ياهلا ومراحب بالجميع في موضوعي هذا
أحببت أن أضيف هذة القصيدة النبطية بعنوان (نحبك سيدي حتى النخاع)
هي قصيدة نبطية حديثة لشاعر عماني لفتت إنتباهي واييييييييييييييد
وحبيت أني أشارككم فيها وأدعوا لي بالتوفيق


جينا بكل الأصابع نحصي أفضالك
لقينا أفضالك تفوق الأصابع لو حصينا
وجينا قلوب ضخت لك دماها ونبض صلالك
نحاول نوفي أبياض اليمين وماوفيناها
قرينا المجد لاوالله لمحنا المجد يقرألك
إلين تشابة المجد النخيل اللي عهدناها
بلادا شرقها شروق إبتسامة من بهى أوصالك
تموج بحرها ابيات القصيدة وماكتبناها
بلادا وين يممنا نظرنا لاحت أعمالك
كأن أعمالك تدار العيون ومادريناها
حلمنا ياقابوس نكسب رضاك ونجيب إنجازنا قبالك
نقبل راسك ونمضي نكمل ما أبتديناها
مسيرة حلم تاريخ ومسافه عشقها أميالك
لدار بخنجر وسيفين أقسم ماخذلناها
نهار الشمس ياشمس النهار ومقوي لحالك
طريق العز ياعز الطريق اللي سلكناها
شموخ الطيب ياطيب الشموخ الملك والمالك
عظيم الشأن يالشأن العظيم بأرض عشناها
نحبك سيدي حتى النخاع وكلنا عيالك
ونفخر بطيبك وهذي وطننا دووووم نفداها


أتمنى إني أكون وفقت في إختيار هذة الأبيات المهداة للوطن الأبي وقائدها
المقدام الفذ

أختكم : دلع

قصيده في منتهى القوه .. ويستاهلها جلالة السلطان وتفداه ارواحنا ..

تسلمين دلع على المشاركه

تسلم أخوي راعي البوش على المرور الكريم
وأكيد مهما قدمنا للوطن الغالي وقائدة ماراح نوفي بالحق

أختك : دلع

مسيرة حلم تاريخ ومسافه عشقها أميالك
لدار بخنجر وســـيفين أقســـــم ماخذلناها

ولن نخذلها دام فوق أرضها وتحت سماها

دلع ...
أخيتار في غاية الروعه .. لك الشكر على ذلك ...

تسلم أخوي الليث على المرور الكريم
وأكيد لازم نكون على قلب واحد ونبني الوطن المعطاء
دمت بود
أختك : دلع

مراحب

دلع انتقاء جميل للأبيات :)

دمت بود

أبيات رائعة

تسلمي أختي دلع

تسلمي يالملاك الغريب على وجودك المشرف لي بين صفحاتي المتواضعة

أختك : دلع

مشكور أخوي البراء على تشريفك لي في موضوعي البسيط

أختك : دلع