السلام عليكم ورحمة الله وبركاته

اول مة اجرب اسوي قروص بس الحمدلله طلعن حلوات
طبعا بعد دعم الجميع هههههههه الظاهر انهم يبوني اطبخ



المهم المقادير هي كالتالي:

تجيوا خضار حسب رغبتكم " مثلا طماطم, فلفل رومي, بصل, جزر , خس الخ

وتقطعوهن قطع صغيرة جدا جدا جدا جدا

اذا ماقدرتوا تقطعوهن صغار بايدكم عليكم بالماكينة ههههههههههه

انزين وبعدين تجيبوا الطحين طبعا على حسب كمية الخضار
وتضيفوا بيض بعد على حسب الخضار وشوية ملح
والقليل من الزعفران للي يحب الزعفران وبعد علشان يعطيه لون برتقالي حلو ولذيذ

بعدي تخلطوهن كلهن بالماي ويكون لا سميك ولا خفيف يعني وسط
وبعدين قلوهن وبالهنا والشفا

ذا طلعن ما حلوات معناته ايدكم ما تجي عالطبخ " هذي عاذرتي لما افشل فالطبخ "




جربوها وخبروني بالنتجية ....

ما شاء الله عليك خيتوو ..
طلعتي شطورة في الطبخ وتعرفي تسوي قروص بعد ..

ما اعرف ليش اول ما قريت كلمة قروص
في العنوان راح بالي في مكان غير .. :S_025:

:

حماس القروص لان فيهن خضار يعني بتكون اكلة صحية 100 بالمية .. :S_019:

نحن البيت نسوي القروص التقليدية الخضار ( احيانا بس طماط )
وبيض وملح واستوى قرص ولا ترا بيكون بيض بس وملح ..


النوع الثاني من القروص بس طحين وماي وملح
وبيضة وحدة او ثنتين واذا شوية زعفران ..
وخلاص ياكلوهن ساخنات مع العسل ..


ما اعرف القروص مالكم فيهن دمج للنوعين ولا كيف
بس أكيد تستاهل الوحدة منها تجربها وتشوفها كيف تطلع ..


ههههههههههههه زدجالية ضحكتيني
اوين اذا ما طلعن زين يعني المشكلة في اليدين ما مال طبخ ها ؟!

لو حطيتي لنا صورة نهائية علشان نشوف كيف الشكل الاخير :yeah:

:nosweat:««زدجالية وين الصورة عشان تكون الاكلة ألذ..
ولا أحترقن القروص أشك إنهن أحترقن ..
بس أقولك أنا عندي خبرة ف طبخ القروص بس لا تخبري حد :pirate2:
::
لدرجة أن البعض قالولي نخاف يجينا تسمم من طبخك هههههههههههههها!
*_8
بنجربها وبنشوف كيف!!

يم يم
تدرو ليش ما أقدر أدخل هنيه
لاني يوعانه
واحسن يوم مشي صوره
خفت على عمري أدوخ لما أشوف الصوره

ياعيني.. :p هذه قروص ولا سلطة .؟!.:flex:
بصراحة من المكونات واضح ان الطبخة حلوة ..


اورينت جربي وخبرينـــــــــــا..! :yeah:
زدجالية .. تعيشي وتدخلي المطبخ ..;) ثانكس..

جلفو الله يسامحك
هذا جزاتي اني ما تعلمت الطبخ لما كنت شباب
تو عجزنا وصرنا نهيس فيه هههههههههههههه

مابقى شيء ماعرفته حتى المندي
صرت خبير لاه

عقبالكن بنوتات

قروصكم غير..

نحن قروصنا مثل ما ذكرت اورنت

نسوي طحين وبيضه وملح وماي وناكلهن مع العسل والسمن

والنوع الثاني بيض وملح .. قرص بيض واحيانا فيه بصل وفليفله وطماط يطلع حماس

بس زين نجرب هالنوع خخخ بسير اخبرهم ^^

النوع الثاني من القروص بس طحين وماي وملح
وبيضة وحدة او ثنتين واذا شوية زعفران ..
وخلاص ياكلوهن ساخنات مع العسل ..




:4:
الزدجالية ..

يوم قرأت قروص شعرت بالحرارة تلفحني ..^^
لم أكن أعلم أن لـِ القروص أكلات أخرى فقط كنت أعلم ما أقتبسته أعلاه !

^^
عزمينا على خضرتكم
وبنعزمك على صحينا ..!

هاه ؟

:

يا ليت لو زودتينا بـ صور لـِ قروصكم ^^

موفقة يا شيف ..

اووووووووه الزدجاليه ما شاالله طبخ ومطبح..
ونعم فيك..

حلوه الطبخه خضار اهم شي.. يعني اكيد حلوه..
تسلم اياديك..

يعطيج العافية