سلام ماراح اطول عليكم عندي وضوع لنقاش ايش رايكم في الغربه للدراسه ومن هم وتفكير وبعد عن الاهل ورغم الظروف الصعبه التي يعيش فيها الطالب في الغربه ......... مع العلم بان لا نحظر الاعياد والمناسبات في البلد ........سؤال اسال به نفسي كيف راح يكون العيد؟؟؟؟؟؟ والناس فرحه مع الاهل والجيران والصدقاء . مع العلم هذا لي ثالث عيد بعيد عن الاهل وعن البلد... بسبب الدراسه .... وما اقوا الى الصبر كلها وقت وتهون ؟؟؟؟ بصراحه ايام العيد صعبه في الغربه مانحس باننا في عيد لااي شي بس الاحساس الوحيد انك وحيد قي الغربه ....
راح اوصف يوم العيد لكم عادتا قبل العيد الناس في الاسواق وتجهيزات للعيد وعندنا ولا كانه في شي اسمه عيد ..
ويوم العيد رايحين المسجد للصلاه العيد وبعد الصلاه للبيت تكمله النوم وفيه بعض الشباب بعد الاصابع يتزاورون للاحساس بهذا اليوم والعصر نطلع السوق وبعد المغرب السينما وخلص يوم العيد

انا ماقول او اشتكي من الدراسه او الغربه بس حبيت اوضح بعض النقاط لان في البعض يفظل الغربه
هذا انا اتكلم عن نفسي او غربتي وفي النهايه
عزك بلادك لها تامر وتنهي فديت عمان
وشكرا لكم

كيه انا يوم حياني يكونوا في الحج ولا واحد من اخواني مداوم
وماحاضرين العيد معنا وأحس بأني تايهة ..
ماشي أحلى من جمعة الاهل في العيد ..
الله يصبرك ياخوي
مو وازنك تتغرب دامك ماتحب الغربة ؟؟

اختي انا ماقلت ماحب الغربه
والله العظيم استفدنا اشياء كثيره من الغربه وعلمتنا الكثير انا ما انساها ....
الي شاغلني العيد يعني يكون ثالث عيد بعيد عن الاهل لاكن الصبر زين
واشكرك اختي على المشاركه

مسكين:(
الله يعينك اخي
اكيد العيد بعيد عن الاهل ماله طعم ابدا
بس انت حاول تتصل فيهم بالعيد الصبح واسألهم ،، هاه شو تسوون ،، واتصل فيهم بفترات متقاربه علشان تحس انك معاهم ،، وحاولوا انت وربعك في غربتكم ،، تسوون مشاوي وغيرة في العيد وعيدوا مع بعض ،، علشان تنسوا الغربه شوي،،،

اتمنى لك التوفيق
دمت بود

اشكرك اخي العزيز على الموضوع الجميل وفعلا العيد بدون الاهل لوعة والم وعذاب..

هي هكذا الأيام ..
عليك بالصبر ... ومحاولة الاستمتاع قدر استطاعتك
وتذكر بانك في قلوب احبتك دوما وإن كنت بعيدا عنهم ..
كون موضوعك نقاشي
ينقل إلى برج النقاش .. للتحدث عن الغربة وايجابياتها وسلبياتها ..
أدامك الخالق وكن هنا دوما ...
وفقك ربي

مرحبا بك أخي the king
الغربة بكل تأكيد مرة والبعد عن الأحباب أمر منها .. ولكن أحياناً نضحي بسعادتنا ونضحي بتواجدنا بين أهلنا وأصدقائنا لهدف أسمى لبناء الوطن ولنعود بالنفع والفائدة على أنفسنا وأهلنا .
فما أجمل الصبر للأهداف النبيلة وتحقيق الآمال والطموح ، ونأمل عودتك في أرض عمان للمساهمة في رقيها وبناء حضارتها فكم هي محتاجة لمثل عقولكم النيرة وأذهانكم المتوقدة بالعزيمة والإرادة ..
الشكر الموصول لك أخي the king وإن شاء الله بتواجدك معنا ستحس بأنك بين أهلك وربعك ..
تحياتي واحترامي العظيم لك ..

اشكركم على هذي المشاركات من القلم الحزين وفتى صحم دره الايمان وامل حياتي
اشكرك القلم الحزين والله انا من اشتركت في هذا المنتدى وانا باحساس غريب بين لاصحاب والتواصل معهم
دره الايمان الله يخليك من كثر الاستمتاع بالوقت نضيع وقت الدراسه وهيا فكره حلوه منك بس تكون بتنظيم الوقت
وامل حياتي اشكرك على التواصل المستمر معنا

وفتى صحم فكرتك حلوه وعاملينها بعض الشباب هذي التجمعات في يوم العيد على الشوى والهرسيه وغيرها من الاكلات العمانيه

بارك الله فيك أخي the king ..
تواجدك الدائم بيننا يسعدنا وحصن عمان بيتك الثاني ضمن إخوتك وأخواتك وانت على الرحب والسعة دائما فأنت منا وفينا .
وإن شاء الله تعالى سيكون عيدكم سعيد دائماً لأن إحساسنا بأنكم موجودين بيننا ..
كل التحية والتقدير لك أخي العزيز ..

يااااااااااااه من الغربة

الله يعينك أخوي
الغربة تعب نفسي
أنا غربتي داخلية و ما قاااااادرة أتحمل
أحس روحي مثل السمكة إللي تخرج من البحر

نتعلم و نكسب خبرات و علم و نلتقي بأحباب وهذا إللي يخفف مر الغربة

حاول أخوي تتجمعوا مع ربعكم و تحتفلون مع بعض بالعيد تخرجون للصلاة تهنون تطبخون عرسية و مشاكيك تطلعون البر

و الله يفرررج عليكم و يخفف غربتكم و توصلون لأهلكم بخير و عافية ... محققين مرادكم