مشاهدة النسخة كاملة : @@مـــــــــــســـــــــــجـــــــــــــــــــــــ ــات@@


كاسر الأمواج
25-04-2007, 08:20 PM
http://www.hesnoman.net/upload/imgs/img01/llx9FeNXhU.gif (http://www.hesnoman.net/upload/)



إليكم هذه المسجات الشعرية الرائعة التي أتمنى أن تحوز على إعجابكم...



بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك



بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي



يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..




ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام



حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه





لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني



حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده



أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..


تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني



طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك



للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب



ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي




خذني جريح شعور يعشق وصالك
ينزف جروح العشق وايامه شهود
خذني غريق احلام عانق خيالك
يرجي سحاب ايديك والشوق موقود
خذني بقايا انسان كلي حلالك
اسكن عروق القلب والشوق موجود



محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار



غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
والا بقلبي يعلم الله رصيدك
إن جيت وان ما جيت باقي لك الشوق
والقلب مثل ماهو على حطة يدينك


كل الهموم وكل ما كنت اعانيه
تروح لحظة ما اتذكر طيبك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم وحبيت كونك
في داخلي إحساس أجهل معانيه
بس الأكيد كل المشاعر يبونك


سر يا قلم واكتب عظيم اشتياقي
للي لهم بمجلس الطيب مجلاس
قدرك على راسي سوات الشماغي
بالطيب مانلقا شبيهك مع الناس
انت العطر دايم على الجو طاغي
وغيرك حطب دخانهم يوجع الراس



الشوق ناره على بعدك تحداني
هو صدق جرحي حبيب الروح يهنالك

قل غيرها وإن طرى تسأل بتلقاني
ناظر بجنبك وقلي منهو ظلالك

؛

؛

خذني فرح يشرح بادي محياك
وخذني عن الإزعاج لك جو هادي

خذني نديم لو تضايقت سلاك
وخذني ذرى لك عن قارص البرد ذاري

خذني لهناك وهناك وهناك
وإلا ترى بآخذك وأخفيك داخل فؤادي

؛

؛

لولا غرامك عن الباقين معميني
ماأوفيتلك في زمن فيه الوفا نادر

ماجت به أمه بعد من لك ينسيني
إلا إذا مات في قلبي لك الشاعر

وتبدل الدم في مجرى شراييني
وأصبحت أساوي بين النجس والطاهر

؛

؛

بعض الأشيا يوم تقدم ما نوليها إهتمام
إلا حبك يوم يقدم يبقى في عيني جديد

يعلم الله فوق حبي كيف لك عندي إحترام
إحترامك وانت قربي مايقل وأنت بعيد

؛

؛

لو تطلب عيوني تراني عطيتك
وش عاد لو تطلب أعز القصايد

ولو تطلب الروح الوحيده فديتك
عليك ما تغلى ولا شي كايد

ولو تامر بقتلي ترى ماعصيتك
أمرك نفذ وأنا نطقت الشهايد

إخترتك لعمري هدف وإرتضيتك
مالي طمع في راس مال وفوايد

؛

؛

وينها ياصبر مالي غيرها لو هي تخون
شف دفاها في ضلوعي نبضها حولي يحوم

قلت وعيوني تكابر دمعها يرثي الجفون
ليتني ياحب ميت قبل ما قلبك يروم

من صغر سني أعاني وما بقى للصبر عون
رح لها ياحبي يمكن قلبها يصبح رحوم

؛

؛

من غبت عني وخاطري دوم مكسور
في غربتي أحياك ذكرى وتذكار

أحيان أقول إنك على حق معذور
وأحيان أحس إن الجفا ماله أعذار

وكانك تحسب إن الجفا ذنب مغفور
غلطان ما تعرف للأشواق مقدار

؛

؛

أحبك حب صقار لطيره
يعاف النوم لو ريشه تثنى

وأحبك حب شاعر للقصيده
إذا جت ون وإن عيت يونا

وأحبك حب فنان لفنه
عصر روحه على شانك تغنى

وأحبك حب هاوي للهوايه
قضى عمره ولا أدرك ما ت

؛

؛

بحثت بين الأسماء عن أجمل إسم فلم أجد إلا..
اسمك
سألت سكان الأرض ونجوم السماء عن أكمل حسن فكان..
حسنك
ولم يسجل تاريخ الحب أبدا أقوى من حبي لك ولا أعظم من..
حبك
ولم ولن يكتب القلم كلمة حب أصدق وأسمى من كلمة..
أحبك

؛

؛

أنت أول الحب وإحساس الوله كله
يا مشرق في سما قلبي وفي عيني

في داخلي لك محل ما حدٍ حله
إلا أنت ياللي تذكرتك وناسيني

أنا أحبك وكل الحب لك كله
ياغالي مسكنه في قلبي وفي عيني

إيوالله إني أحبك دون خلق الله
ويحبك القلب وإحساسي وما فيني

؛

؛

أمرت قلبي ألا يعشق بعدك فأطاعني مرغما..
وأمرت عيني ألا ترى غيرك فصامت دهرا..
وأمرت ريشتي أن ترسم حسنك فرسمت بدرا..
وأمرت أفكاري أن تنظم جمالك فنظمت شعرا..
كل هذا كان من أجلك فهل يضيع سدى..؟!

؛

؛

رجعت لدروبي وعودت زعلان
تركتك لحالك ورديت بابي

ما دام في قلبك غلا غيري إنسان
الليله إفرح في سوالف غيابي

أببتعد والله حبيبي على شان
ما يجرحك صوت الغضب في عتابي

؛

؛

إذا في يوم نبهك الضمير وهاجسك صحاك
وحسيت بألم فرقا ولا تقوى طواريها

وإذا في يوم حنيت لهوى الماضي ولا خلاك
زمان تطوي أيامه ولا تدري بتاليها

تذكر واحد مهموم من ياسه ومن رجواك
فلا هو يائس ينسى ولا الرجوى يخليها

؛

؛

أغليك ولكن شعوري فيك يتعبني
ضاعت على سكة الحيره عناويني

ما عاد طيفك على الغربه يصاحبني
حب ومضى وإنتهى وأرجوك تعفيني

لاترسم أحلام لاتهدم ولاتبني
لك وجه أبيض وأنا اللي راح يكفيني

؛

؛

أنت فكرة قصيدي وأنت ملهمني
شف حلاة القصايد نابعه منك

حبك اللي كتب شعري وعلمني
كيف أسطر جروحي في ورق ضنك

إيه أحبك لو إنك حيل ظالمني
كل عرق بقلبي صاح ماعنك

إن كتبت القصايد أنت ملهمني
كل حرف كتبته فيك أو منك

؛

؛

كل ما أرعد خيالك في سماي
تنهدم جدران قلبي يا ملاك

وكل ما زادت جروحك في حشاي
المشاعر كلها تطلب لقاك

؛

؛

يمه..على قل الوصال إعذريني
لا طالت أيامي عن الوصل ماجيت

يمه..على التقصير لا تواخذيني
أنا لتنفيذ المقدر تعنيت

يمه..بعيد الدار وأدري تبيني
عايش بغربه موحشه ما تهنيت

يمه..حروفي حايره في يديني
كل القوافي والمعاني لك أهديت

؛

؛

ياليت أحبك هالشكل دايم الدوم
مابي وجودك في حياتي ضروري

بأصبر على فرقاك وإن عشت محروم
يكفي خيالك سبة في سروري

حتى أنت لا تشتاق لا منت ملزوم
أدري بحياتك منتهي كل دوري

ماكان لي وياك بالحب مقسوم
بس أعترف لا زلت عيني ونوري

؛

؛

أحيان أشوفك كل شي بهالكون
وأشوف كل الكون دونك ولا شي

مابيك تسأل كيف أنا أحب وشلون
الحب كله فيك أنا أشوفه إشوي

لو مابقى في سما وعدك مزون
بشوف كل الكون دونك ولا شي

؛

؛

القمر ماله شبيه في سماه
وأنت مثلك ماعلى الدنيا شبيه

نورك اللي ضيع الليل وكساه
شع من وجهك وأنا اللي ضعت فيه

إن حظرت العمر يرخص لك غلاه
لو تبي عمري خذه من غير ليه

وإن بغيت تغيب خذ مني وصاة
وش أبي بالقلب دامك ماتبيه

؛

؛

ماودي إلا بس بالعيد أهنيك
ولمسة يمينك بالمعايد مناتي

من بد خلق الله عشقت الهوى فيك
دنياك لي دنيا وشوفك غناتي

أحب قربك يشهد الله وأغليك
لقيت في قربك بقايا حياتي




صدقيني أي كلمه تنطقيها .......... تعتبر في ذاتها معجم غرام

وأي نظره من عيونك ترسليها .......... ما يترجمها على أوراقي كلام

وأي بسمه في شفاتك ترسميها .......... منتهى أمن المولع والسلام

وكان ما نظرات عيني تفهميها .......... يصبح اسم البوح في شرعي حرام

***************************************

سر ياقلم واكتب من الفكر ماطاب .......... واكتب كلام ترجمته الأحاسيس

على صديق غاب عني ولاغاب .......... أعيش في ذكراه وقت الهواجيس

الدمع في عيني حبسته بالاهداب .......... والهم في قلبي تعدى المقاييس

***************************************

أحدن على ربعه شجرته مظله .......... وأحدن على ربعه سموم ولواهيب

وأحدن على ربعه عباله وعله .......... وأحدن سلامه يبري الجرح ويطيب

وأنت الذي يا مالك الطيب كله .......... تاج المها لا ما وجدبك عذاريب

***************************************

أنت الوحيد اللي له القلب طوعت .......... منك أستلذ الجرح حتى عذابك

مت بغرورك كيف لامن تواضعت .......... أحس كن الكون قام وزهابك

قربك حياتي يافدى روح من طعت .......... فيك ابتدى معنى الغلا وانتهى بك

***************************************

لو تسأل هالقلب جاوب على طول
قال أنت من بد المخاليق غالي

ولو تسأل العين فالعين بتقول
لولا غلاكم ما سهرت الليالي

***************************************

حاولت أغيب صورتك عن خيالي .......... وعيا خيالي يبتعد عنك ويغيب

هذا خطا قلبي وعذري وحالي .......... وهذي جروحي من غيابك معاطيب

في غيبتك ما فارقتني الليالي.......... كني خلا والحزن في صدري الذيب

مقسى غلاك وغربتي وارتحالي .......... أنا أشهد ان الحب له سهم مصيب

***************************************

أحبك كثر ما تسهر عيون العاشقين الليل
وأحبك كثر ماحن الغريب لشوفة أوطانه

وأحبك كثر حب البدو للقهوه بريح الهيل
ليا من صبها النشمي على ربعه وضيفانه

يا أطهر من مياه البحر وأعذب من مياه النيل
أحبك كثر ملح البحر أحبك كثر مرجانه

***************************************

أنا غرضك الى انتخى فلان بفلان
وأنا لهبك الى انطفت يوم ضوك

طير تهده وان جت الحاجه حصان
وشلفا توردها محاني عدوك

***************************************

لو قالوا ان الشمس توله وتشتاق
لقول ما غيرك حرقها من الشوق

والا القمر لو يفهم وعنده أخلاق
ما كان غيرك معتلي في السما فوق

***************************************

أحبك كثر ما ضم البحر شمس الدفا بذهول
يا ليتك من وفا هالشمس باللقيا توافيني

وأحبك كثر ما عانق نسيم الغرب ورد سهول
وعد الوبل ما عانق فياضه والبساتيني

أحبك كيف يا عمري وهل يصبح من المعقول
بأن اللي معه روحه يقول أهواك يا عيني

***************************************

يامن غدى شوفه كما حبة الكوع ........... لمسه قريب وحبته مستحيله

قلبي على شوفك ولاماك مطبوع ........... حيرتني ما عاد لي فيك حيله

خل العذر مالي من العذر منفوع ........... وقل لي وش أسباب الجفا وش دليله

***************************************

أنا لست أحد سلاطين الحب

ولا ملكا من الملوك

ولا أملك عصى سحريه

كي أجبرك على محبتي

ولكنني..

عاشق مرهف الاحساس

لا أملك ما يملكه غيري من مال أو جاه

لكنني أملك قلب

لو نظرت بداخله

فلن تجدي أحدا غيرك

***************************************

كن صوتك بالخفا ينده تعال ****** وكني الضميان وأنتي منبعي

***************************************

صحيح المدح لو يقدر يقوم بنفسه ويختار

غدا عباد شمس لا لمح زولك توجه لك

***************************************

والله لو أرجع لك وأنا كلي طعون ****** أهون علي من ظلم فرقا عيونك

***************************************

جمالك لعنبوا حيك جمال ما يجي بسطور

ويمكن بألف بيت وبيت أوصف خنصر ايدينك

***************************************

جيتك مسير لي طلب وأنت قل جاك

قلبي بعد هاليوم تخلي سبيله

***************************************

أوعدك

دام الشجر يرقص مع هبة الريح

يبقى الوفى والصدق بيني وبينك

صغيرتي
25-04-2007, 08:22 PM
مسجات رووعةةة,,,,,شكرا كاسر الصحون .........

كاسر الأمواج
26-04-2007, 10:55 AM
مسجات رووعةةة,,,,,شكرا كاسر الصحون .........

ههههههههههههه ..
أنا كاسر البحر مو كاسر الصحون ههههههههه .. :)
مروركِ أروع أختي صغيرتي ..
وتحياتي لكِ ..

sky line
29-04-2007, 03:02 PM
شكرا يا كاسر الأمواج الصلبة وهي من السوائل

لوعة الحرمان
16-05-2007, 10:28 AM
مسجات حلووة يسلمو كاسر ..

تحياتي

نظرعيني
18-05-2007, 01:03 PM
وااايد خشه هالمسجات حلوووووووه ويسلم من اختارها

orient
18-05-2007, 10:40 PM
ما شاء الله مسجات حلوة ..... ذوق راقي جدا ...
أحسنت الاختيار ....

كاسر الأمواج
20-05-2007, 12:37 PM
شكراً لكم على مروركم ..
والحمدلله أن المسجات أعجبكم ..
ويعطيكم العافية ..

عاشق أميرةالورد
11-06-2007, 06:55 PM
مسجات جميلة تســـــــلم أخي كاسر..

lujaina
09-07-2007, 01:17 AM
ووووووووووووووو ايييييييييييييييييييييييييييييد حلوة:crazy:


الله يعطيييييييييييييييج العافية ياعمري مشكووووووووووورة
:thumbup1: :thumbsup: