بعض الابيات من شعر الشاعر عوض نفاع اتمنى انها تنال ولو على ربع اعحابكم......:)


فجأة ,
يكون التحدي أكبر بكثير من المهادنة النفسية
تنقلب الموازين وتنعكس الإتجاهات
ويأتي الإعتراف

مــبروك فوزك علي .. فعلاً خذيت الكاس
بيّـنت كل ما خفى ... شمّتّ فينا الناس
نويت وفعلاً قدرت .. وأنا أعترف لك : خسرت
أستاهل اللي جرى .. والله ..
ما قــصـّــرت ........

يحاول تهدئة الوضع أكثر
يتمسّك بخيط الوصال الرفيع
على الرغم من جميع محاولاته , صرخ :

إرتحتي الحين .. يعني الحين ارتحتي
هذا الفراق اللي كل عمرك تنادينه

ما اذكر في مرة جرحتيني وتسامحتي
وإن جيتك أشكي سبب هالجرح , تنسينه

أموت وأعرف , وش اللي يصير لا رحتي
مو طول عمرك وعذر الوصل تبدينه

........

لا يريد أن يقول شيء
يريد من الحبيب أن يفهمه من غير قول
يحاول التلميح
يرمي بأولى الحروف متعمداً
لا يستطيع المقاومة , إنفجر :

ملّيت , ملّيت , شف لي حل وارحمني
لا يا بعد كل غاليني وبعد ناسي

مفروض لا شفتني ضايق , تكلمني
يالله حبيبي , تعال وجدد إحساسي

أدري بك إنك قبل لا آقول , تفهمني
وتعطيني اللي ابي قبل أطلق أنفاسي

نسيت يومك على الشوفة , تعشّمني ؟
إن كنت ناسي , ترى قلبي مهو ناسي

........

حان الفراق
بدأت دقات القلب تركض
تركض , تركض , تركض
وذبلت عقارب السنين :


يا حبيبي
الثواني عندها موعد لقا
وإحنا , قررنا انتفارق
وقّف الساعة ..
طلبتك
ما بقى إلاّ الجروح
وْلا خذيت إلاّ الدوا
لو بقى بالروح روح
خلّنا نبقى سوا
عاشقك يا روحي , عاشق

........

بلا موقف
هكذا , كالمصيبة أتت :


لك عين تسأل بعد ما شفتك بعيني
ويّاه تمشي ويدينك تحضن إيدينه

فرحي وعذابي , قِسَمْتِه بينك وبيني
وأثرك قسمته ورايا , بينك وبينه

........


في ليلة دمع ..
ودّعه , لم تدم يداه معانقة دفا روحه كثيراً
هذا هو القدر ,
لابد أن نفترق , لابد
إلتقى به بعد ألف ليلة آه
حاول جس نبضه بـ : شخبارك ؟
وبلا تردد وبكل ثقة وهدوء جاوب :


أبشرك ..

ما فيني إلاّ العافية

وللحينها أشواقي مثل أول , وأكثر

دافية

كل الأمور بخير .. طيّب , يا مال الخير

وقلوبنا , مهما نغيب ونفترق

يا صاحبي متصافية

الشوك ما يجرح سوى من كان رجله حافية

.......
ارجو ان تنال اعجابكم


أخيكم رمال ُعمان

تحيتي لكم .

تسلم عزيزي الغالي رمال عمان ع هذا الشعر من الشاعر عوض نفاع

كلمات جميلة ورائعه
دائما" قلمك هو هكذا أخي العزيز
رمال ُعمان
نور وأبداع وجمال في الكلمات
بوركت أناملك الذهبية لما أبدعته
ودمت بحفظ المولى عزوجل

تسلم الشعر رااااااائع بلفعل
تقبل مروري ع صفحت

كل الشكر التحيه لكم على تواجدكم في صفحتي .

رمال ُعمان .

مسـ ـاء الشـ ـعر ..

الشـ ـاعر عـ ـوض أبيـ ـاته جميـ ـلة ..

أحسنت الأنتقــاء .. !

تحيتي .. !

مـ لاكـ

يا حبيبي
الثواني عندها موعد لقا
وإحنا , قررنا انتفارق
وقّف الساعة ..
طلبتك
ما بقى إلاّ الجروح
وْلا خذيت إلاّ الدوا
لو بقى بالروح روح
خلّنا نبقى سوا
عاشقك يا روحي , عاشق
روعة في الاختيار
ورعة في التحليل

كل الشكر والتقدير لشخصك الكريم ع الذوق في انتقاء الاحسن ,,,

بارك الله فيك والى الامام ,,,,,


وداعه الله

أشكر مراركم أعزائى

تحيتي لكم.