قصيدة عشم إبليس


تمنّي كثر ماودّك تمنّي كثر ماتبغين
ترا ل ابليس في كفره عشم بمعانق الجنه

ومثله هم تماديتي رذالة طبع ليما الحين
ونفس الإنحطاط اللي تركتك تغرقي منه

أجي وآكفكف دموعك ؟! ياشيخه استغفري تكفين
أنا فرضٍ علي ابعد إذا فيك الغدر سنه

وانا ماني من اللي لوهجرتيهم تجي تلقين
يبوس الأرض لعيونك ويخفي شيمته عنه

ولاني بناقصٍ عزوه وثاري ماخذه ثارين
ولالي يد مكتوفه ولحدٍ له علي منّه

تراني لوبغيت أعشق بدالك ياليهد تسعين
ولكن ماني بزيرٍ عيون الغيد لدّنه

أحبك إيه على راسي / تذليني؟ تهبي وتخسين
وربي ماخلقها اللي تفطْر القلب وتعنّه

يقولوا غلطة الشاطر بألف وغلطتك بالفين
تفننتي وكثير اللي بغروره مات في فنّه

بغطرستك وطغيانك ونكران الجميل سنين
تفاخرتي/ وتاليها جنيتي خيبتك لنّه/

عشقتي منهو صورلك وزين عالمك تزيين
عماك ان قال لك انتي من الحلوات شدّنه

وصدقتي ل قال انه حبس مارد علاء الدين
بخاتم إصبعه ولوهو نده للحور لبنّه

تمرجحبك على كيفه شمال يبهذلك ويمين
رماك احقر من الجيفه ودموعك مايضعفنه

لو انك للزجاج اللي تحطم فادره تلمين
تعالي ولملمي عشقس رياح الكذب هدنه

لو انك للغرام اللي تهاوى قادره تردين
تعالي ودحرجي نردك بقلبٍ ضامر كنّه

طفل مذبوح له أمه وغدت بيدينه السكين
ألف مثلك لوبياخذ لثاره مايكفنّه

دخيلك لوتعزيني بهذا الدرب لاتمرين
أمانه بس لومره خفوقي حقّقي ظنه

مدام انتي بلاقلب وبلاذمه وضعيفة دين
حلفت اني على فراقك مااجر الصوت والونه

ولن الغدر بعروقك لزوم انا نصير اثنين
وننهي مسرحية كذب عيونك مايوفنه

يابنت الناس أنا ملك بشر عظم ولحم من طين
ماغير انها كفوفٍ بيض ع الإخلاص ربنه

على الله المقبلات أهون ويجبر خاطري المسكين
عزاي اني لياقفيت صحتي لخافقي وانه/

ترجيتي وتبكبكتي وانا استوفيت منكِ الدين
بحفظ الموت يافلانه جليبك واطفحي منه

طلبتي المغفرة وركعة لربك رافضة تصلّين
عشم نفسك يذكرني بعشم إبليس بالجنه


للشاعر المتألق مطر البريكي


تحيااااتي للجميع

وانا ماني من اللي لوهجرتيهم تجي تلقين
يبوس الأرض لعيونك ويخفي شيمته عنه

شموخ واضح وكبرياء بلا حدود
جميله جدا القصيده
أحسنت النقل والاختيار
شكرا لك

شكرا ع المرور

ربي يعافيك

شكراً لك أخي فتى الشرقية ..

قصيدة رائعة وإنتقاء مميز..

ربي يعطيك الصحة والعافية ..

دمت بحفظ الرحمن أخي ..

شكرا ع المرور