سلام ياذيـك الديـار وعربهـا
دار سكنها نور عيـن البـداوي
دار مريفـه ذكرتنـي طربـهـا

حزات تطرب قلب وله شفـاوي
عنود ريـم تبعـده مـن قربهـا

منه الرجاوي في مناوي الرجاوي
من نال منها سقـوة ماشربهـا

جمة سراب ما لحقه الضمـاوي
ان أقبلت شوق الهواوي جذبهـا

وأن دبرت مارجعتهـا العـزاوي
مصيونة ماكـل غـاوي رقبهـا

ماسمعتهم لحن صوت الغنـاوي
أنا طريـح للهوى مـن سببهـا

وهي شرود مالحقهـا الشـواوي
عز الله اني مبطي مـن عتبهـا

ياكثر شوقـي يمهـم والمنـاوي
ان روحو يم الجنوب وهل ابهـا

وجهت عيني يم ذيـك النحـاوي
وان وجهو يم الشمـال وخببهـا

وجهت يم أهل الرباع الطنـاوي
وان حل في نجد العذيـه جنبهـا

وجهت زملي يم نجد الضحـاوي
أحد يلوم اللـي ذلولـه شعبهـا

يم الديـار المبعـدات السنـاوي
يالله يامنشي السحـاب وسكبهـا

يسقي من الغيث العميم الصداوي
تنثر من الوسمي صبايب قربهـا

يشعق سنا برقه عيون العمـاوي
ورابع نهار تشوف عيبني رغبها

نبني بيوت مقربيـن الهقـاوي

الشاعر : اللبدوي

صح لسانك صح لسانك ،، أشكرك أخل Comander على القصيدة الرائعة

صح لسانك صح لسانك ،، أشكرك أخل Comander على القصيدة الرائعة



تسلم على مرورك للقصـــيـــد تحياتي لك بتوفيق يا الغالي ربي يحفظك