المساعد الشخصي الرقمي

مشاهدة النسخة كاملة : الــوقت مــايعرف حبيبي ولا جــاهـ..

قلبي منهار
13-03-2011, 12:28 AM
بسم الله الرحمن الرحيم




:inlove:





الــوقت مــايعرف حبيبي ولا جــاهـ ..

والناس ماتدري عن الصدر وش فيه


أكــذب وأقـول إني معزم بنســاهـ ..
وأكذب على نفسي إذا قلت مابيه


والآآآآه فــــيني خـــاوت الآه والآآآهـ ..
ليمن تعمّد عاذل القلب يطريه


وأتذكــره وأذكــر يســــاري بيمناهـ ..
وأنا مغمض عين قلبي على يديه


قلت أتصل؟ لا مــاتصل بترجـــاهـ ..
وأسرح الين أصحى بضحكة غناويه


من غير ما اشعر كيف وشلون ابداهـ ..
ألوو ؟؟ ساكت كن ماني أحاكيه


ألــووو ؟ مـــابي غيرهـــا وأتــــفداهـ ..
ورغم إني ماني مزعله قمت أراضيه


دوم أتسائل ليه يسكت وأنا معاهـ ..
وأثره يبيني أنتبه لجل أناديه


من شان يسمع قلب تشهق خلاياهـ ..
لاقلت ( نصفي الثــآنـي ) جاني الرد لبيه


وأتعمــد أتبعـــــثر إذا كنـــت ويـــاهـ ..
وماهو مقصر جعلني فدوه لكفيه


أدري ويــــدري كــــم أحبه وأهـــــــواهـ ..
وأشتاق له حتى وأنا بين ضلعيه


ويتعمد الحيرة أنادي ويرد هــــاااهـ ..
وإن عزم بيذبح يجي يقولي ليه


ساعات أنا اتسائل أنا ليه ؟ أنا ياآآهـ ..
أقسم بربي أرتبك لاهمس هيه


لـــــبيه كــــل مــازمّ لي شفـــاهـ ..
لـــبيه ماهي مثل مــــانقول لبيه


تشلع عــــروق الـــقلب والله واللهـ ..
لين النفس ماعاد ياتاس يمديه


وتضج في صدري من الشوق ويلاهـ ..
وأصرخ انا والقلب بالصوت نغليه


يــــالبني كـــــلي بضحكة ثنايـــاهـ ..
يومه تلفت شاف ماني حواليه


يصب في فنجان أذني حكاياه
وتعرق أصابع لوعتي لي نطق جيه


حتى لو إني ساكت أسمع حزاياه
وماعاد يبقى في اللساني سوااا أيه


يعرف طريقهـ وسط صدري وممشاهـ ..
تتغنج بممشى عروقي خطاويه


الغيد بـ ع ـيوني غدن جملة أشباهـ ..
والحسن والفتان أول أساميه


مو قلت أنا أكــذب إذا قلت بنســاهـ ..
وإللي خلقني ماتركه أو أخليه



:bleh:
امير البلوش
16-03-2011, 06:12 PM
السلام عليكم ورحمة الله وبركاته

تسلمين حبوبه على كلماتج الرائعة

جميل ما سطرتيه لنا من ابداع

كل الشكر لج سيدتي

لكي ودي واحترامي
قلبي منهار
16-03-2011, 06:21 PM
السلام عليكم ورحمة الله وبركاته

تسلمين حبوبه على كلماتج الرائعة

جميل ما سطرتيه لنا من ابداع

كل الشكر لج سيدتي

لكي ودي واحترامي

وعليكم السلام ورحمة الله وبركاته

ربي يسلمك

باااارك الله فيك :s_021:
بعثرتهم هيبتي
16-03-2011, 06:24 PM
جميل ما خطته حروفك اختي
شكرا لك ع الطرح
عنيدة بكلمتي
16-03-2011, 07:04 PM
السلام عليكم ورحمة الله وبركاته
يسلمووو قصيده رووعه
صح لسانج
ربي يعطيج العافية
لؤلؤة الجزائر
17-03-2011, 01:16 PM
يسلموووووووووووو كلمات حلووووووووووة

شكرا لكـــــــ وتحية مني
كحل العين
18-03-2011, 02:37 AM
كلمات جميلة ورائعة

تسلمي غاليتي ع النقل الجميل
قلبي منهار
18-03-2011, 10:52 PM
بسم الله الرحمن الرحيم



اسعدني مروركم الغااااوي ..