مشاهدة النسخة كاملة : قصيدة اتصالي جميله جدا


الفتى الحزين
19-07-2008, 08:06 PM
قصيده جميله جدا من احد المنتديات اتمنى ان تعجبكم........!!!!!!



البارحه من لهفتك لاتصالي=لو ماتصلت انتي عليّه تدقين

واليوم ادق الرقم واعتزالي=وليتك على كثر اتصالي تردين

وش سالفة هذا الثقل والتعالي=والا مثل قولة علي دق بعدين

((بك يتصل عادل )) يقولون غالي=وانته مطنش رقم عادل الى وين

يعني على كثر الغلا ماتبالي=والا على كثر اهتمامي تصدين

ردي علي ماعاد فيني احتمالي=شف شاشة الجوال في خاطر ٍ شين

الحين اقول ارجوك يعني تعالي=اخاف تقلب فيك كل الموازين

بكره الى دارت عليك الليالي=من حين تتمنى اتصالي الى حين

مابيك تتكبر على من توالي=الكبر لله وانت انسان مسكين

عطني غلا دام الغلا راس مالي=والا شوية حب ومعامل ٍ زين

اقرا خيالك وانت تقرا خيالي=همزة وصل مابيننا يالمحبين

تصبح بعين اللي يحبك مثالي=والمسألة كثر الغلا بين قلبين

يعني مثل ماتقول زد في وصالي=وانا ازيدك وصل كل ماتزيدين

نعطي بعض ياشوق عين الشمالي=في وقتها اعطيك لو تطلب العين

اما كذا والا ترى ياحلالي=ماانتظر قولة علي دق بعدين

البارحه لو مايجيك اتصالي=من لهفتك انتي عليه تدقين

واليوم ادق ادق واشغلت بالي=وليتك على كثر اتصالي تردين

بيسان
20-07-2008, 12:15 AM
حلووة

تسلم اخي الفتى الحزين

دمت بود

فارس الفرسان
20-07-2008, 12:54 AM
أحسنت أخي الفتى الحزين ..

بالتوفيق لك دوما

الفتى الحزين
20-07-2008, 06:46 PM
شكرا بيسان

الفتى الحزين
20-07-2008, 06:47 PM
شكرا اخي ذئب الحصن

ضمى قلبي
01-08-2008, 11:48 PM
كلمات راااااااعه ...

تقبل مروري

"ضمى قلبي":thumbup1: