دنياي حدتني ظروف
وسهرت مع سوء الليالي وحيدي



من يعوضني مكــــانك "
" لـــو خذاك القلب عني "

" أمـه آدم في غيابك "
" صعـــب فيك تعوضني "





عانيــــــــــت معاك انــــــت
وكم حبك عذبنـــــــــــي
خلاص مليت اعيش مخنوق
ماعاد ينفع عتاب ولوم
0
0 0
0
لاتتريا اكون معاك ارجوك انساني
وانسى هواي مايهمني
اليوم اي رجاك
خلاص منك انا مليت
ولاتقول تهواني اللي يحب مايقسى ولا يخون وينساني
0
0 0
0
انا وفيت في حبي وانت ابد ماحسيت
عطيتك روحي وعمري
لكن والله مافاد وياك
اخر حكي بيكون وياك واخر شوق
يجمعنا
انت بعت الحب بلحظة وابد مايكون
في رجعه





انا تعلمت الجفا من تغلّيك
ومن المذلّة والخضوع انتهينا

من كل قلبي يشهد الله ناسيك
غير الضياع بحبكم وش لقينا

ذيك المحبة كفّنتها لياليك
ياما على كف ّالمودّة بكينا

ابحتفظ في عزّة النفس مابيك
بالناس نلقى اللي نبيه ويبينا

هدّيت عرش الحب يازين بيديك
تبيعنا واليوم تبكي علينا





سكــة العـشاق مافيها توقف
التـوقـف بالهـوا يعـني نهاية
ياحبيب الروح من شكواي خفف
ودي اقهرعاذلـينك واحسدايه
لاتسـوي مستـحـيـل ولا تكـلـف
بــس قل أحـبـك !؟لو دعاية




لو تغتسل تنظف الكف

مافاد ...

القلب قبل الكف به سم حيه


أبطي وتبطي ويبطي
حبك بقلبي
أسال وتسأل ويسأل
شوقنا عنا
أمشي وتمشي ويمشي
زولك بدربي
أروح وتروح ويروح
الزعل منا
أبعد وتبعد ويبعد من
طلب قربي
أجيك وتجيني ونرجع
مثل ماكنا ..!!




ماهمني هرج الخطـا والعيـاره
ادري بك اني في نجاحي بهرتـك


الرجل مايكذب ويرخـص وقـاره
وتراي من ضعفك بصدق احتقرتك


لاتبدي الشكوى بضعف ومـراره
ياماعن افعـال المهانـه نهرتـك


وبقولها لك في صريـح العبـاره
تراي من ضعفك بصدق احتقرتـك



صدمــــــة شعوري بالبشر ماهي غريبــه...
بس الغريبــــــه ليش انا **ماتعلمــــــــت**..


يستاهلووووووونـ حبايبي كلـ خير ^_^
وسبق وباركتـ لهم ..
ولو انهم مو كفو ماقلت مبروك ..
وأنتم عارفيني عدل .. كلمتي ما اجامل فيها ..

ولكن ..
أنتوا معاي في وجهة نظري هذي ؟؟
رباح الشمري يستحق أكثر من ألماسي اوز
وهذا ما حبيت اوضحهـ فقط ..

لاهنتوا ..
وألف شكر ع التوضيح الغير مقنع :)
دمتم بحب ،،





والله


والله


والله واحشنـــــــــــــــــــي مـــــوت

والله واحشني مــــوت ،
خـــاف بعدك أمــــوت ،
قلـــبي لو من حديد ،
ذاب وانته بعيد ،
لو خسرتك حبيبي ،
شلون !! أحـــب من جديد ،
ويـــــن ؟!
ألقى وفا أو أحـــس بدفاا ،

ظلـــــمه بعدك حيــــاتي ،
كـــل شي بيها أختفى ،
روحي يمك حبيبي ،
بايدك اتمنى أمـــــــوت ،

:
:


واحشنــــــــي مـــــوت


:
:





طمنونــــي وش لونهــــــا ..؟
كيف حال عيـــــونها ..؟
الله يســــــــامح هالزمــــــن ..
خلاني احيا دونــــــها..
مدري كيــــــــــف اوضاعها ...؟
عصاها الزمن او طــــاعها ..؟
تســـــعدها ذكـــــراها معـــــي ولاتزيـــــــد اوجاعها ..
تضحك حياتـــــي ..؟ تبتســـــــــم..؟ ولاحزينـــــه وساكتــــــــه ..؟




لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح



أشتــاق له شوق المحبين لليل
وارتــاح له راحت دموع الحزين ِ
لا صار جنبي لو سنه وقتي بخيل
ولو غاب لو لحظة ضاقت سنيني
قـالوا يحبك قلت هذا هو الويل
مــا ودي أنشد ثم رفضه يجيني
واهدم رجاي بدبرتي مثل ما قيل
والأفضل أحيــا بالأمل لو لحيني
يــا حبكم يا ناس للقال والقيلي
الله يجازي . . جملة العــاذليني
خلوني أحيا في الوهم يالعواذيل
وش دخلكم والأمر بينــه وبيني




قالوا :
ترى مالك امل في قربها لو يوم !!
ابعد وجنب دربها هذا هو المقسوم !!
قلت :
اتركوني واسكتوا خلو العتب واللوم !!
قدني غرقت في بحرها ولاعاد يفيد العوم !!
قالوا :
ترى في حبها ويل واسى وهموم !!
قلت : ان قتلني حبها حسبي
تقول :
مرحوم !!
قالوا :
انسى ذكرها منتب بها ملزوم !!
قلت :
ابشروا ياعذلين بـ نسى لذيذ النوم !!
قالوا :
بـ تلقى غيرها واترك هواها اليوم !!
قلت :
العفو ياحسدين ما ابدل القمر بـ نجوم !!
قالوا :
لـ غيرك حبها !!
قلت :
الجواب مفهوم دام انها متهنيه وشلون اصير محروم !!
بـ قضي الليالي انتظر صابر على المقسوم !!
متعلق بـ طرف الأمل يمكن يجيني نوم !!!!



ياوحشةغيابك ،،
وياشين فرقاك ،،
وياكبر ذنب الزمان ،،
كنه حسبني نسيتك



ماعاد باقي للزمن عندي أعذار!!
مدام صار الوقت هجر وقطاعه,,
شربت من جور الزمن"خمسة" أنهار
حــــزن
أمـــل
حلم
وخيال
وقناعه
بيني وبين الحظ غربه ومشوار
همي
~سنــه~
وأفراح دنياي
~ساعه






ليت الالم بعروق قلبي ولا فيك 00 وليت التعب غلطان ساهي ولاجاك00 لو الشفا بظلوع صدري فداياك00 اللة من شر المقادير يحميك 00واللة يحفظك ياغالي ويرعاك

فارس الحصن
25-01-2006, 11:03 AM
يا الله ..

تعجز كلماتي عن الوفاء بحقك وشكرك اخي الحبيب على ماسطرت ...سلمت ..

دموع الورد
26-01-2006, 11:46 AM
شكرا لك عزيزي




مسجات في غاية الذوووووق والروووووووعه

اميره الورد
26-01-2006, 01:12 PM
مسجاات حلوووووووووووووووووووووووه شى رائع الحيين تلفوونى بينترس هههههههههههههههههههه

~*¤ô§ô¤ قماري~*¤ô§ô¤*~::
29-01-2006, 01:30 AM
سكــة العـشاق مافيها توقف
التـوقـف بالهـوا يعـني نهاية
ياحبيب الروح من شكواي خفف
ودي اقهرعاذلـينك واحسدايه
لاتسـوي مستـحـيـل ولا تكـلـف
بــس قل أحـبـك !؟لو دعاية

يسلموو خويه على المسجات الكشخه ....

القلم الحزين
05-02-2006, 01:27 PM
من يعوضني مكــــانك "
" لـــو خذاك القلب عني "

" أمـه آدم في غيابك "
" صعـــب فيك تعوضني "

بصراحة مسجات قمة الذوق تسلم يا قاضي المحبة ..
بصراحة لك ذوق !!!

الفارس البلوشي
21-05-2006, 08:35 AM
قاضي المحبه

لك جزيل الشكر على هالمسجات الرائعه .

قاضي المحبة
16-06-2006, 01:46 PM
انتوا اصحاب الذوق شكرا على مروركم